Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe229

1344, 29 octobre.

Type de document: charte: vente

Objet: Vente par Girart dit Barate, de Chevenez, à Thibaut de Rocourt, écuyer, fils de feuJehannenet de Rocourt, pour 60 s. de nouveaux bâlois ayant cours au marché de Porrentruyd’une rente de deux émines, moitié blé moitié avoine, à la mesure de Porrentruy, payablepour le blé à la Saint-Michel et pour l’avoine à la Saint-Martin et assignée sur despièces de terre de franc-alleu à Chevenez; en cas de retard de plus d’une année dans lepaiement de la rente, l’acheteur pourra disposer de ces biens. Témoins: [Jehannenet] leJuglerat, Jehannenet le Recrelaire, etc. — Acte établi au nom et sous le sceau del’official de Besançon par Huguenin Jean de Boncourt, notaire.

Commentaire: Parchemin jadis scellé sur simple queue. AAEB, B 239 Ajoie/21. — Analyse par J.Trouillat, Monuments…, III, p. 826.

Verso: Spectat ad Th. de Rocourt. — De Girart Barate, de Cheveney. — Cheveney ( xiv^e siècle).

1 Nos, officials de lai court de Besençon, 2 faiçons savoir a touz 3 que par devant Huguenin Jehan de Boncourt, clerc, notaire et jurei et coman\2demant expecial de nostre dite court a quel, quant es dites choses et plus granz, nos havons commis par ces lettres nostre pouhoir, pour \3 ce en droit personalmant establis, Girairs diz Bairaite, de Cheveney, hai recoignu qu-il hai vendu et vent, por lui et por \4 ses hoirs, ai toz jors-mais a Thiebaut de Rocourt, escuier, fil Jehannenat, qui fu, por lui et por ses hoirs, present \5 et aichetant, douhes emennes, moitie blef pur de annuel rente et moitie avoynne, a lai mesure de Pourrentruy, a \6 paier et rendre chascun an franchemant, ai toz jors-mais, le blef pur le jour de lai feste de saint Michiel \7 et l-avoynne le jour de lai feste de saint Martin d-yvert, 4 pour seixante solz de bons nuhes balois corsables ou merchief de Pourrentruy, \8 que li diz venditerres en hai hahu et recehu dou dit aichetour et les hai mis en son proffit, par qu-il s-an tient pour bien \9 paiez; 5 les quels douhes emennes moitanges de perpetuel rente, a lai dite mesure, li diz venditerres hai assis, por lui et por ses \10 hoirs, ai toz jors-mais, a dit aichetour, por lui et por ses hoirs, suis les plaices de terre de franc aluef gesanz \11 en lai vile et territoire de Cheveney: 6 premieremant, suis une plaice derriers lai Vele, Cuenins, fiz Quoquerel, hai d-unne part et \12 Hodaz, fiz Jannin li fiz a Greillat, hai d-autre; 7 item, une plaice es Planches, li Morelez hai d-unne part et Woillemins, \13 fiz a Kayllon, hai d-autre part. 8 Et s-est devestuz, por lui et por ses hoirs, ai toz jors-mais, de lai dite \14 vendicion de franc aluef et dou dit assignal quant a ycelle, et le dit aichetour en hai envestu et mis en \15 bone et leal tenure et en corporal possession, ou aussi par lai tradiction de ces presentes lettres, por lui et por ses hoirs. 9 Et \16 ceste dite vendicion et totes les choses dessus dites hai il promis, par son soiremant donei, por lui et por ses hoirs, en lai \17 main de nostre dit jurei, sollempnel stipulacion entrevenant, et suis l-obligation de touz ses biens presenz et a-venir, \18 de tenir et paier a-toz jors-mais, a dit aichetour et hai ses hoirs, garantir et apaisier le dit assignal de \19 franc aluef par tant de temps come lehal tenure s-affiert en Ajoie, en tous lues et contre touz, \20 senz gemais venir contre ces lettres. 10 Et est a-savoir que, se li diz venditerres deffaillist de pahier lai dite \21 rente par tant de temps que li une rente venest ensemble a-paier avecques l-autre rente, li diz aicheterres fe\22roit sai voluntei dou dit assignal, il et sui hoir, come de sai propre chose que li saroit exchoite, \23 en lui et ses hoirs submattant a lai juridiction de lai court de Besençon et de totes autres cours \24 por estre controinz a l-observacion des dites choses, non obstant acunnes excepcions de fait ou de droit. 11 \25 En tesmoignaige de lai quel chose, nos, a lai relacion de nostre dit jurei, havons mis le sel de lai court de Besençon en \26 ces lettres. 12 Faites et donees, presenz le Juglerat, Jehannenat le Recrelaire et plusours autres de Cheveney, l-andemain de lai feste \27 de saint Symon et Judei, l-an mil trois-cenz et quarante et quaitre.
13 H. J. de Boncourt.