Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe271

1347, 18 décembre.

Type de document: charte: vente

Objet: Vente par Girart dit Menevel, de Courtemblin, et par Aliate, sa femme, autorisée par sonmari et par Perrin dit [du] Bois, de Courtemblin, son avoué, à Huguenin dit le Boillat,bourgeois de Porrentruy, pour 52 s. de nouveaux bâlois ayant cours au marché dePorrentruy, des deux tiers d’une faux de pré de franc-alleu dans la Montagne [deCourtemblin]. Témoins: Vernier dit Hastat, barbier, de Porrentruy, et Perrin ditSalemon, de Villars-sur-Fontenais. — Acte établi au nom et sous le sceau de l’officialde Besançon sur une minute de feu Huguenin Jean de Boncourt, notaire, par Hugues desAncihains, prêtre, notaire.

Commentaire: Parchemin jadis scellé sur double queue. Porrentruy, Archives de l’Hôpital,Propriétés, n° 26, Terres à Cornol. — Analyse par J. Trouillat, Monuments…,III, p. 854-855.

Verso: Courtemblen. — Nos deux pars d-une faulz de prey giesant a Courtaimblein, vandues pour .LII. s. En la Montaigne (xv^e siècle).

1 Nos, officials de lai court de Besençon, 2 faiçons savoir ai touz 3 que, per devant Huguenin Jehan de Boncourt, clerct, notaire et jurey de lai dite court de Besençon, \2 nostre comandemant expecials a-quel, quant es chosses que s-ansuegant ^[1] et quant a plus granz, nos havons commis nostre pouhoir et commaitons per ces presentes lettres, 4 pour ce \3 en droit personalmant establis et venant expecialmant, Girars dit Menevels, de Courteimblein, hay confessez et publiemant recoignuy qu-il hay vendu et vent, \4 et expecialmant Aliatte, femme dou dit Girair, per [le] los et per lai voluntey do dit Girair, som dit mairis, et auctoritey de Perin dit Boys, de Courteimblein, wouhez \5 de ley, Aliatte, doney ai ley per uverte justisse pour ce sessant et pour autres caus en justisse uverte, hont confessez et publiemant recoignuz qu-il hont \6 venduz et vendant, pour lour et pour lours hoirs, ai touz jour-mais, ensenble et diviseemant et uns-chescuns de lour pour le tout, ai Huguenin dit \7 le Boillait, bourjois de Pourreintruy, pour luy et pour ses hoirs, present et aichetant, les douhes pars d-unne faul de prast ensenble le fom, de franc aluef, gessans \8 en lai Montaigne, en Combes, Loviat li Petit, filz ai maire Huguenat, d-unne part et li diz venditerres et sui partaiges d-autre part, 5 pour cinquante et dous soulz de bons \9 nuehs [sic] baloys coursable ou merchiez de Pourreintruy, que li diz venditour hont haihut et recehut dou dit aichetour et les hont mis et convertiz en lour evidant \10 pro[fit][,] [p]or ^[2] qu-il s-an sunt tenuz et s-an tienant pour bien paihiez entieremant. 6 Et se sunt desvestuz et se desvestant li diz venditour, ense[n]bles et diviseemant et \11 un-chescuns de lour pour le tout, pour lour et pour lours hoirs, ai touz jours-mais, de lai dite vendicion et des chosses dessus dites, et le dit aichetour en hont \12 envestuz et envestent, mis et mettent en bone et lehal tenure et en corporal possession, ou ainssi per lai tradition de ces presentes lettres, pour luy et pour ses hoirs. 7 \13 Et pour ce que li dit Huguenin, aicheterres, ou sui hoirs soient plus seygurs de toutes les chosses dessus vendues, pour ce en droit personalmant establis et venant \14 expecialmant, Perins dit Boys, de Courteimblein, dessus dit, hai promis et promat, per som soiremantz en lai main de nostre dit comandemant doney, pour luy et pour \15 ses hoirs, come plaiges et principals [rendeur], de garantir et de appaissier les chosses dessus vendues de franc aluef a dit Huguenin et ai ses hoirs, en tous luez et en\16contre touz. 8 Et ceste dite vendition et toutes et singuleires les chosses dessus dites hont promis et promattent li dessus diz venditour et li dit Perins, plaiges, per lours \17 soiremant doney corporalmant, pour lour et pour lours hoirs, en lai main de nostre dit comandemant, sollempnel stipulation entrevenant, et suis l-obligation de touz lours biens \18 moubles et neant moubles, presentz et a-venir, tenir et garder farmemant ai touz jours-mais, et chescuns de lour pour le tout, a dit aichetour et ai ses hoirs, \19 gairantir et aippaissiers franchemant, en touz luez et encontre ^[3] touz, senz gemais venir encontre ^[4] lai tenour de presentes lettres en nuls caus. 9 En renuncent \20 en cest fait li dessus dit venditour et plaiges, pour lour et pour lour hoirs, per lour soiremanz, ai toutes exceptions de malz, de beireit, de lesiom, et ai toutes autres \21 exceptions de fait ou de droit, et a droit que dit que generalz renunciations ne vaut, en lour et lours hoirs submattant ai lai juridiction et cohercion de lai court de \22 Besençon et ai toutes autres cours ecclesiastres et seculeires ai l-oservation de toutes les chosses dessus dites, non obstant acunnes exceptions de fait ou de droit. 10 \23 Et come li dessus dit Huguenin Jehan de Boncourt, qui hay recehut le lous des chosses dessus dites einsi come contenuz est en une notte et ou prothocolle escripte \24 de sai propre main, soit trespessez de cest seygle en l-autre devant ce qu-il hust faites ne grossies ces lettres, nos, officials dessus dit, havons commis et commattons \25 per ces presentes lettres nostre pouhoir ai monssi Hugue des Haincihayns, prestre, notaire, jurey de lai dite court de Besençon, nostre comandemant expecials, pour examiner \26 les nottes et prothocolles dou dit Huguenin Jehan et suis ycelles fayre escripre et grossiez les lettres que n-estoient encour faictes ne grossies per le dit Huguenin Jehan, \27 lai substance d-ycelles gardees et observees. 11 En tesmoingnaige de lai quel chosse, nos, officials dessus dit, ai lai relation de nostre dit comandemant, havons mis \28 le seaul de lai court de Besençon en ces presentes lettres, 12 que fuirent faites et donees, present Vernier dit Hastat, berbiez, de Pourreintrui, Perin dit Saulemoyn, \29 de Vilar vers Fonthenoys, le mardi devant lai Nativitey Nostre Seygnour, l-an d-ycelluy courrant per mil trois-cenz quarrante et seipt.
13 \30 H. des Haincihayns.

Notes de transcription
^[1] Ainsi coupé: san suegant.
^[2] Le ms. porte: proor.
^[3] Ainsi coupé: en contre.
^[4] Ainsi coupé: en contre.