Téléchargement du document

Documents linguistiques galloromans
Corpus : chNCh (chNCh)
Responsable du corpus : NN
Édition de la charte : Bernadette Gavillet.

chNCh126

1322, 24 mai.

Type de document: charte: vente

Objet: Vente par Jean dit li Bourgoignaz, de Vuillafans-le-Neuf, et Geliaute, sa sœur, à Jean dit Clerc d’Avoudrey pour 30 sous d’une parcelle de pré sise en Pree.

Auteur: Jean dit li Bourgoignaz et Geliaute, sa sœur.

Disposant: Jean dit li Bourgoignaz et Geliaute, sa sœur.

Sceau: sceau de Vuillafans.

Bénéficiaire: Jean dit Clerc d'Avoudrey.

Autres Acteurs: Henriaut et le Courcier, témoins.

Rédacteur: Perrin de Haute-Pierre.

Support: Parchemin jadis scellé sur simple queue.

Lieu de conservation: AEN, Y7 n° 10.

1 Je, Jehans diz li Bourgoignaz, de Villaffans le Nuef, et je, Geliaute, sa suers, 2 façons savoir a touz 3 que \2 nos, de nostre bone volunté et pour nostre grant profist, avons vendu, pour nos et pour noz hoirs, quitei, outroié et \3 delivrei, des orendroit a-touz jours mais, sans rappeler, a Jehan dit Clerc d-Avoudrey, chastelain de \4 Villaffans le Nuef, present et achetant, pour lui et pour ses hoirs, une peçaute de pré que nos aviens, assise en Pree, toichant au pré au seignour de Roigemont par l-un des chiés et au pré a la Persone par de costé \5 pour le pris et pour la some de trente solz d-estevenens et le lox et la lettre. 4 Les quex trente solz nos avons \6 heuz et recehuz dou dit achetour en bons deniers bien et leiaulment nombrez et tornez en nostre profist \7 et en dechargement de noz griés daubz, et nos en tenons entierement a bien paié. 5 Et dou dit pré \8 ensinc vendu nos nos summes devestu et dessaisi, et le dit achetour en avons envestu et mis en \9 corporel possession par la tradicion de ces lettres. 6 Et promeitons, pour nos et pour noz hoirs, par noz fois corporelment \10 donee sus saintes evvangiles toichies et par l-obligacion de touz noz biens meubles et non-meubles, presenz \11 et a-venir, la dite vendue tenir, garder, garentir et appaisier au dit achetour et a ses hoirs \12 encontre toutes genz et en touz leux, sans venir ne faire venir encontre par nos ne par autrui ou \13 temps a-venir. 7 Et pour ce que ce soit plus ferme chose et plus estable, nos, par nostre priere et nostre requeste, \14 avons fait seeller ces lettres dou seel de Villaffans le Nuef dou quel on use ou territoire dou dit leu. 8 Ce \15 fu fait et doné, presenz Henriaut, de Villaffans le Nuef, et le Courcier, son frere, tesmoins a ce appelez, le lundi devant la feste de Penthecouste, l-an de grace mil .CCC. et vint et doux. 9 P.