Téléchargement du document

Documents linguistiques galloromans
Corpus : chNCh (chNCh)
Responsable du corpus : NN
Édition de la charte : Bernadette Gavillet.

chNCh142

1326 (n. st.), 7 février.

Type de document: charte: reprise en fief

Objet: Reprise en fief-lige par Othenin de Bonvillars, avec le consentement de Jean de Bonvillars, son père, et de Guillaume, son frère, de la grange de Montbrelloz et de ses territoires. Othenin entre ainsi en la foi et l’hommage de Louis de Neuchâtel et reçoit 200 livres du dit Louis.

Auteur: Othenin de Bonvillars.

Disposant: Othenin de Bonvillars.

Sceau: sceaux de Jean de Bonvillars, du prévôt de Neuchâtel et du chapitre de Neuchâtel.

Bénéficiaire: Louis de Neuchâtel.

Autres Acteurs: Jean de Bonvillars et Guillaume de Bonvillars.

Support: Parchemin jadis scellé de trois sceaux sur double queue; il subsiste des traces de celui du prévôt et un fragment de celui du chapitre de Neuchâtel.

Lieu de conservation: AEN, E4 n° 29.

Édition antérieure: Publication par G.-A. Matile, Monuments…, n° CCCLXXII, p. 373-374.

Verso: Fiez de Bun Villar (XIV^e siècle).

1 Je, Othonin de Binvilar, donzelz, 2 fay savoir a toz 3 que je, dou lou et dou consentement Jehan de Binvilar, mon pere, Willeme, mon frere, fil dou dit Jehan, mon pere, teigne et hay repris en fyez \2 de noble damoysiaul Loys de Nuefchastel, mon chier seignour, fil de noble baron, haut et puissant mon seignour, monsy Roufz, conte et seignour de Nuefchastel, les choses cy aprés \3 escriptes, 4 et de yceles suys entrez en la foy et en l-omage dou dit Loys, mon chier seignour, c-est a savoir: 5 une grange, la quele l-on apele la grange de Montbrelo li quele est \4 assise ou territoire de Montbrelo, de une part, et, d-autre part, ou territoire de Morens et en la seignorie d-Estavaier, c-est a-savoir en tant come elle se estent en prez, en champs, en curtiz, \5 en boys, en terres curtivees et non curtivees, les queles choses sunt assises dejoste le chesaul et le gerdin Jehan Lamber, de Montbrelo, et joste la terre Udriot Rabassiour, d-une \6 part, et la terre de Ruery, d-autre part; item, et entre la terre de l-ospitaul de Montbrelo et la terre dou dit Lambelier, de Montbrelo, et la terra Jehan Lamber, de Montbrelo, et \7 la terre de l-ospitaul dit de la Cresta, de l-une des parties, et la terra Jehan dit dou Pra, de Morens, en la raspa dita des Tyoles et la grant raspa dita dou meitent, de l-autre part, \8 et en queiques autres choses, queles que elles soient et per queique voiz que on les apeloit, ensamble totes les apartinances et appendises de la dite grange, queles que elles \9 soent et per queique nom que on les appeloit, en dyemes, en censes, en queique maniere que on les porroit trover, des queles appartinances et appendises de la dite grange de \10 Monbrelo est un champ continent sept poses de terre arieble, assis ou lue dit Treymont, ou territoire de Morens, dejoste la viz publica per la quele l-on vait de Morens vers la vile de \11 Monbrelo, d-une part, et le prel dit Pra Johan, pertinant a la dite grange de Montbrelo; 6 item, un pra dit de la Condemina, assis ou territoire de Morens, 7 per-mye la some de dous \12 cent livres de bons losenoys, la quele some d-argent, en nom et por la cause devant dite, je, li diz Othonins, recognoisse et confesse per cestes presenz letres moy havoir haü \13 et recehu entierement et parfaitement dou dit Loys de Nuefchastel, mon chier seignour, en bone monoe bien et lealment nombree, a moy baillie et delivree, et de ycele some d-argent me \14 teigne bien por paiez et por content, et le dit Loys, mon chier seignour, et les syens en hay quitté et quittoys 8 et en tele maniere, forme et condicion que se li cas avenoit, \15 que ne soit, que mes sires, messy Roufz, peres dou dit Loys, mon seignour, trapassoit de ce syegle devant le dit Loys, mon seignour, ou li diz Loys, mes-sires, devant le dit mon \16 seignour, monsy Roufz, son pere, ou Jehans de Binvilar, mes peres, devant moy ou je devant luy, le dit cas en ce avenant que li fyez ou quel Jehans, mes diz peres, \17 est tenuz au dit mon-seignour monsy Roul dou teinp passé jusque au jor de la confection de cestes presenz letres et li fyez auxi ou quel je suys tenuz au dit Loys, mon \18 seignour, retornoent et deygent retorner et revenir ensemble et en um mayme propre fyez per la maniere, forme et condicion que Jehans, mes peres, et syes devantiers \19 l-ont tenuz de mon-seignour, monsy Roufz, et de ses devantiers, sein nule division ou dessevrance sus ce avoir a faire. 9 Et por ce que ce soit chose plus ferme et \20 estable, je, li diz Othonins, qui n-ay point de seel, hay prié et supplié per la tenour de ces presenz letres mon devant dit chier pere, Jehan de Binvilar, donzel, que il en ces \21 letres mete son seel, ensemble les seelz de venerables et discretes persones dou prevost et dou chapitre de l-ygliese de Nuefchastel. 10 Et je, li diz Willemes, \22 filz dou dit Jehan et freres dou dit Othonin, sachanz, qui totes les choses cy dessus escriptes recognoisse et confesse estre veraies et faites de ma propre volunté et consentement, \23 loe, rattiffie et conferme et promete, par mon sairement doné corporalment sus seinz evvangeles, celes tenir, garder et non corrumpre, ne faire contre celes ne venir per \24 moy ne per autruil ou tein a-venir. Et hay proié le devant dit Jehan, mon pere, quar je n-ay point de seel qui por moy tesmoignoit les choses devant dites, que il mete \25 son seel en ces presenz letres ensamble les seelz des diz prevost et chapitre de l-ygliese de Nuefchastel. 11 Et je li diz Jehans de Binvilar, peres des diz Othonin et \26 Willeme, qui totes les choses devant dites, en tant come elles m-atochent et poent athochier, tant de droit come de costume, loe, rattiffiois et conferme et le tie\27gne por bones et veraes, es prieres des diz Othonin et Willeme, mes enfanz, sus ces chose faites per celour et a lour requeste hay mix mon seel en pendant \28 en ces presanz letres et per le loux et consentement et expresse volunté des diz Othonin et Willeme, mes enfanz. 12 Et je li diz Jehans de Binvilar por moy, Othonin et Wille\29me, mes enfanz dessus diz, hay prié et supplié, et ancore nos tuiz trois ensemble et chascuns per soy prions et supplions per la tenour de ces letres les diz prevost et \30 chapitre de l-ygliese de Nuefchastel que il metent lour seelz des quelz il usent communalment en ces letres; 13 et nos, li diz prevoz et chapitres de l-ygliese \31 de Nuefchastel, es prieres, a la requeste et a l-estance des diz Jehan de Binvilar, Othonin et Willeme, ses enfanz, a nos sus ce faites de lour, havons mix \32 nostres seelz des quelz nos usons communalment en ces presenz letres ensemble le seel dou dit Jehan de Binvilar. 14 Faites et donees l-an Nostre Seignour corant \33 mil trois cent et vint et cinc, le septieme jor dou moys de fevrer.