Téléchargement du document

Documents linguistiques galloromans
Corpus : DocFrib (chFrib)
Responsable du corpus : Lorraine Fuhrer
Édition de la charte : Lorraine Fuhrer

docFrib038

1404, 24 juin

Type de document: Charte: ordonnance^[a]

Objet: Constitution de Fribourg par laquelle la ville règlemente les modalités d’élection de ses officiers, ainsi que les différentes amendes et condamnations encourues par les contrevenants à ces modalités.

Auteur: L’avoyer, le conseil, les soixante, les deux cents et la commune de Fribourg

Sceau: Ville de Fribourg, non conservé

Bénéficiaire: Les bourgeois et les habitants de la ville de Fribourg et de ses territoires

Rédacteur: Chancellerie de la ville de Fribourg, Pierre Cudrefin, notaire

Support: Original sur parchemin, 59,5 x 43 cm, scellé sur double queue de parchemin^[b]

Lieu de conservation: Archives de l’État de Fribourg, Affaires de la ville A 593a

Édition antérieure: K. Utz Tremp, 2005. « 600 Jahre Vennerbrief 24. Juni 1404-24. Juni 2004 » FB 82, p. 65-70^[c]. RD 6, n° 360, p. 52. Édition dactylographiée, préparée pour publication par Catherine Agustoni, Chantal Ammann-Doubliez, Nicolas Barras dans le cadre du projet du Fonds national suisse de la recherche scientifique Documents linguistiques de la Suisse romande, vol. II : Fribourg (XIVe-XVe s.), responsables scientifiques : Ernest Schüle, Nicolas Morard, 1981-1985, et dans celui des Sources du droit du canton de Fribourg, 1989-1998.

