Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe098

1329, 19 décembre.

Type de document: charte: vente en franc-alleu

Objet: Vente en franc-alleu devant Jean dit Savaiget, écuyer, prévôt de Porrentruy, parWillemete, veuve de Thomas, de Chevenez, autorisée par Willemenet de Chevenez, écuyer,son avoué, par Willemin, par Horriet et par Béatrice, ses enfants, et par Amiet, mari deBéatrice, autorisés par Uvrart, avoué et oncle des enfants, à Richart de Morimont,chevalier, pour 6 l. de bâlois de deux chesaux à Chevenez. — Acte passé sous les sceauxde Louis, curé d’Alle, de Jean, curé de Bressaucourt, et de Jean dit Savaiget, écuyer,prévôt de Porrentruy.

Commentaire: Parchemin jadis scellé de trois sceaux sur double queue. AAEB, B 239 Ajoie/21. —Analyse par J. Trouillat, Monuments…, III, p. 739 (à la date du 22décembre).

1 Nos, Willematte, femme ça en arriers Thomas, de Cheveney, Willemins, Horriez et Beatrix, amfant de la dite Willematte et dou dit Tho\2mas, que fuit, et je, Amiez, maris a la dite Beatrix, 2 savoir fasçons a touz 3 que nos, pour nostre grant profit evidant et par lez loz et lez bones vo\3lentés de Willemenat, escuier, de Cheveney, vouhé de moy, Willematte dessus dite, et de Huvrart, oncle de nos, Willemin, \4 Holriet et Beatrix, nostre leal vouhé doné ai nos par justisse seant et par leal jugement, havons vendu et vendons pour franc aluef, pour \5 nos et pour nos hoirs, pour touz jours-maix, a mon sire Richart, chevalier, de Morimont, et ai ses hoirs, pour seix livres de baloys, douz chessalz \6 de terre gesant en la ville de Cheveney, dez quelz li huns chessalz giet arriers lou chessal Cuenin l-Apostoile d-une part et li \7 hoir Humber lou Peut hont d-autre part, et li altres chessalz giet devant lou Mostier, entre la vie d-une part et li \8 hoir Cuenin dit Coquerel hont d-autre part. 4 Les queles seix livres dessus dites nos havons hahuez et recehuez dou dit mon \9 sy Richart, chevalier, en bone menoie bien nombree et de son propre chattel, et mises les havons en nos profiz, si que nos nos en tenons \10 pour bien paiie entierement. 5 Dez quelz douz chessalz dessus nommés nos, li devant nommé Willematte, Willemins, Holriez et \11 Beatrix, sui amfant, et je, Amiez, maris a la dite Beatrix, nos sumes desvesti et nos desvestons, et si nos en sumes mis et \12 mettons fors de tenure et fors de possession, et les devant nommés mon sy Richart, chevalier, et ses hoirs en havons envesti et enves\13tons, et si les en havons mis et mettons en bone tenure et leal et en bone possession pour touz jours-maix par cez presentes lettres. 6 \14 Et si havons promis et promettons, par nos foys pour ce corporalment donees en lue de soirement et suiz l-obligacion de touz nos \15 biens moubles et non moubles, presens et a-venir, que nos encontre ^[1] cez dites convenances ne contre cez presentes lettres ne ceste \16 dite vendition nen irons ^[2] ne ne ferons ai aler par nos ne par altruy, coiement ne en apert, maix les tenrons, aipaisserons, desfendrons \17 et guarantirons, chescuns de nos dou tout, ai touz jours-maix, en touz luez, en toutes cours, en touz jugemens et defors, \18 encontre ^[3] toutes gens, a nos propres despens et missions. 7 En tesmoignaige de la quele chose, nos, li devant nommé Willemat\19te, Willemins et Beatrix, sui amfant, Willemenez, escuiers, wouhez a la dite Willematte, Huvrars, wouhez et oncles ai \20 ses diz amfans, par cui loz la dite vendition est faicte, et je, Amiez, maris a la dite Beatrix, havons proiie et requis as saiges et \21 honestes persones, mon sy Loui, curé d-Alle, mon sy Jehan, curé de Brisacourt, et Jehan dit Savaigeit, escuier, prevost en ce \22 temps de Pourraintruy, en la presence dou quel en justisse seant nos havons fait les dites convenancez et par jugement, que il mettent \23 lour seelz en cez presentes lettres; et nos, Louis et Jehans, curé dessus dit, et Jehans diz Savaigez, prevost de Pourraintruy, \24 as proiieres et as requestes dez persones dessus nommees, havons mis nos seelz en ces presentes lettres en signe de verité. 8 \25 Faictes et donees lou mardi devant la Nattivité Nostre Signour, l-an de grace corrant par mil trois cens et vint nuef.

Notes de transcription
^[1] Ainsi coupé: en contre.
^[2] Ainsi coupé: ne nirons.
^[3] Ainsi coupé: en contre.