Téléchargement du document

Documents linguistiques galloromans
Corpus : chNCh (chNCh)
Responsable du corpus : NN
Édition de la charte : Bernadette Gavillet.

chNCh146

1327, 10 septembre.

Type de document: charte: affranchissement

Objet: Affranchissement par Bonete de Vautravers, femme de feu Jean de Vautravers, et Jacquet, Olivier et Girard, ses fils, de Perrin dit Flamain et de Jeannin, son neveu, pour 12 livres et une rente annuelle de 15 sous. Ils promettent l’aide de mariage à Jacquet et Girard, leur soutien en cas de dommages et de ne pas entrer en l’hommage d’un autre seigneur.

Auteur: Perrin Flamain et Jeannin son neveu.

Disposant: Perrin Flamain et Jeannin son neveu.

Sceau: sceau de la cour de Pontarlier.

Bénéficiaire: Bonete de Vautravers, Jacquet, Olivier Girard de Vautravers, enfants de Bonete.

Rédacteur: Jean Tholomé et Estevenin de l'Aule.

Support: Parchemin scellé sur double queue.

Lieu de conservation: AEN, L6 n° 13.

Édition antérieure: Publication par G.-A. Matile, Monuments…, n° CCCLXXVII, p. 379-380. – Analyse par H. Jéquier, Le Val de Travers…, 210.

Verso: La lettre Perrin Flamain, de Doub (XIV^e siècle).

1 Nos, Perrins diz Flamains, de Doub, et Jehannins, ses nyés, homes Bonete, fema cey en arrer Jehannin de Valtraver, escuier, Jaquet, monsy Olivier et Girar, \2 freres, enfanz de la dite Bonete, 2 façons savoir a touz ces qui verront et orront ces […] presenz letres 3 que nos, non mie contreinz, decehuz ne baratez, par force, par barat, \3 ne par pour a ce menez, mais de nostre bon grey et de nostre bone volunté et en regardant nostre grant proffiet evident, confessons et recognoissons par ces letres que nos, \4 por nos et por nostres hoirs, havons acordé a nostres diz seignour en tel maniere que il nos hont affrangy et quité a toz jors mais, por nos et por nostres hoirs, de taille, \5 de prise, de corvees, de soreprises et de toz autres servises quelque il soient por quinze souz de bons esteveneins a paier chescun an censalment a la feste de Touz \6 Seins chiés les diz nostres segnour an la vila de Mostier en Valtraver a lour et a lour hoirs (et a lour hoirs) de nos et de nostres hoirs, et por douze livres de bons \7 esteveneins que il hont haü et recehu de nos en bons deniers nombrez une foy tant soulement en nom de haüe. 4 En ce ajoste que se li diz Jaquez et Girars nostry seig\8nours venoent chevaliers ou marievent lour filles ou nyons ovailles venoent sus les diz messeignour, c-est a-savoir sus Boneta, Jaquet, monsy Olivier \9 et Girar ou sus lour hoirs, nos et nostry hoirs seriens tenuz de lour haydier a nostre pooir. 5 Et ne poons ne devons faire ne entrer en homaige, en comandise, \10 en borgesie ne en garde de autre seignour sein la volunté et le consentement de nostres diz seignour. 6 Et par ces condicions, il nos hont quitté, affranchy \11 et promix en bone foy que il jamays n-en iront encontre ou tein a-venir de totes autres auctions, quereles, demandes que il haüssent encontre nos tanque a la confec\12tions de ces letres et dou tein a venir aussi. 7 Par quoy nos, li diz Perrins Flamains et Jehanninet, ses nyés, por nos et por nostres hoirs, prometons et havons promix \13 par nostre sairement doné corporalment sus seinz evvangeles que nos contre les choses cy dessus escriptes ne contre aucune de celes ne irons, ne ferons aler, ne \14 consentirons que autres y veigne par nos ne par autruy, mais totes les choses dessus dites, et chascune per soy, prometons par la force de nostre sairement dessus \15 doné tenir, garder, faire et acomplir bien et entierement, ensi come il est dessus devisé, sein jamais ressaillir, sein rapaler et sein jamais \16 aler encontre ou tein a-venir. 8 Et renunçons en cest fait a l-exception de mal, de barat, de pour, de deception et a totes autres exceptions \17 de droit, de canon et de loys par quoy li tenour de ces letres porroit estre annullee, empagie ou turbee ou tein a-venir; et especialment \18 ou droit qui dit que generaulz renunciacions ne vaut se li especialz ne vait devant. 9 En tesmoignaige des quelz choses, nos, li diz Perrins \19 Flamains et Jehanninez, ses nyés, havons fait saler ces presentes letres dou seel de la cort a tres noble et puissant dame Mahaut, contesse \20 d-Arthoys et de Borgoigne palatine et dame de Salins, dou quel seel l-on use a Pontally, par Jehan Tholomé et par Estevenin de l-Alle, en \21 la juridicion de la quel cort nos sumetons nos et touz nos biens moubles et non moubles, presenz et a-venir, por faire tenir \22 la tenour de ces presenz letres. 10 Faites et donees l-an Nostre Seignour corant mil troys cent et vint et sept, le jeudi aprés la Nativité Nostre Dame.