1 In nom de Deux, amen. 2 Nos, ly advoyez, consel, .LX^ta., .II^c. et tote ly cumuniteiz de Fribor per magniere dehue amasseiz ensemble, 3 faczons savoir à \2 totz present et avenir 4 que nos considerent les bones et profeitables anciannes custumes et ordenances que avons heues et tenues per nos et nostres \3 predecessours à eschewir et expellir tote ire, invide et rancone qui se porroent sordre chescon ant intre nostre communiteiz sus lo fait deis offices de nostre ville \4 appertigniant ou regiment et governacion de nostre ville et communiteiz devoir à eslirre, 5 por cen per bone deliberacion et per bon consel sus cen heuz intre nos \5 pluisours foy avons ces mesmes bones custumes ensemble d'autres novelles à nostre semblant bones et profeitables renovelleiz et faites et de present faczons \6 et renovallons et ordenons por nos et por nostres successours perpetuelmant deveir à tenir et à gardeir sains corrumpre jusque à-tant que per nos per lo \7 mode qui aprés s'ensegra in tot ou in partie soent reppallees, les queles s'enseguent per lo modo cy aprés designeiz. 6 Prumieremant, ensi com \8 anciannemant est acustumeiz, que tuit ly offices de nostre ville, quel que ly office soit ou jor de la Nativiteiz de Saint Johant Baptiste d'un-chescon \9 officiers soent quiteiz, destituiz et resigneiz et que cil mesme offices soent mis et renovalleiz chescon ant ensy com cy aprés contient. C'est à sa\10voir que nostre quatre banderet, c'est à savoir ly banderet dou Bor, li banderet de l'Ogy, li banderet in la partie de la Villenouve et ly banderet in la \11 partie dessus deis Hospitauls soent tenuz chescon ant la pluis prochaine dimenge devant feste Saint Johant Baptiste aprés digneir in la maison de nostre justise \12 d'amasseir awec lour les .LX^ta. qui seront heuz por celluiz ant chescon in sa partie; et awec les dit .LX^ta. chescon banderet in sa partie .XX. autres homes ydo\13nees, ly quels banderet, .LX^ta. et ly autres prodomes qui enqui serunt convoqueiz devent jureir incontinant sus les sains evangielles que avent qui \14 despartent d'ensemble de celle place que il eslirrent et mettrent communelmant por l'ant seguant avenir lo consel, lo tresorier et les .LX^ta. \15 de nostre ville, c'est à-savoir tot les melliours et pluis profeitables de nostre ville solong cen que un-chascon de lour se cognestra solong son escient \16 et conscience; et que ceste election ne se feraz per don, per loyer, per amour ne per proire forsque in pure veriteiz. Et tot quant qui seraz eslit per \17 lo pluis de cellours ensemble amasseiz ly minour partie devra attenir sain contredire. Et cil qui seront eslit per cellui jor ne devrent per cellui \18 mesme serement estre descovert ne manifesteiz jusque lo jor de la Nativiteiz Saint Johant Baptiste in l'egliese de Saint Franceis. 7 Item, se per aventure \19 celle dimenge nostre communiteiz estoit in chevauchie ou in exercice que la dicte election ne se pohoust acompliz, en cellui cas ly dit .IIII. banderet devent \20 faire per lo dit seremant cellui amassis et election la prochaine dimenge aprés de cen qui seront retorneiz in nostre ville per le mode dessus \21 deviseiz sains tot await. 8 Item, ordenons et volons que chescon ant lo mardy prochain aprés feste Penthecoste, ly dit nostre .IIII. banderet et ly .LX^ta. \22 de cellui ant soent intenuz d'eslierre in chescone partie awec chescon banderet prumier .II. homes ydonees qui soent awec lour banderet por \23 comandeir d'ostel in hostel le sambady devant la dicte dimenge les bones gent et les pluis ydonees à lour semblance et discrecion d'estre la dicte \24 dimenge in justise por instituir et eslirre les dit consel, tresorier et .LX^ta.. 9 Item, soent tenuz celluiz mesme mardy d'eslierre in chescone partie \25 awec les dit banderet .IIII. autres homes ydonees por comandeir awec lour in chescone partie d'ostel in hostel la vellie de feste Saint Johant les \26 pluis ydonees et profeitables bones gent qui soent lo lendemain feste Saint Johant present in la dicte egliese por la election deis autres offi\27ces seguant et qui ausi soent à-la porte jusque à-tant que les bones gent soent intrees, à celle fin que nuls non introit cui il ne seroit per lour comandeiz. 10 \28 Item quel dou consel, deix .LX., deix .II^c. et deis autres borgeis et resident eis quel l'on auroit comandeiz la vellie de Saint Johant d'estre present \29 lo lendemain in la dicte egliese et il n'y vient et compart eis election, cil sunt inchisuz ou bant cy aprés escript. Prumier chescon deffalliant dou consel est inchi\30suz ou bant de .LX. s. los. et doit jureir per .I. moix furs de nostre villa et deis termenes; cil deix .LX. et deix .II^c. sunt chescon deffalliant inchisuz ou bant de .X. s.; \31 et li autres borgeis et resident ou bant de .V. s.. Evident neccessiteiz tot jor exceptee. 11 Ausi, li quel qui intreroit presumptuosemant in la dicte egliese \32 à cui l'on ne l'auroit comandeiz lo vespre devant, cil est condampneiz ou bant de .XX. s. et doit jureir per .I. moix furs de nostre ville et deis termenes. 12 Aprés \33 de cen, volons et ordenons que cellui jor quant les bones gent seront intrees in la dicte egliese et la porte seraz fermee que ou comenczemant \34 devant totes choses, ly consel esliet por cellui ant soit publeyé. Et puis aprés que nostre advoyez soit esliez per lo pluis de tot ceaux qui adont seront \35 present. Et li banderet et autres qui porterunt les pater noster cellui jor soent tenuz devant totes choses de jureir de porteir et de tirier les mallies \36 bien et leaulmant solong cen qui sera esliet. Item, aprés lo dit advoyez soit esliet incontenant nostre burgermeister per lo modo dessus dit per l'avoyez. Item, \37 aprés lo burgermeister soent esliet li dit nostre .IIII. banderet per lo modo dessus dit, per tel condicion que quel qui seraz publeyez dou consel per cellui ant ne \38 soit mie banderet. Et auxi que à banderet ne soent eslit forsque bons homes ydonees de gent de comum ^[1] et non pas persone d'autre estat. Item, aprés \39 les dit .IIII. banderet soit esliet auxi communelmant per lo pluis nostre grosouthier. 