Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe073

1327, 27 juin.

Type de document: charte: affermage

Objet: Affermage pour une année par Richart dit Vaydrel, chevalier, de Porrentruy, à PerrinClerc, curé d’Abbévillers, demeurant à Porrentruy, de ses droits sur la dîme dePorrentruy, moyennant treize muids, moitié blé moitié avoine, et six émines de pois, àla mesure de Porrentruy, payables à Delle à raison de six muids et demi de blé à laSaint-Michel et de six muids et demi d’avoine et six émines de pois à la Saint-Martin,mais si, durant les trèves, Richart dit Vaydrel était accusé d’agir contre l’évêque deBâle, il devrait être blanchi par un jugement de chevaliers et de bonnes gens, sinonPerrin Clerc ne serait pas tenu de payer le fermage; et garantie du contrat par Renautde Cœuve [dit du Pré], écuyer, cousin de Richart dit Vaydrel, et par Perrin Clerc. —Acte passé sous le sceau de Pierre, abbé de Bellelay.

Commentaire: Parchemin jadis scellé sur simple queue. AAEB, A 47/18. — Publication par J.Trouillat, Monuments…, III, n° 222, p. 373-374.

1 Je, Richars diz Vaydrelz, chevaliers, de Pourraintruy, 2 fais savoir ai touz 3 que je ay presté et prastay en nom de \2 admodiation ai Perrin Cleirc, curé de Belviler, demorant ai Pourraintruy, tel droit et tele raison comme \3 je ay, doy et puix havoir ou dyeme de Pourraintruy et as appertenances dou dit dyeme entierement, lou \4 quel prest dou dit dyeme je li ay fait soulement de ceste annee et de ceste moisson presente, parmé ce \5 que il, pour lou dit dyeme, me doit paiier et rendre, senz mon cost, en lai ville de Deyle, treze muys, \6 moittie blef et moittie avoinne, ai lai meusure de Pourraintruy, as termes ci aprés nommés et aisic siex eme\7nes de poys ai lai dite meusure, c-est ai-savoir: ai ceste feste de lai Saint Mychiel prochainnement venant, \8 siex muys et hun demi de nu blef, et ai lai feste de la Saint Martin d-yver, siex muys et hun demi \9 de avoinne, et les siex emenes de poys aisic. 4 Et lou dit dyeme je li ay laissie et laissoy a bon us dou \10 paiis et senz touz aboz; c-est ai entendre quar, si ainsic estoit que je, les truhes durans, fusse soppez ou \11 encussés de aucuen que je mesfiesse encontre mon signour le evesque de Balle, je m-en doy pourgier \12 a jugement de chevaliers et de bones gens. 5 Et se je ce ne façoiie, li diz Perrins ne altres pour lui \13 ne est tenus de moi paiier lou dit admoisenement dou dit dyeme, si ainsic estoit que, ai part mon \14 dit signour le evesque, on li priest ou barreit; et lou remeignant touz jours a bon us dou paiis. 6 \15 Et de cest dites convenances et admoisenement mi ^[1] est debtres et renderres principalz dou tout \16 Renalz de Cuve, escuiers, mes coysins, avuec lou dit Perrin. 7 Et nos, li dessus nommé Perrins \17 Clers, curés de Belviler, et Renalz, escuiers, de Cuve, tesmoignons les dites convenances et lou dit \18 admoissenement dou dit dyeme estre fait dou tout en la meniere que il est dessus devis; et avuec \19 ce, nos havons obligie et obligeons, chescuns de nos dou tout, touz nos biens moubles et neant \20 moubles as mains dou dit mon sy Richart et de ses hoirs, pour aicomplir les dites convenances se \21 riens lour en aleit jus par nostre desfaut. 8 En tesmoignaige de la quele chose, nos, li dessus nommé Richars \22 diz Vaydrelz, chevaliers, Perrins Clers, et Renalz de Cuve, escuiers, havons proiie et requis a religiouse \23 et discrete persone, mon signour Pierre, par la patience de Deu abbé de Ballelee, de-l ordre de \24 Premonstrey, que mette son seel en cez presentes lettres; et nos, Pierres, par la patience de Deu \25 abbés dessus nommés, as proiieres et as requestes dez persones devant nommees, havons mis nostre seel \26 en cez presentes lettres en signe de verité. 9 Faites et donees lou sambedi prochain aprés lai \27 Nattivité saint Jehan Baptiste, l-an de grace courrant par mil trois cens et vint et sept.

Notes de transcription
^[1] Ou m-i.