Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe077

1328, 22 avril.

Type de document: charte: vente

Objet: Vente devant Richart dit le Caïn, de Bonfol, maire du prieuré de Saint-Nicolas deMeroux, par Perrenet, fils de feu Henri, de Bonfol, à Perrin de Bourrignon, bourgeois dePorrentruy, pour 11 l. 10 s. de bâlois ayant cours au marché de Porrentruy de pièces deterre à Bonfol, faisant partie des colonges de Saint-Nicolas de Méroux; remise de cesterres en colonge par Richart dit Caïn à l’acquéreur moyennant une redevance annuelle de3 s. pour la desserte; et reprise en tenure héréditaire de ces mêmes biens par levendeur moyennant un cens annuel de six émines de blé et de six émines d’avoine à lamesure de Porrentruy, payable à Porrentruy à la Saint-Martin, et le paiement des 3 s.pour la desserte; en cas de retard de plus d’une année dans le paiement du cens,l’acquéreur pourra disposer de ces biens et payera alors les 3 s. de desserte. — Actepassé sous les sceaux d’Humbert, curé de Courgenay, de Louis, curé d’Alle, et du conseilde Porrentruy.

Commentaire: Parchemin jadis scellé de trois sceaux sur double queue; il subsiste celui de Louis,curé d’Alle. AAEB, Chartes. — Analyse par J. Trouillat, Monuments…, III,p. 731.

Verso: Lictera de bonis que dedit nobis Juntha, uxor Petri, filii Bruchs de Burius, in Bomfol (xiv^e siècle).

1 Je, Perrenez, filz ça en arriers Henri, de Bomfol, 2 fais savoir a touz 3 que je, pour mon grant profit evidant et pour lou succurrement de moy et de mes \2 hoirs, ay vendu et vendoy, pour moy et pour mes hoirs, pour touz jours-maix, a Perrin de Boreignon, bourjoys de Pourreintruy, et a ses hoirs, pour \3 onze libres et deix solz de baloys, menoie coursable ou marchie de Pourraintruy, les places de terre que sunt cy aprés devisees, gesans en la fin et ou territoire \4 de Bomfol, as luez cy aprés nommés; 4 premierement, en Banc Boys, une place de quattre jornalz, li terre Sainz Nicholas de Myroul est d-une part et li terre de \5 Luscelans est d-autre part; 5 item, en Champ Maquel, hun jornal, Jehannenez de Vandelincourt hay d-une part et li terre Saint Nycholas est d-autre part; 6 item, li maim \6mes, hun jornal, li terre Saint Germain est d-une part et li amfant a clavier hont d-autre part; 7 item, en Prel Bel, douz jornalz, li hoir mon sire Alert hont d-une \7 part et li hoir Huvrart, son frere, hont d-autre part; 8 item, en la Planche, une oyche, li hoir mon sire Alert hont d-une part et Richars diz li Kains hay d-autre part; \8 9 item, lou chessal qu-est devant chiez mon sy Jehan, que giet arriers la vie, et est li dite terre dez colonges Saint Nycholas de Myrou. 10 Les queles onze libres \9 et diex solz dessus dites je, li diz Perrenez, hay hahuez et recehuez dou dit Perrin de Boreignon en bone menoie bien nombree et de son propre chattel, et \10 mises les ay en mon profit, si que je m-en tien pour bien paiiez entierement. 11 De la quele terre dessus devisee je me suiz desvestis et me desvest, pour moy \11 et pour mes hoirs, et si m-en suiz mis et mat fors de tenure et fors de possession, et lou dit Perrin de Boreignon et ses hoirs en ay envesti et envestoy, et \12 si les en ay mis et mat en bone tenure et leal et en bone possession pour touz jours-maix par la tradition de cez presentes lettres, et par devant Richart \13 dit Kains, de Bomfol, mayre a priour de Saint Nycholas de Myroul. 12 Li quelz Richars, pour ce en justisce seant, ay represté pour touz jours\14maix, par ma proiiere, a dit Perrin et ai ses hoirs la dite terre en nom de colonge, parmé trois solz que elle doit chescun an de desserte; 13 maix il est ai savoir \15 que je, li diz Perrenez, et mi hoir devons tenir la dite terre entierement en feu heritable ai touz jours-maix, parmé seix emenes de nu blef, blef de \16 rente, et seix emenes de avoinne, a la meusure de Pourraintruy, ai paiier et a rendre franchement, ai touz jours-maix, a dit Perrin et ai ses hoirs \17 chescun an deans la ville de Pourraintruy, a nos propres missions, a chescun terme de la Saint Martin d-yver, et paieriens aisic les diz trois solz que \18 li dite terre doit, par tel devis que, si tost comme nos desfarriens de paiier a dit Perrin ou ai ses hoirs la dite rente [a] paiier et rendre a Pourraintruy \19 chescun an a dit terme, par ainsi comme il est dessus devis, par si grant tergement et par si grant dilation que li une rente troveit l-autre rente que ne fust \20 ancour paiie, adoncquex li diz Perrins et sui hoir doivent et puhent torner suiz la dite terre comme suiz lour propre herietaige et tenir parmé les \21 diz trois solz de desserte, et en puhent faire toute lour bone volenté comme de la lour propre chose, senz ce que je ne mi hoir doihiens ne puissiens \22 aler encontre ^[1] pour nesun caux. 14 Et toutes cez convenances et une chescune d-ycelles avons nos promis et promettons, je, li diz Perrenez, pour moy et pour mes \23 hoirs, par mon soirement doné suiz sainctes ewangeles touchies et aprés suiz l-obligation de touz mes biens moubles et non moubles, presens et a-venir, \24 a tenir, desfendre et guarantir, pour moy et pour mes hoirs, ai touz jours-maix a dit Perrin et ai ses hoirs, en touz luez, en toutes cours, en \25 touz jugemens et defors, encontre ^[2] toutes gens, a mes propres despens et missions, non obstant aucune exception de fait ou de droit. 15 En tesmoig\26naige de la quele chose, je, li diz Perrenez, ay proiie et requis as saiges persones et honestes, mon sire Humbert, curé de Courgenay, mon sy Loui, curé \27 d-Alle, et a conseil dez bourjoys de Pourraintruy, que mettent lour seelz en cez presentes lettres; et nos, Humbers, curés de Courgenay, Louis, \28 curés d-Alle, et li conselz dez bourjoys de Pourraintruy, as proiieres et as requestes dou dit Perrenet, de Bomfol, havons mis nos seelz en ces \29 presentes lettres en signe de la pure verité. 16 Faictes et donee lou vanredi prochain devant feste saint George, l-an de grace courrant \30 par mil trois cens et vint et huyt, ou moys de avril.

Notes de transcription
^[1] Ainsi coupé: en contre.
^[2] Ainsi coupé: en contre.