13 Per tel condicion que incontinant que li dit offices ensy seront \40 eslit l'on apportait in presence l'ordenance novelle faite por lo fait de tenir justise chescon jor de totes choses et por lo fait de chevauchier eis jor\41naes de marchi registree ou livre deis ordenances. Et que celle l'on liese incontinant. Et que celle estre liete prumier nostre advoyez, burgermeister, ly con\42sel et ly grosouthier jurient solempnaument à mains levees celle mesme ordenance ensi cum elle est registree chescon à son affirant per lui \43 ou per autri awec lo seremant acustumeiz de faire, d'attenir et d'acomplir sains tot await. Et que nostre advoyez soit tenuz eis dit consel et à tot les au\44tres officiours quel qui soent de renovalleir chescon ant lour seremant et deviseir cen qui devront jureir chescon solong son office. 14 Item, avons or\45duneiz que quel qui seraz eslit à office de nostre ville, quel que li office soit, soit advoyé, consel, burgermeister, grosouthier, banderet, .LX., .II^c. ou autre et cellui \46 office il refusait et ne voudrait jureir de faire et d'acomplir bien et leaulmant aprés de cen que il seroit requis et amonesteir de cellui accepteir, cil est \47 inchisuz et condampneiz ou bant de .C. libr. losineis et doit jureir furs de nostre ville et deis termenes .X. ant sains marcy. 15 Et cellui bant et tot les \48 autres bant devant et cy aprés contenuz doit segre et recovreir ly burgermeister coment les autres eygnons per seremant. 16 Item, nostres officiours quel que \49 ly office soit doit jureir awec lo seremant acustumeiz que il son office exercera et firaz bien et leaulmant. Et que à cause de son office por porteir da\50mage à-partie ne recevra dons, loyer ne promesse. Et quel qui ferait lo contraire et ce pout estre proveiz dehuemant, cil doit estre incontenant priveiz \51 et giteiz furs de son office et per .V. ant aprés ne doit aveir office de nostre ville. Et quel qui promettroit ou denroit servis ou loyer pour aveir office de \52 nostre ville et ce se pout troveir, cil est inchisuz ou bant de .XXX. s. et doit jureir .I. moyx furs de la ville et deis termenes. 17 Item, avons ordoneiz por la \53 neccessiteiz de nostres dit .IIII. banderet et por cen que in cas de chevauchie ou d'autre cry, fuoz ou rimour, il soent tant mieux porvehuz et deschargiez que cil mes\54me .IIII. banderet chescon ant atot un partie deix .LX^ta. tot jor la dimenge prochaine aprés l'outtave de Saint Pierre et de Saint Pol soent tenuz d'esli\55erre chescon in sa partiez .C. homes deis pluis ydonees et convigniables à lour discrecion tam deffurs de ville quant dident, ly quel .C. homes in chesco\56ne partie soent intenuz de jureir solempnaument que quant les banderes chevaucherent furs de nostre ville que cil .C. homes por alleir in buttin, \57 in forrage, escarimochie ne pour autre chose qui lour sorviegnie il ne se partirent de lour banderet et bandere forsque per la volunteiz et comandemant \58 de son banderet. Et ly quel qui ensy firait lo contraire et de sa bandere se fuirrait ou despartiroit sain lo comandemant et volunteiz de son banderet, cil \59 soit inchisuz et condampneiz por la teste et por sa partie de ses biens tel com il les auroit awec femne et enfant. Ausi per tel condicion \60 que intre les dit .C. homes jureiz in chascone partie in ayt .L. homes qui jurient ausi que quant cry, fuoz ou rimour avindrient in nostre ville \61 de jor ou de nuyt, que il incontinant atot lour bastons vindrent un-chascon in la maison de son banderet à faire son comandemant et pour alleir awec \62 lo banderet dou Bor devant Saint Nicholay, awec lo banderet de l'Ogy dessos lo pueis devant chief Kramere, awec lo banderet deis Hospitaul devant l'ospi\63taul, awec lo banderet de la Nouvavilla devant lo publet ou autre part se mistier est. 18 Item, ly waite desus sus lo clochier ne doit ferir ou bestor por \64 rimour ne por cry qui aviegnient in nostre ville, excepteiz por fuoz quant li fuoz siroit furs dou teit et non avant. 19 Item, quelque persone de quel estat ou \65 de quel condicion que soit qui firait cry, rumour ou amassis contre les ordenances dessus dictes ou aucones de cellours per quelque magniere que ce soit, volons \66 et ordenons que cil soit condampneiz à totes les foys se il se pout proveir dehuemant ou bant de .C. s. los. et por .I. ant furs de nostre ville et termenes \67 sain tottes marcy. 20 Ausi nos ne volons que cel present statut et ordenances puissent ou degent porteir prejudice ou damage à nostre chartre et fran\68chise de nostre ville. 21 Et por cen promettons nos ly advoyé, consel et communiteiz de Fribor dessus per nostres seremant doneiz corperalmant à mains levees \69 à Deux et à tot les Sains totes les ordenances dessus dictes et une chescone de par-soy dix or in avant perpetuelmant sain corrumpre attenir, acom\70plir per tote nostre puissance contre tot home qui woudrait obvier à celles et contre celles ne in tot ne in partie non faire, non dire, non venir per \71 nos ne per autruiz nec consentir à persone qui vourait venir à l'encontre per parole ou per fait ou per consentemant. 22 Et ne volons que les or\72denances dessus dictes in tot ou in partie ne soent ne ne puissent jamaix estre reppallees ou infrintes forsque per lo nombre de .IX^c. et .XL. \73 homes de consel, de .LX^ta., de .II^c. et d'autres nostres borgeis et resident bons et ydonees quar in faczant et jurant ces presentes ordenances, nos sumes \74 heuz ensemble et amasseiz ly nombre dessus dit. Et por cen por minour nombre de gens ydonees celles ne volons per seremant estre infrintes. 23 \75 In tesmogniage, force perpetual, vigour et confirmacion deis choses dessus dictes, nos ly advoyé, consel, .LX^ta., .II^c. et communiteiz de Fribor lo propre seel de nostre \76 communiteiz avons fait appendre in cy present escript. 24 Doneiz et fait in Fribor le jor Nativiteiz Saint Johant Baptiste, l'ant de grace Nostre Segniour corent mil \77 .CCCCIIII.. 25 Et sunt quadruplees ces presentes lettres de nostre volunteiz et comandemant in tel magniere que un-chescon deis dit nostres .IIII. banderet garde \78 une lettre. 26 Doneiz coment dessus.
27 \79 Petrus Cudrifin

Notes de fiche
^[a] Cette ordonnance est l'un des quatre exemplaires de la lettre des bannerets de 1404. Son contenu est identique aux documents 35, 36 et 37.
^[b] Ce document est annexé par la languette du sceau au document A 593b.
^[c] Étant donné que cette lettre existe en 4 exemplaires, Mme Utz Tremp a choisi ce manuscrit comme manuscrit de référence.

Notes de transcription
^[1] Sic.