Téléchargement du document

Documents linguistiques galloromans
Corpus : chNCh (chNCh)
Responsable du corpus : NN
Édition de la charte : Bernadette Gavillet.

chNCh069

1316, 21 juin.

Type de document: charte: reconnaissance de fief

Objet: Reconnaissance par Jean de Naisey de tout ce qu’il tient ligement de Jean [II] de Montfaucon-Montbéliard à Naisey et à Amagney. Il reconnaît que suite à sa mort, ce fief sera partagé en deux entre ses héritiers qui seront les hommes-liges de Jean.

Auteur: Official de la cour de Besançon.

Disposant: Jean de Naisey.

Sceau: sceau de la cour de Besançon.

Bénéficiaire: Jean [II] de Montfaucon-Montbéliard.

Support: Parchemin scellé sur double queue.

Lieu de conservation: AEN, S3 n° 19.

Verso: Jehan de Naisel (XV^e siècle).

1 Nos, officials de la court de Besençon, 2 façons savoir a touz ces qui verront et orront ces presentes lettres 3 que, par devant \2 nos establiz et pour ce venanz en droit et en jugement par devant nos, Jehans de Naisey, escuiers, çai en arrers \3 filz monsi Jehan de Naisey, chevalier, ha cognu et confessé en droit par devant nos 4 qu-il tient et doit tenir en fyé \4 ligemant devant touz de noble damoisel Jehan de Mombeliart, seignour de Monfaucon, tot quanqu-il ha a \5 Naisey, en quelque chose que ce soit, en heritaige, c-est assavoir: 5 lo fyé que Othenins de Naisey, ses niés, tient \6 de lui; 6 item, ce que li enfant monsi Vautier de Goncens tienent de lui; 7 item, lo fyé Jehan de Laviron; 8 item, \7 lo fyé Damaute, de Landrace, qui fu fame Broquart; 9 item, ce que li clerz d-Athalans tient a Naisey dou \8 dit Jehan de Naisey; 10 item, lo fyé que Otheniauz, ses oncles, tient de lui; 11 item, lo fyé Hugue, fil Thomas; 12 item, lo fyé \9 que Perrins li Laichauz tient dou dit Jehan de Naisey; 13 item, lo fyé Renaut au fil Thiebaut, de Naisey, que li diz sires de \10 Monfaucon a doné au dit Jehan, 14 et tot ce que li diz Jehans peut et doit avoir a Naisey et ou finaige en \11 heritaige, soit en prez, en champs et en totes autres choses, sauf et retenu au dit Jehan les Plainches d-Ausarne \12 qu-il tient en fyé de monsi Thiebaut de Varre. 15 Et la requenoissance de ce fyé ha fait li diz Jehans au dit \13 seignour de Monfaucon pour raison de ce que li diz sires de Monfaucon li ha doné lo fyé Renaut au fil Thiebaut, \14 dessus dit, et une piece de vigne assise a Amaignees, delez la planté dou dit seignour de Monfaucon par devers \15 Roulans, et pooir d-aquerir doux jornalx de terre a Esmaignees et ou finaige, sus fiez, sus rerefiez, sus \16 franz ou sus taillables, 16 la quel vigne et les doux jornalx de terre, se li dit Jehans les acquiert, il tient \17 et doit tenir dou dit seignour de Monfaucon en fyé ligement devant touz avec l-autre fyé dessus dit. 17 Et a \18 encor recognu li diz Jehan que se aprés son decex sui hoir se departoient li uns de l-autre, que cilz fyez \19 seroit devis en doues parties et seroient les doues parties qui seroient hoir dou dit Jehan en l-omaige \20 dou dit seignour de Monfaucon ligement pour raison dou fyé dessus dit que li diz sires de Monfaucon li ha doné. 18 \21 Et ces choses dessus dites ha recognu li diz Jehans de Naisey en droit par devant nos estre vraies en \22 la-meniere qu-il est dessus devisé, et les ha promis a tenir et garder fermement par sa foy donee corporelment \23 sus sainz evvangiles toichies et a non venir ne faire venir encontre. 19 En tesmoignaige de la quel chose, nos, \24 a la requeste dou dit Jehan de Naisey, avons mis en ces presentes lettres lo seel de nostre court de Besençon. 20 \25 Ce fu fait et doné lo lundi devant la Nativité saint Jehan Baptiste, l-an de grace corrant par mil .CCC. et \26 sauze.