Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe231

1344, 15 novembre.

Type de document: charte: vente

Objet: Vente par Jehannenet et par Philippin, fils de feu Thibaut, de Pleujouse, à Horri [deMuriaux], trésorier du chapitre de Saint-Ursanne, pour 12 l. de nouveaux bâlois ayantcours au marché de Porrentruy de pièces de terre à Courgenay, à Courtemblin et à Cornol.— Acte passé sous les sceaux d’Henri, curé de Charmoille, et de Pierre [dit Cordelier],curé de Courgenay.

Commentaire: Parchemin jadis scellé de deux sceaux sur double queue. AAEB, B 288/52. — Analyse parJ. Trouillat, Monuments…, III, p. 827.

Verso: Littera de Curgenier, de Curtemblen et de Corenol de pleicez (xiv^e siècle).

1 Nos, Jehannenas et Philuppins, anfant Tuebolz, que fuit, de Plojouse, 2 faisçons savoir a touz 3 que nos havons \2 vendui et vendons, pour nos et pour nos hoirs, a-touz jors-maix, a monssi Horri, tressourier de Sain Orsanne, \3 et ai ses hoirs, 4 pour douze libres de nues bailloys, menoie corsauble en plain merchie de Porraintruy, \4 lez plaicez de terre et de preys gesans es fins et es terretoieres de Corgenay, de Cortaimblen et de \5 Corenol: 5 premieremant, un jornal, entre Renal, fil Abey, et lai doye; 6 item, a Bouthenier, une plaice \6 de terre, entre Wernier dit Soingnier d-une part et Jehannenat, fil Perrat, d-atre part; 7 item, en ce luec maimmes, \7 une plaice, entre Borquenat, fil Haremant; 8 item, en Champ Grant, une plaice, entre le dit Borquenat et Jehannet, \8 fil Perrat; 9 item, en lai Combe, lai moittie d-un contour, entre Perrin, fil la-Mort, et lai terre de Luccelans d-atre; 10 \9 item, en Monni, nostre partie d-une perche, entre le gendre a Louran et Henriat, fil Cortat, d-atre; 11 item, en Prey Bai\10rette, lai moittie d-un chevesier, entre lez moines et le ruesel; 12 item, une fal de prey en lai Montai\11gney, entre Perrin, fil la-Mort, et Perrin dou Boys; 13 item, a Corenolt, une plaice de terre en lai Tremolain, \12 entre Thiebaul, d-Essuel, et Borquenat dessus dit; 14 item, es Ponseys, une plaice, entre Sebiliat de Porraintruy et le dit \13 Borquenat. 15 Lai quelle somme d-argent dessus dite, nos, li devant dit, havons haüe et recephue dou dit \14 monssi Horri le tressourier en lai menoie devant devissee, et misse et tornee l-avons en nostre evidant \15 profit, si que nos nos en tenons pour bien paiie entieremant, pour nos et pour nos hoirs. 16 Dez quellez plaices \16 dessus devisseez nos, li dessus dit Jehannenés et Philuppins, nos nos sumes devesti et nos devestons, et \17 si nos sumes mis et mettons fours de tenure et fors de possession, et le dessus dit monssi \18 Horri en havons envesti et envestons, et si l-en havons mis et mettons en bone tenure et lehal \19 et en bone possession, lui et ses hoirs, pour touz jors-maix par lai tradicion de cez presentes lettres. 17 Et \20 si havons promis et promettons, par nos foyes doneez en luec de soieremant suiz sainctes ewangiles \21 corporalmant touchiez, sollempnel stipulation entrevenant, et aprés suiz l-obligation de touz \22 nos biens moubles et neant moubles, presens ou a-venir, qué part que il soihient, en franchisse ou de\23fours, que nos, contre cez convenencez ne contre ceste vendicion ne irons ne n-i ferons et aler par \24 nos ne par atruy, coiemant ne en apert, maix lez tenrons, apaisserons, deffendrons et guairantirons a dessus \25 dit monssi Horri et ai ses hoirs, en touz luez, en touttes cours, en touz jugemans et defors ^[1], en\26 contre toutes genz et par devant touz juges, a nos propres despens et missions senz nul about. 18 \27 En thesmoingnaige de lai quelle chosse nos, li dessus dit Jehannenas et Phyluppins, havons proiie \28 et requis a-saiges persones et honestes, monssi Henri, curey de Chermoilles, et monssi Pierre, curé \29 de Corgenay, que mettent lour seelz en ces presentes lettres; et nos, Henris, curez de Cher\30moilles, et Pierres, curez de Courgenay, dessus dit, as proiieres et es requestes des persones de\31vant nommeez, nos havons mis nos seelz pandans en cez presentes lettres en sygne de verité. \32 Faictes et doneez le lundi aprés lai feste sain Marthin d-yver, l-an mil troys cenz \33 quarantte et quoittre.

Notes de transcription
^[1] Ainsi coupé: de fors.