Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe081

1328, 15 décembre.

Type de document: charte: vente en franc-alleu

Objet: Vente en franc-alleu par Loviat de Cœuve, écuyer, avec le consentement d’Henri,d’Horriet, de Bourcart et de Jeannete, ses enfants, à Isabele, veuve d’Évrart deVendlincourt, écuyer, pour 29 l. 2 s. de bâlois ayant cours au marché de Porrentruyd’une pièce de terre de treize journaux et demi à Cœuve. — Acte établi au nom de Loviatde Cœuve, écuyer, et passé sous son sceau et sous ceux de Louis, curé d’Alle, et duconseil de Porrentruy.

Commentaire: Parchemin jadis scellé de trois sceaux sur double queue; il subsiste ceux de Loviat deCœuve et du conseil de Porrentruy. AAEB, Chartes. — Analyse par J. Trouillat,Monuments…, III, p. 733.

Verso: Lettrez de Cuves. — Lettre de Cuvez ( xiv^e siècle).

1 Je, Loviez, escuiers, de Cuve, 2 fais savoir a touz 3 que je, pour lou profit et succurrement de moy et de mes hoirs, et de ma propre et fransche volenté, et par les loz et les bones vo\2lentés de Henri, Hourriet et Bourquart et Jehannette, mes amfans, hay vendu et vendoy pour franc aluef, pour moy et pour mes hoirs, pour touz jours-maix, ay Eysabel, femme ce \3 en arriers Huvrart, escuier, de Wandelincourt, pour lei, Eysabel, et pour ses hoirs, une place de terre que contient treze jornalz de terre et hun demi, gesant en lai fin et ou ter\4ritoire de Cuve, a luec que on dit en Walchyol, li hoir Renal, escuier, dit dou Prey, hont d-une part et li hoir a dit Huvrart, escuier, que fuit, hont d-autre part, pour lou pris de vint \5 et nuef livres et douz solz de baloys, menoie coursable ou marchie de Pourraintruy. 4 La quele somme d-argent je, li diz Loviez, escuiers, hay hahue et recehue de la dite Eysabel \6 en bone menoie bien nombree et de son propre chattel, et mis et tornee l-ay en mon evidant profit, si que je m-en tien pour bien paiiez entierement. 5 De la quele place de terre entierement \7 dessus devisee je, li diz Loviez, escuiers, me suiz desvestis et me desvest, et si m-en suiz mis et mat fors de tenure et fors de possession, pour moy et pour mes hoirs, pour touz jours\8maix, et la dite Eysebel et ses hoirs en ay en[vesti] et envestoy, et si les en ay mis et mat en bone tenure et leal et en bone possession pour touz jours-maix par la tradition de cez \9 presentes lettres. 6 Et est ai savoir que je, li diz Loviez que ay fait la dite vendition, et nos, Henris, Holriez, Bourquars et Jehannette, amfant dou dit Loviet, voillans, consentans et ratefians la dite \10 vendition qu-est faicte par nostre dit perre Loviat pour nostre evidant profit, havons promis et promettons, pour nos et pour nos hoirs, tuit ensamble et chescuns par soy, par nos soiremens donés suiz sainc\11tes ewangele touchiez et aprés suiz l-obligacion de touz nos biens moubles et non moubles, presens et a-venir, a tenir toutes cez dites convena[nces], et une chescune de li, guarder, desfendre et guarantir, \12 uns-chescuns de nos dou tout, pour nos et pour nos hoirs, a touz jours-maix, a la dite Eysebel et ai ses hoirs, en touz luez, en toutes cours, en touz jugemens et defors, encontre toutes gens, ay \13 nos propres despens et missions; 7 et avec ce nos havons renoncie et renonceons en cest nostre propre fait a toute exception de mal, de bareit, de fraude, de lesion, de deception, de circonvention, a action \14 en cause moins suffisant et a toutes altres raisons et exceptions de fait ou de droit, espicialment a droit que dit general renonciation neant valoir se li espicialz ne vait devant. 8 En tes\15moignaige de la quele chose je, li diz Loviez, escuiers, par les loz et les bones volentes de Henri, Holriet, Bourquart et Jehannette, mes diz amfans, hay mis mon seel en cez presentes \16 lettres. Et si havons proiie nos, li devant nommé Loviez et sui amfant dessus dit, as saiges persones et honestes, mon sy Loui, curé d-Alle, et a conseil dez bourjoys de Pourraintruy, que \17 il y mettent lour seelz; et nos, li devant nommé Louis, curés d-Alle, et li conselz dez bourjoys de Pourraintruy, as proiieres et as requestes dou dit Loviet et de ses diz amfans, \18 havons mis nos seelz en cez presentes lettres ensamble lou seel a dit Loviet, escuier, en signe de la pure verité. 9 Faictes et donees lou juedi prochain aprés feste saincte Lucie, \19 l-an de grace courrant par mil trois cens et vint et huyt, ou moys de decembre.