Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe113

1331, 22 août.

Type de document: charte: vente en franc-alleu

Objet: Vente en franc-alleu par Willemin dit Salemon et par Perrin, son fils, deVillars-sur-Fontenais, à Louis [fils de Willemin dit Chavelier], clavier de Porrentruy,pour 35 s. de bâlois ou de monnaie ayant cours au marché de Porrentruy d’une rente dedeux émines, moitié blé moitié avoine, à la mesure de Porrentruy, payable à laSaint-Martin et assignée sur des pièces de terre à Villars-sur-Fontenais; en cas deretard de plus d’une année dans le paiement de la rente, l’acheteur pourra disposer deces biens. — Acte passé sous les sceaux de Jean, curé de Bressaucourt, et de Pierre,curé de Courgenay.

Commentaire: Parchemin jadis scellé de deux sceaux sur double queue. Porrentruy, Archives de laBourgeoisie, III E, 16. — Analyse par J. Trouillat, Monuments…, III,p. 747.

Verso: Littere domini Ludovici claveigeri (xiv^e siècle).

1 Nos, Willemins diz Salemonz, et Perrins, mes diz fiz, de Veler dessus Fontenoys, 2 faiçons savoir ay touz que, 3 \2 pour nostre grant profit evidant et pour le succurrement de nos et de nos hoirs, havons vendui et ven \3dons, por nos et pour nos hoirs, por franc aluef ay touz jours-maix, perpetuelment, ay monssi Lowi, clai\4vier de Pourraintruy, et ay ces hoirs, pour trantte et cinc solz de baloys ou de menoie coursauble \5 en plain marchie de Pourraintruy, douez emenes de rante, moytie blef et moytie avoine, a la muesure \6 de Porraintruy, suiz lez plaices de terre ci aprés devisees, gesans en la fin et ou terretoire de Veler, \7 ou luec qu-on dit en la Gaude, hune plaice de terre de sept penalz, entre la terre Jehannenet le \8 Donzelet et les hoirs Rober; 4 item, hune plaice en ce luec meimmes, de troys penalz, Perrins li hos\9tes d-une part et li hoir Jehannin, fil Perrat, hont d-autre part. 5 La quele somme d-argent dessus dite \10 nos, Willemins et Perrins devant dit, havons haüe et recephue dou dit monsi Lowy dessus dit en bone \11 menoie et bien nombree et de son propre chettel, et misse l-avons en nostre bon profit, si que nos nos en \12 tenons por bien paiie entierement. 6 De la quelle rente dessus devisee nos, Willemins diz Salemonz \13 et Perrins dessus nommés, nos sumes desvesti et nos desvestons, pour nos et pour nos hoirs, et si nos \14 sumes mis et mettons fours de tenure et fors de possession, et le dit monsi Lowy dessus dit en \15 havons envesti et envestons, et si l-en havons mis et mettons en bone tenure et en leaul et en \16 bone possession pour touz jours-maix, lui et ses hoirs, par la tradicion de ses presentes lettres. 7 Et \17 si havons promis et promettons, par nos soieremenz donez suiz sainctes ewangiles courporaulment \18 touchies et aprés suiz l-obligation de touz nos biens moubles et non moubles, presens et a-venir, qué \19 part que il soiient, en franchisse ou defors ^[1] que nos contre cez convenencez ne contre ceste dite \20 vendicion nen irons ne n-y ferons et aler par nos ne par autruy, coiement ne en aypert, maix \21 les tenrons, apaisserons, desfendrons et guarantirons a dit monssi Lowy et ay ces hoirs ay toz \22 jours-maix, en touz luez, en toutez cours, en touz jugemenz et defors, encontre ^[2] toutes genz \23 et par devant touz juges, ay nos propres despens et missions. 8 Et est ay savoir que nos, Willemins \24 diz Salemonz et Perrinz dessus nommé, doyvons paiier la rante dessus dite monssi Lowy devant dit ou cez \25 hoirs ou son certain commandemant ay touz jours-maix, chescun an a la feste saint Marthin d-yver; \26 et si einsi estoit que nos desfellesins de paiiement que l-uene rante trovet l-autre, fuet \27 en tout ou en partie, li diz mesi Lowys ou sui hoir puent et doyvent faire de la terre dessus \28 dite lour bone volunté si comme de lour propre et franc heritaige, sanz aler encontre ^[3] pour \29 nexun ^[4] caux. 9 En tesmoingnaige de la quelle chosse, nos, li devant nommé Willemins diz Salemonz \30 et Perrins, mes diz filz, lez quelez convenencez dessus devisees nos havons louhé, confars et ratifié, \31 tuit ensamble et chescuns par soy. 10 Et si havons proiie et requis as saiges persones et honestes, monssi \32 Jehan, curé de Brissacourt, et monsi Pierre, curé de Corgenay, que mettent lour seelz \33 en ces presentez lettres; et nos, Jehans, curez de Brissacort, et Pierres, curés de Cor\34genay, as proiieres et es requestes des persones dessus dites, havons mis nos seelz en cez pre \35sentes lettres en sygne de verité. 11 Faictes et donees le jusdi devant la feste \36 saint Bartholomee, l-an de grace courrant par mil troys cenz et trantte hun, ou moys \37 de oust.

Notes de transcription
^[1] Ainsi coupé: de fors.
^[2] Ainsi coupé: en contre.
^[3] Ainsi coupé: en contre.
^[4] Ainsi coupé: nex un.