Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe242

1345, 13 novembre.

Type de document: charte: vente

Objet: Vente par Aliate, veuve d’Henrion le Gendre, de Chevenez, et par Jeannete, veuve deCuenin dit Coquerel, de Chevenez, autorisées par Cuenin dit l’Apostoile, de Chevenez,leur avoué, à Jehannenet dit le Juglerat, de Chevenez, pour 61 s. de nouveaux bâloisayant cours au marché de Porrentruy d’une chenevière faisant partie de la tenurehéréditaire du chapitre de Saint-Ursanne, à Chevenez. Témoins: Jehannenet Lesdernay,Perrin dit Pyval, fils d’Aliate, la venderesse, et Vienat, serviteur de Richart ditVaydrel. — Acte établi au nom et sous le sceau de l’official de Besançon par HugueninJean de Boncourt, notaire.

Commentaire: Parchemin jadis scellé sur simple queue. AAEB, B 288/45. — Analyse par J. Trouillat,Monuments…, III, p. 832.

Verso: Spectat ad Juglerat de Chevenei (xiv^e siècle).

1 Nos, officials de lai court de Besençon, 2 faiçons savoir a touz 3 que, par devant Huguenin Jehan de Boncourt, clerc, notaire, jurei de lai dite court, nostre comandemant expecial a quel, quant es choses que s-ansuegant ^[1], nos \2 avons commis par ces lettres nostre pouhoir et y-adjostons foi plus plenieremant, pour ce en droit personalmant estaubliees et venanz, Aliate, feme Henrihon le Gindre, de Chevenei, que fu, et Jehannate, feme \3 Cuenin dit Quoquerel, dou dit luec, qui fu, par le los et auctoritei de Cuenin dit l-Apostoile, de Chevenei, lor lehal vouhei donei a-lour par une uverte justise pour ce et pour plusours autres choses \4 sesant en justise uverte et par leal jugemant, present et auctorizant, hont recoignu publiemant qu-elles, non mie decehues ne baretees, mais pour lour evidant proffit, hont vendu, pour lour \5 et pour lor hoirs, ai toz jors-mais, et chascunne de lour pour le tout, ai Jehannenat dit le Juglerat, de Cheveney, pour lui et pour ses hoirs, present et aichetant, une huiche qu-est dou fuhé herie\6tauble es signours de Saint Ursanne, gesanz ou territoire de Chevenei, ou luec que om dit Derriers le Chesail, dou dit aichetour, li diz Uvrairs Falandrez, de Cheveney, hai d-unne part \7 et d-autre, pour seixante et hun solz de bons nuhes baloys corsables ou merchief de Pourreintruy, que les dites venditeris en hont haü et recehu dou dit aichetour et les hont \8 mis et convertiz en lour evidanz proffiz, par qu-elles s-an sunt tenues et s-an tienent pour bien pahiez entieremant. 4 Et se sunt desvestues et se desvestent les dites vendi\9teris, par le lox et actoritei que dessus, por lour et por lor hoirs, ai toz jours-mais, et une chascunne de lour por le tout, de lai dite vendiciom, et le dit aichetour en hont envestu \10 et mattent en bone et lehal tenure et en corporal possession, ou aussi par lai tradiction de ces presentes lettres, por lui et por ses hoirs. 5 Et ceste dite vendiciom et toutes et singuleres les \11 choses dessus escriptes hont alles promis et promattent, par le lox et actoritei que dessus, par lour lehalz soiremanz donez corporalmant, por lour et por lor hoirs, en lai main de nostre dit \12 comandemant et suis l-obligacion de touz lour biens moubles et non moubles, presenz et a-venir, tenir et garder farmemant ai toz jours-mais, et chascunne de lour pour le tout, \13 a dit aichetour et hai ses hoirs, gaurantir et appaisier franchemant par tant de temps come lehal tenure s-affiert en Ajoye, en tous lues, en jugemanz et deffuors, \14 et encontre ^[2] touz, senz gemais venir encontre ^[3] lai tenour de ces presentes lettres par lour ne par autrui, en nul caus, et senz consentir que nuls autres y veingne, \15 en appert ou en rescondut, en lour et lour hoirs submattant, par le lox et auctoritei que dessus et une chascunne de lour pour le tout, a lai juridic\16tiom et cohercion de lai dite court de Besençon et de toutes autres cours ecclesiastes et seculeres por lour et lour hoirs controindre, ensemble et \17 deviseemant, par lai quelle des dites cours que li diz aicheterres ameray muelz, il et sui hoir, a l-observacion de toutes les choses dessus escriptes, non obstant acunnes \18 excepcions de fait et de droit. 6 En tesmoignaige de lai quel chose, nos, officials dessus diz, a lai relacion de nostre dit jurei, havons mis le sel de lai dite court de Besençon \19 en ces presentes lettres. 7 Faites et donees, presenz Jehannenat Lesdernay, Perrin dit Pyval, fil de lai dite Aliate, et Vienat de chies monssi Richairt Vendrey, traze jours en novembre, \20 l-an mil trois-cenz et quarante et cinc.
8 H. J. de Boncourt.

Notes de transcription
^[1] Ainsi coupé: san suegant.
^[2] Ainsi coupé: en contre.
^[3] Ainsi coupé: en contre.