Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe257

1347, 28 mai et 11 juin.

Type de document: charte: vente

Objet: Vente par Jehannenet, par Perrin et par Willemenet, frères, fils de feu Girardin, deVillars-le-Sec, à Thibaut de Rocourt, écuyer, fils de feu Jehannenet de Rocourt, écuyer,pour 9 l. 10 s. de nouveaux bâlois ayant cours aux marchés de Delle et de Porrentruy depièces de terre de franc-alleu à Fahy. Témoins: le 28 mai à la vente par Jehannenet:Jean Horri de Delle, chevalier, Jean, [curé] de Courcelles, et Cuenet le grangier, deBo[n]court; le 11 juin à la vente par Perrin et par Willemenet: Jean le Rosse, de Croix,Verquin, de Croix, et [Jehannenet] Bone Arme, de Villars-le-Sec. — Acte établi au nom etsous le sceau de l’official de Besançon par Girart d’Abbenans, prêtre, notaire.

Commentaire: Parchemin jadis scellé sur simple queue. AAEB, B 239 Ajoie/105. — Analyse par J.Trouillat, Monuments…, III, p. 840-841 (à la date du 11 janvier 1347).

Verso: Lettre Thieba de Rocourt des anfanz de Veler. — Fay (xiv^e siècle).

1 Nos, officiauls de la court de Besençon, 2 faiçons savoir a touz ces que veront et horont ces presentes lettres 3 que, en la presence de Girar de Abbenans, prestre, notaire, jurie de nostre court de Besen\2çon, nostre comandemant especial a quel quant a ce nos havons commis et commaitons nostre pouoir par ces presentes lettres et quant a-plux grant, pour ce en droit personalmant establi et especialmant venant, Jehannenat, \3 Perins et Woillemenaz, freres, anfanz Girardin, de Veler le Sac pres de Bures, que fut, hont confessé en droit, par devant nostre dit comandema[n]t, et recoignehu publiemant que il, ne decehu ne controint ne \4 baretey, mais de lour propre et franche volunté, hont vendu et vendent, pour lour et pour lour hoirs, a touz jours-mais en herietage, perpetuelmant, sanz nul rapel, en nom de pure et parfaite vendicion, \5 a Thieba de Rocourt, escuier, fil Jehannenat de Rocourt, escuier, que fut, pour luy et pour ses hoirs, les peces de terre que s-ansuigant, de franc aluef, giesanz ou terretoire de Fay, es lues \6 ci aprés nommez: 4 premieremant, en la vie de Veler, une pece, Henriat, fil dame Jehanne de Chevené d-unne-part et li anfant Mertin, de Fay, d-atre part; 5 item, en la vie de Porentru, une pece, li \7 hoirs Pejois, de Fay, d-unne part et li hoirs Guiot hont d-autre part; 6 item, en la vie de Cheveney, une pece, li diz hoirs Pejois hont d-unne part et li anfant Colin hont d-autre part; item, en la vie \8 de Cheveney, une pece, Huguenins, fiz a l-Apostoile, d-unne part et li contours des chans est d-autre part; 7 item, en la Tesseniere, une pece, Courtat, de Cueve, ai d-unne part et li contours des champs \9 et d-autre part; 8 item, es Champs Montans, a chemin de Coste Belé, une pece, Cuenins li Bouebe, de Bures, ai d-unne part et li diz Courtaz, de Cove, a d-autre part ensanble sui partaige, pour nuef livres \10 et deix soz de bons nuefs balois, menoe coursable ou plain merchief de Deyle et de Porrentru, que li diz venditour hont haües et recehues dou dit achetour en bone monoe bien nombree, \11 mise, tournee et convertie dou tout en lour grant et evidant profit, tant que il s-an sunt tenu et tienent pour bien paié entieremant, ensi-come il l-ont reconehu par devant nostre dit coman \12demant. 9 Des quex peces de terre dessus dites et des apartenances li dit venditour se sunt desvestu et desvestent, pour lour et pour lour hoirs, pour touz jours-mais, et le dit achetour, pour lui et pour ses \13 hoirs, en hont envesti et envestent, mis et mattent en bone denure ^[1] et loiaul et en bone possession par la tradicion de ces presentes lettres. 10 Et hont promis et promattent li dit vendour, pour lour et \14 pour lour hoirs, par lour soiremanz donez corporalmant en la main de nostre dit comandemant, sollempnel stipulacion entrevenant, et suis l-obligacion de touz lour biens moubles et non moubles, pre\15senz et a-venir, quel part que il soent, en franchise ou deffors, que il ne iront ne ne feront ai aler par lour ne par autru, coiemant ne en apert, contre ceste dite vendicion, mais les tanront, \16 appaseront et deffendront et guarantiront a dit achetour et a-ses hoirs, en touz lues, en toutes cours, en touz jugemanz et deffors, encontre toutes genz, a lour propres despans et \17 missions; et se sunt submis et submattent li dit vendour et lour hoirs, quant es choses dessus dites tenir et guarder fermemant, a-la juridicion et cohercion de l-unne et de l-autre court de \18 Besençon et de toutes autres cours, c-est a-savoir par-sentance de escoumeniemant, ai l-observacion de toutes les choses dessus escriptes. 11 Et hont renoncie et renoncent li dit vendour, pour lour \19 et pour lour hoirs, a toutes excepcions de mal, de baret, de fraude, de lesion, de decepcion, de fait, de droit et de costume, et a toutes autres excepcions que poroent estre dites ou opposees contre \20 ces presentes lettres, et especialmant a droit disant general renonciacion non valoir, non obstant aucunne escepcion de fait ou de droit. 12 En tesmoignage de la quel chose, nos, \21 officiauls dessus diz, a-la relacion dou dit nostre comandemant, avons mis le-seel de nostre dite court de Besençon en ces presentes lettres, que furent faites et donees quant a-dit Jehannenat, pre\22sant monssi Jehan Hori de Dele, chevalier, monssi Jehan, de Courcelles, prestre, et Cuenat le grangier, de Bo[n]court, 13 le lundi devant la feste de l-Oste, l-an Nostre Signour corant par mil trois cenz quaran \23te et sept. 14 Item, quant es diz Voillemenat et Perin, doné, presant Jehan le Rosse, de Croux, et Verquin, de Croux, et Bone Arme, de Veler le Sac, 15 le onzieme jour dou mois de ju\24nier, l-an Nostre Signour corant par mil trois cenz quarante et sept.
16 G. de Abbenans.

Notes de transcription
^[1] Erreur pour tenure.