Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe249

1346, 7 mai.

Type de document: charte: location

Objet: Location pendant quinze ans par Humbelin de Courgenay à Jehannenet, fils d’Henriet lemeunier, de Courtemblin, moyennant un loyer annuel d’un muid et vingt émines de blé,payable une moitié à la Saint-Jean et l’autre à Noël, de ses moulins de Courtemblin, àcharge encore au preneur d’entretenir les meules et les fers, de maintenir en état lesédifices et de moudre gratuitement pour les besoins de la maison du bailleur; et cautiondonnée pour le preneur de la part de Willemin, fils de Coutat, pour un demi-muid, de lapart de Jehannenet, fils de Jeannin Nanet, pour un demi-muid, et de la part de Michelet,de Peterman et de Jehannenet Messefroit pour vingt émines. — Acte établi au nomd’Humbelin de Courgenay et passé sous son sceau et, à la demande du preneur et de sescautions, sous celui de Pierre Cordelier, curé de Courgenay.

Commentaire: Parchemin jadis scellé de deux sceaux sur double queue. AAEB, Chartes. — Analyse parJ. Trouillat, Monuments…, III, p. 835-836.

1 Je, Hambelins de Courgenay, 2 fais savoir a-touz ces qui veront et horont ces presentes lettres 3 que je hay laissie \2 et laissoit, pour moy et pour mes hoirs, mes melins, que giessent a-Courtainblen, a Jehannenat, fiz Hen\3riat le monnie, de Courtamblen, pour lui et pour ces hoirs, par l-espaice de quinze anz, pour hun muy et \4 vint emenes de blef pur chescuns anz, a-paier la moitie a la Sain Jehan Batiste et l-atre moitie a-la-Na\5tivité Nostre Signour, en tel fourme, en tel menieres que li diz Hambelins doit soignie moules et fers \6 et toutes autres chosses que faront pour l-esdifiemant des diz douz melins. 4 Les queles convenances et qué lais \7 je hay fait, pour moy et pour mes hoirs, a dit Jehannenat et a-ces hoirs parmé la rante paiant chescuns \8 anz. 5 Des quel melins et apartenances je me-suis desvestis et desves, mis et mat four de tenu\9re et fors de possesiont, et le dit Jehannenat et ces hoirs an hay mis et mait en bone tenure \10 et en bone possessiont par le terme des quinze annees dourant, encommencenz a-venir les dites annees \11 dois le jour de lai confection de ces presentes lettres contenuemant ensugant et a-complir a dit Jehannenat \12 et ces hoirs. 6 Le qué lais et convenances je premat, par-mon seiremant doney corporamant, pour moy et pour mes \13 hoirs, les convenances et le dit lais tenir et acomplir firmemant les dites annees dourant, mais les \14 teray, apaisseray a dit Jehannenat et a-ces hoirs, pour moy et pour mes hoirs. 7 Et je, Jehannenaz, pour \15 ce que li diz Hambelins soit plus seurs, je l-an ay mis et mait plaiges, daptour, principa randour, pour \16 le desfa que il auroit les dites annees de chescuns paiment: 8 premieremant est plaige et dapte Voillemins, \17 fiz Coutat, de demé muy, Jehannenat, fiz Jehanni[n]z Nanez, de demé muy, Michelait et Petremant et Jehannenat \18 Messefrois sunt de vint emenes, en-bone meniere que, se li dessus diz Jehannenat failoit de paiemant, li diz \19 Hambelins devroit venir a-nos pour le desfai de chescuns paiemant des dites annees. 9 En tesmoinaige \20 de la quele choisse, je, Hambelins, ay mis mon sel pandans en ces presentes lettres et je, Jehannenat dessus diz, ai \21 promis, par-mon seiremant, Ambelins a-tenir firmemant les dites annees et acomplir, pour-moy et pour mes ho\22irs. 10 En tesmoinaige de la-quele choisse, je, Jehannenat, daptour, et Voillemin, fiz Couta, Jehannena, fiz Jehan \23ni[n]z Nanez, Michelait, Petremant, Jehannenat Messefrois, principa randour, avons proier a saige \24 persone et vailans, monssi Piere Courdelier, couré de Courgenay, que il maite son sel pandanz en-ces \25 lettres; et je, Piere, couré de Courgenay, es-proieres et es-requaste es-persones dessus nomees, ay mis \26 mon sel pandanz en ces presentes lettres en signe de verité. Et est a-savoir que li diz Ambelins doit mo\27nre ce que mestier li-ferai pour sun oustal sans panre montoure. 11 Faites et donees, le terme com \28mançans, le diemange aprés lai feste saint Jaique et saint Feilippe, l-am Nostre Segnour \29 corant par-mil trois-cent quarante et seix, ou mois de may.