Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe260

1347, 11 octobre.

Type de document: charte: vente

Objet: Vente par Uvrart, fils de feu Blanchar, de Chevenez, à Thibaut de Rocourt, écuyer, pour6 l. 5 s. de bâlois ayant cours au marché de Porrentruy d’une rente de 4 émines, moitiéblé moitié avoine, et d’un chapon, payable pour le blé à la Saint-Michel, pour l’avoineet le chapon à la Saint-Martin et assignée sur des pièces de terre de franc-alleu àChevenez; en cas de retard de plus d’une année dans le paiement de la rente, l’acheteurpourra disposer de ces biens. Témoins: Jehannenet le Juglerat, Perrin dit du Chesal,Uvrart, son frère, de Chevenez, Richart le Moiteressier, de Rocourt, etc. — Acte établiau nom et sous le sceau de l’official de Besançon par Horri de Porrentruy, prêtre,notaire.

Commentaire: Parchemin jadis scellé sur simple queue. AAEB, B 239 Ajoie/21. — Analyse par J.Trouillat, Monuments…, III, p. 850-851.

Verso: De part Huvray Gauchier. — Cheveney (xiv^e siècle).

1 Nos, officials de la court de Besançom, 2 faiçons saivor a touz ces qui verront et horront ces presentes \2 lettres 3 que, par devant monsi Horri de Pourraintruy, preste, notaire et juriez de nostre court de Besançom, a-quel nos \3 avons foi pleniere et avons commis nostre pouhoir et commetons par ces presentes lettres, quant ay ces choses et \4 a-plus grant, pour cey en droit personalmant establis et venant, Hovrais, que fuit filz Blanchar, de \5 Cheveney, ay confessé et publiemant recoingnu que il ai vendu, a touz jours-mais, a Thiebaul de Rocourt, \6 escuier, et a-ses hoirs, pour luy et pour ses hoirs, quaitre emennes de rante moitanges, c-est a-saivor blef et avoine, \7 et hun chaipom, a-paiier le blef a-lai Sainct Michiel et l-avoine a-lai Sainct Mertin d-iver ansuegant ^[1] an\8samble le dit chaipom. 4 Lai quel rante li diz venditours ai asis sus les peces de terre que s-ansuegant ^[2], \9 giesant ou terrectoire de Chevené: 5 premieremant, es Preys, une pece, li moinnes de Luscelain hont \10 d-une part et Cuenin Renar, de Courtedou, ai d-autre part; 6 item, an Esser Eno, une pece, Perrins, gindres \11 Cayim, ai d-une part et Forquelins li courdiez ai d-autre part; 7 item, an Armont, une pece, li diz moinnes \12 hont d-une part et Richar li fevres, de Cheveney, ai d-autre part; 8 item, sus Fosses, lai moitie d-une \13 pece, Hovrays, li feillastres Lambelin, ai d-une part et li hoirs de Courchamin hont d-autre part, et \14 sunt de franc aluef, pour seix livres et cinc soulx de bons balloix, bone monoie coursable ou \15 plain merchie de Pourraintruy, que li diz venditours ai haües et recehues dou dit achetour, tant que \16 il s-an est tenus pour bien paiiez entieremant. 9 Et si est a-saivor que, se li une rante trovait l-au\17tre rante de la seconde annee que ne fust paiie, li diz achetours ou suy hoirs porroient monter \18 sus les dites peces de terre et faire toutes lours bones volunteys comme de lour propre franc herie\19taige. 10 Les quelx covenances li diz venditours ai promis, par son soiremant doné an lai main dou dit nostre \20 commandemant et an aprés sus l-obligacion de touz ses biens moubles et non moubles, present et a-venir, quel \21 part que il soient, an franchisse ou deffors, que il ne iray ne feray ai aler par luy ne par autruy, coiemant ne \22 an apert, contre ces dites convenances et vendicion, mais les tanray, apaiseray, gairantirai et deffan \23dray, a touz jours-mais, a-dit achetours et a-ses hoirs, pour luy et pour ses hoirs, an touz luec, an \24 toutes cours, an touz jugemans et deffors, ancontre ^[3] toutes gens, a ses propres despans et \25 missions, non obstant acune excepciom de fait ou de droit. 11 En tesmoingnaige de lai quel cho\26se, nos, officials devant nommeis, a lai relaciom dou dit nostre commandemant, avons mis le seaul \27 de nostre dite court an ces presentes lettres, que furent faites et donees, present Johannenoit dit \28 Juglerat, Perrin dit dou Chesaul, Howrays, ses freres, de Cheveney, Richart li Moitreciez, de Rocourt, \29 et plusours autres tesmoins a cey apelez et requis, 12 le juesdi aprés l-octave de lai feste sainct Michiel, \30 l-an Nostre Seignour courrant par mil trois-cent quarante et seipt.
13 Horri de Pourraintruy.

Notes de transcription
^[1] Ainsi coupé: an suegant.
^[2] Ainsi coupé: san suegant.
^[3] Ainsi coupé: an contre.