Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe265

1347, 12 novembre.

Type de document: charte: vente

Objet: Vente par Vernier dit du Pateiz, de Bure, et par Jehannenet, son fils, à Thibaut, filsde feu Jehannenet de Rocourt, pour 4 l. et 10 s. de bâlois ayant cours au marché dePorrentruy d’une rente de trois émines, moitié blé moitié avoine, et d’un chapon,payable aux frais des vendeurs à Porrentruy, au grenier de l’acheteur, pour le blé à laSaint-Michel, pour l’avoine et le chapon à la Saint-Martin et assignée sur des pièces deterre de franc-alleu à Bure; en cas de retard de plus d’une année dans le paiement de larente, l’acheteur pourra disposer de ces biens. Témoins: Jean, curé de Courcelles,Jehannenet le Bourgeois, de Chevenez, Estevenin [fils de Cuenin dit] Trahy,d’Abbévillers, etc. — Acte établi au nom et sous le sceau de l’official de Besançon parHorri de Porrentruy, prêtre, notaire.

Commentaire: Parchemin jadis scellé sur simple queue. AAEB, B 239 Ajoie/60. — Analyse par J.Trouillat, Monuments…, III, p. 852-853.

Verso: Bures (xiv^e siècle).

1 Nos, officials de la court de-Besençon, 2 faiçons saivor a touz ces qui verront et horront ces presentes lettres 3 que, par devant monsi Horri de Porraintruy, preste, \2 notaire et juriez de nostre court de Besençon, a quel nos avons foi pleniere et avons commis nostre pouhoir et commetons par ces presentes lettres, quant a ces \3 choses et a plus grant, pour cey an droit personalmant establis et venant, Werniers dit dou Pateiz, de-Bures, et Johannenoit, ses filz, hont ven \4du a touz jours, a Thiebaul, qui fuit filz Johannenoit de Rocourt, et a ses hoirs, pour lour et pour lours hoirs, trois emmenes moitanges et hun \5 chaipom chescun an de rante, a-paiier franchemant, a lours missions, a Porraintruy ou grenier dou dit Thiebaul, c-est a saivor le blef \6 a lai Sainct Michiel et l-aivoine ansamble le dit chaipom a lai Sainct Martin d-iver ansuegant; 4 et les hont asises sus les peces de terre que \7 s-ansuegant ^[1], giesant ou terrectoire de Bures: 5 premieremant, an lai Combe, une pece, Willemenat li donzelz, de Cheveney, et suy partaiges hont \8 d-une part et Johannins, de Buraites, ai d-autre part; 6 item, es Essert a Colom, une pece, Chenevay ^[2], de Buraites, ai d-une part et Mesteillat, fome \9 Clavien, ai d-autre part; 7 item, es contours dou Mont, une pece, Wllemenaiz, filz Perrin, de Buraites, ai d-une part et li contours des champs est \10 d-autre part, et sunt de franc aluef 8 - mais se li une rante trueve l-autre rante de lai seconde annee que ne soit paiie, li diz achetours puet monter \11 sus les dites peces de terre et faire toute sai bone voluntey comme de son propre franc heirietaige-9 pour quaitre livres et diex soulx de bons balloix, \12 monoie coursable ou plain merchie de Porraintruy, que li diz venditours ai haües et recehus dou dit achetour an bone monoie bien nombree, tant que il s-en \13 sunt tenus pour bien paiiez entieremant. 10 De lai quel rante ansamble les dites peces de terre li diz venditours se sunt devestus, pour lour et pour \14 lours hoirs, pour touz jours-mais, et le dit achetour et ses hoirs an hont anvestu et anvestent, et si l-an hont mis et maitent an bone te\15nure et loiaul et an bone possessiom pour touz jours-mais par lai tradicion de ces presentes lettres. 11 Et si hont promis, par lours soiremans doney an lai \16 main dou dit nostre commandemant et an aprés sus l-obligacion de touz lours biens moubles et non moubles, present et a-venir, qué part que il soient, an franchise \17 ou deffors, que il ne iront ne feront ai aler par lour ne par autruy, coiemant ne an apert, contre ces dites convenances et vendicion, mais les tanront, apaise\18ront, gairantiront et deffandront a dit achetour et a-ses hoirs, an touz luec, an toutes cours, an touz jugemans et deffors, ancontre ^[3] \19 toutes gens, a lours propres despans et missions, non obstant acune excepcion de fait ou de droit. 12 En tesmoingnaige de lai quel chose, nos, \20 officials devant nommeis, a lai relaciom dou dit nostre commandemant qui nos ai raporté toutes ces choses estre veraies et einsic estre faites, avons \21 mis le seaul de nostre dite court an ces presentes lettres, 13 que furent faites et donees, present monsi Jehan, curie ^[4] de Courselles, Johannenoit li Bourgois, \22 de Cheveney, Estevenins Trayi, de Abelvelar, et plusours autres tesmoins a ce apelez et requis, le premier jour aprés la feste sainct Martin d-iver, \23 l-an Nostre Seignour courrant par mil trois-cent quarante et seipt.
14 Horri de Porraintruy.

Notes de transcription
^[1] Ainsi coupé: san suegant.
^[2] Ou Chevenay.
^[3] Ainsi coupé: an contre.
^[4] Finale développée d’après juriezde l. 2.