Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe236

1345 (n. st.), 26 janvier.

Type de document: charte: vente

Objet: Vente par Aliate, veuve de Bourquelin, de Porrentruy, autorisée par Henri ditl’Allemand, son avoué, et par ses enfants Richart et Romaine, autorisée par Simonin, sonmari, et par Henri dit l’Allemand, son avoué, à Henriet de Beurnevésin, demeurant àPorrentruy, pour 36 s. de bâlois ayant cours au marché de Porrentruy d’une chenevière defranc-alleu à Porrentruy. — Acte passé sous les sceaux de Pierre [Bruat], curé deFontenais, et du conseil de Porrentruy.

Commentaire: Parchemin jadis scellé de deux sceaux sur double queue. AAEB, B 239 Ajoie/17. —Analyse par J. Trouillat, Monuments…, III, p. 820 (à la date du 21 janvier1344).

Verso: Littera Henr[iat] de Burnevesein (xiv^e siècle).

1 Nos, Aliate, que fuis fome Bourquelin, de Porraintruy, par le loux et la voluntey de Henri dit l-Alemant, wouheis de \2 moi 2 a moi doné par justisse overte pour cey et pour autres caux seant en justisse. 3 Richar, Romainne, anfans de moi \3 et dou dit Bourquelin, li dite Romainne de l-auctorité Symonin, maris de-ley, et par lai voluntey dou dit Henri \4 l-Alemant, wouheis de-ley, nos, tuit ensamble et huns chescuns par-luy, avons vendu et vendons, a-miex que on puet \5 faire vendicion et plus fermement entandre, ai Henriat de Burnevesein, demorant a-Porraintruy, et a ses hoirs, \6 pour nos et pour nos hoirs, pour touz jours-mais, une houche de franc aluef giesant ou terrettoire de Porraintruy, \7 a-luec que on dit en Able, Johannenoit dit Maisuat ai d-une part et li diz aichetours ai d-autre part, pour trante \8 et seix soulx de bons balloix, monoie coursable ou plain merchie de Porraintruy, que nos avons ahus et recehus \9 dou dit achetour en bone monoie bien nombree, tan que nos nos en tenons pour bien paiiez entierement. 4 \10 De lai quel houche ensamble le-fon et toutes les apartenances, nos nos sumes devestus et devestons, pour nos \11 et pour nos hoirs, pour touz jours-mais, et le dit achetour et ses hoirs en avons envestu, et si l-an avons mis \12 et metons en bone tenure et loiaul et en bone possessiom pour touz jours-mais par lai tradition de ces presen\13tes lettres. 5 Et si avons promis, par nos soiremans donés sus sainctes ewangeles et en aprés sus l-obligacion de touz \14 nos biens moubles et non moubles, present et a-venir, quel part que il soient, en franchise ou deffors, que \15 nos ne irons ne ne ferons ai aler par nos ne par autru, coiemant ne an apert, contre ceste dite vendue, \16 mais lai tanrons, apaiserons, gairantirons et deffandrons a dit achetour et a ses hoirs, en touz luec, \17 en toutes cours, en touz jugemans et deffors, encontre ^[1] toutes gens, a-nos propres despans et missions. 6 \18 Renuncent en ycés fait, par nos soirement, a toutes excepcions de mal, de baireit, de lesion, de de\19cepcion, de circonvenciom et a toutes autres excepcions et a droit que dit que general renunciacion ne \20 vaut. 7 En tesmoingnaige de lai quel chose, nos avons proier et requis a saiges persones et discretes, \21 a monsi Pierre, curey de Fontenois, et a consoit des bourgois de Porraintruy, que il maitent lours seelz \22 en ces presentes lettres en signe de lai pure veritey; et nos, Pierres, curés de Fontenois, li consoit des \23 bourgois de Porraintruy, a-lai proiere et a lai requeste des diz venditours desus nommeis, avons mis \24 nos seaulz pendans en ces presentes lettres, 8 que furent faites et donees le mescredi aprés feste sainct \25 Vincent, l-an Nostre Seignour courrant par mil trois-cent quarante et quaitre.

Notes de transcription
^[1] Ainsi coupé: en contre.