Accueil>Les corpus textuels>Charte docJuBe100

Accueil

Descriptif du projet

Les corpus textuels

Interrogations linguistiques
[vers une autre interface]

Contact

 

Choix d'édition

édition critique
édition interprétative
édition diplomatique

Montrer la structure rhétorique

non
oui

   

Téléchargement du document

fichier xml fichier pdf

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe100

1330 (n. st.), 18 janvier.

Type de document: charte: vente en franc-alleu

Objet: Vente en franc-alleu devant la justice publique par Henriet dit Buchillet, de Courgenay,et par Jean et Catherine, ses enfants, à l’abbé et au couvent de Lucelle pour 75 s. debâlois ayant cours au marché de Porrentruy de pièces de terre à Courgenay; et reprise entenure héréditaire de ces biens moyennant un cens annuel de 5 s. payable à Noël. — Actepassé sous les sceaux de Pierre Cordelier, curé de Courgenay, et de Louis, curéd’Alle.

Commentaire: Parchemin jadis scellé de deux sceaux sur double queue. AAEB, B 240/30. — Analyse parJ. Trouillat, Monuments…, III, p. 735 (à la date du 19 janvier 1329).

Verso: Litera Henriat Buescheler de bonis emptis ab eo in Gennisdorf de quibus dabantur olim V s.; modo concessa sunt cum bonis quos Girardin tenet pro censu bladi cum aliis bonis (xive siècle).

 1 Nos, Henriez diz Buecheillez, de Courgenay, Jehans et Katherinne, anfant de moy, Henriet devant nomé, 2 faiçons savoir a touz 3 que nos, non paz lou\2sangie ne contrain ne barettés d-acun, maix saige et bien avisé et de nos propres et franches voluntez, havons vendu, pour nos et pour nos hoirs, pour \3 (pour) franc aluef, pour touz jours-maix, perpetuelment, a religiouses persones et discretes, monseignour abbey de Lucselant, et a convent dou \4 di luec, de l-ordre de Cités, pour seixante et quinze solz de baloys, menoie coursauble ou marchie de Pourraintruy, lez plaices de terre ci aprés de\5(de)visees, gesans en la fin et ou terretoire de Courgenay, as luez ci aprés devis: 4 premierement, en Cuedroy, hune plaice de terre, Lovyés diz Mar\6chanz hai d-une part et Hambelins hai d-autre part; 5 item, en Chailierez, hune plaice de terre, Bourquinz, de Correnot, hai d-une part et Werniers \7 diz Chantins, de Porraintruy, hai d-autre part; 6 item, hun chessaul, li hoir Peiquellet hont d-une part et li terre de Luccelanz giet d-autre part. 7 \8 Leez quelz seixante et quinze solz dessus diz nos havons haüz et recephuz des diz abbey et covent dessus diz en bone menoie et bien nombree \9 et de lour propre chettel, et mis les havons en nostre evidant profit, si que nos nos en tenons pour bien paiie entierement. 8 De la quelle \10 terre dessus devisee nos, li devant nommé Henriez, Jehans et Katherinne, nos nos sumes desvesti et nos desvestons, pour nos et por nos hoirs, \11 et si nos sumes mis et mettons fours de tenure et fors de-possession, et lez diz abbey et convent dessus diz en havons envestil et envestons, \12 et si les en havons mis et mettons en bone tenure et leal et en bone possession, pour lour et pour lour successours, pour toz jours-maix \13 par la tradicion de ces presentes letres. 9 Et si havons promis et promettons, par nos soieremens donez suiz sainctes ewangeles courporament tou\14chies, aprés suiz l-obligation de touz nos biens moubles et non moubles, presens, a-venir, qué part que il soiient, en franchisse ou defors [1], que nos \15 encontre ces convenences ne contre ceste dite vendition nen irons [2] ne n-i ferons aler par nos ne par autrui, coiement ne en apert, maix la tenrons, \16 apaisserons, desfendrons et guarantirons as diz religious dessus nomez a-touz jours-maix, en touz luez, en toutes cours, en touz jugemenz \17 et defors, encontre toutes genz et par devant toz juges, ai nos propres despens et missions. 10 Et aprés nos havons renoncie et renon \18ceons en cest nostre fait ai toute exception de mal, de baret, de fraude, de lesion, de circonvencion, a action en fait, en condicion moins \19 suffisant, a action de deception et ai toutes autres raisons et exceptions de fait ou de droit, espicialment a-droit que dit \20 general renonciation neant valoir se li espicial ne vait devant. 11 Et toutes ces convenences et une chescunne d-ycelles havons \21 nos faictes par une overte justise pour ce seant en justice et pour autres caux. 12 Et est a-savoir que li diz convens dessus només hay re\22prestey a diz Henriet, Jehans et Kathelinne et ai lour hoir la dite terre devant dite a touz jours-maix, continuement enseuguant la \23 confection de ces letres, parmé cinc solz de-rante a-paiier chescun an ai la Nativité Nostre Seignour as diz abbey et a covent dessus dit \24 ou a lour certain commendement. 13 En tesmoignaige de la quele chosse, nos, Henriez diz Buechelés, Jehans et Katherinne, anfant de moy, Hen \25riet dessus nomé, les queles convenences nos havons louhé, confars et ratifié, tuit ensamble et chescuns par soy, et si havons proiie et requis \26 as saiges persones et honestes, monsi Pirre Cordelier, curé de Courgenay, et monsi Louy, curé d-Alle, que mettent lour seelz en ces \27 presentes lettres; et nos, Pirres, curés de Corgenay, et Louys, curés d-Alle, as proiieres et es requestes des persones dessus nomees, ha\28vons mis nos seelz en ces presentes lettres en signe de verité. 14 Faictes et donees lo jufdi devant la feste sain Fabiain et Sebastiain, \29 l-an de grace corrant par mil troys cens et vint et nuef, ou mois de janvier.
Notes de transcription
[1] Ainsi coupé: de fors.
[2] Ainsi coupé: ne nirons.