Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe261

1347, 11 octobre.

Type de document: charte: vente

Objet: Vente par Perrin du Chesal, de Chevenez, à Thibaut, fils de feu Jehannenet de Rocourt,pour 9 l. de bâlois ayant cours au marché de Porrentruy d’une rente de six émines,moitié blé moitié avoine, et de deux chapons, payable pour le blé à la Saint-Michel,pour l’avoine et les chapons à la Saint-Martin et assignée sur des pièces de terre defranc-alleu à Chevenez; en cas de retard de plus d’une année dans le paiement de larente, l’acheteur pourra disposer de ces biens. Témoins: Henriet le Pamier, de Fahy,Jehannenet le Juglerat, Perriat, fils de [Vernier] le Groignu, de Chevenez, etc. — Acteétabli au nom et sous le sceau de l’official de Besançon par Horri de Porrentruy,prêtre, notaire.

Commentaire: Parchemin jadis scellé sur simple queue. AAEB, B 239 Ajoie/21. — Analyse par J.Trouillat, Monuments…, III, p. 851.

Verso: Littera Th. de Rocourt. — Cheveney (xiv^e siècle).

1 Nos, officials de la court de Besençon, 2 faiçons saivor a touz ces qui verront et horront ces presentes lettres 3 que, par devant monsi \2 Horri de Pourraintruy, preste, notaire et juriez de nostre court de Besençon, a-quel nos avons foi pleniere et avons commis nostre pou\3hoir et commetons par ces presentes lettres, quant ay ces choses et a plus grant, pour cey en droit personalmant establis et ve\4nant, Perrins dit dou Chesaul, de Chevency, ai vendu a-touz jours-mais, pour luy et pour ses hoirs, a Thiebaul, qui fuit [filz] ^[1] \5 Johannenoit de Rocourt, et a ses hoirs, seix emmenes de rante moitanges et doux chaipons, a-paiier chescun an, sans \6 faillir, le blef a-lai Sainct Michiel et l-avoinne ansamble les diz chaipons a-lai Sainct Mertin d-iver ansuegant; et les ai \7 aisis, asigney et asetey sus les peces de terre que s-ansuegant ^[2], giesant ou terrectoire de Cheveney: 4 premieremant, an Angle \8 Bernier, une pece de doux jornalx, messi Hugues, freres a dit venditour, ai d-une part et Gerdom, de Roches, ai d-autre part; \9 5 item, an ce luec moiemes, doux jornalx, Richairs, filz a Groingnu, ai d-une part et Johannins, freres a dit venditour, ai d-autre part; \10 6 item, desus Nove Vie, hun jornal, li hoirs Chaivannaite hont d-une part et li diz messi Hugues ai d-autre part; 7 item, la sexte \11 partie dou chesaul desoux le Mostier, li terre de l-eyglese est d-une part et Waltherel, filz a-Gendrat, ai d-autre part, et terre \12 de franc aluef, pour nuef livres de bons balloix, bone monoie coursable ou plain merchie de Pourraintruy, que li diz venditours \13 ai haües et recehues dou dit achetour, tant que il s-an est tenus pour bien paiiez antieremant. 8 Mais se li une rante \14 trueve l-autre rante de lai seconde annee que ne soit paiie, li diz achetours ou suy hoirs porroient monter sus les \15 dites peces de terre et faire toutes lours bones volunteys comme de lour propre franc herietaige. 9 De lai quel rante \16 ansamble les dites peces de terre li diz venditours s-est devestus et devest, pour luy et pour ses hoirs, pour touz jours\17mais, et le dit achetour et ses hoirs an ai anvestu et anvest, et si les an ai mis et meit an bone tenure \18 et loiaul et an bone possessiom pour touz jours-mais par la tradiciom de ces presentes lettres. 10 Et si ai promis, par son soiremant \19 doné an lai main dou dit nostre commandemant et an aprés sus l-obligaciom de touz ses biens moubles et non moubles, \20 present et a-venir, quel part que il soient, an franchisse ou deffors, que il ne iray ne feray ai aler par luy ne par autruy, coie\21mant ne an apert, contre ces dites convenances et vendiciom, mais les tanray, apaiseray, gairantiray et \22 deffandray, a touz jours-mais, a dit achetour et a ses hoirs, an touz luec, an toutes cours, an touz juge\23mans et deffors, ancontre ^[3] toutes gens, a ses propres despans et missions, non obstant acune excepciom de fait \24 ou de droit. 11 En tesmoingnaige de lai quel chose, nos, officials devant nommeis, a-lai relaciom dou dit nostre comman\25demant qui nos ai raporté toutes ces choses estres veraiez et einsic estre faites, avons mis le seaul de nostre dite court \26 an ces presentes lettres, que furent faites et donees, present Henriat li Pamiers, de Fays, Johannenoiz li Jugleraiz, Perri\27aiz, filz a-Groingnu, de Cheveney, et plusours autres tesmoins ay ce apelez et requis, 12 le juesdi aprés l-octave de lai \28 feste sainct Michiel, l-an Nostre Seingnour courrant par mil trois cent quarante et seipt.
13 Horri de Pourraintruy.

Notes de transcription
^[1] Oubli du copiste.
^[2] Ainsi coupé: san suegant.
^[3] Ainsi coupé: an contre.