Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe194

1343, 30 juillet.

Type de document: charte: vente

Objet: Vente par Perrin le Fridel, de Grandfontaine, en son nom et, en qualité d’avoué, encelui de Renaut et de Jeannete, enfants de Chavelier, son frère, à Thibaut de Rocourt,fils de feu Jehannenet de Rocourt, écuyer, pour 70 s. d’estevenants ayant cours dansl’archevêché de Besançon de la moitié d’un bois de franc-alleu sis sur le territoire deGrandfontaine; et garantie de la vente par Richart l’hôte, de Grandfontaine. Témoins:Vienat, serviteur de Richart dit Vaydrel, et Jehannenet, fils de Croxerel, bourgeois dePorrentruy. — Acte établi au nom et sous le sceau de l’official de Besançon par HugueninJean de Boncourt, notaire.

Commentaire: Parchemin jadis scellé sur simple queue. AAEB, B 239 Ajoie/110. — Analyse par J.Trouillat, Monuments…, III, p. 811.

Verso: Th. de Rocourt. — De Fridé, de Granfontane et de partages ( xiv^e siècle).

1 Nos, officials de lai court de Besençon, 2 faiçons savoir a touz 3 que, par devant Huguenin Jehan de Boncourt, clerc, notaire, jurie de lai dite court, \2 nostre comandemant a quel quant a ce nos havons commis par ces lettres nostre pouhoir, por ce en droit personalmant establis, Perrins \3 diz li Fridez, de Grantfontaine, hai recoignu qu-il hai vendu et vent, en nom de lui et de Renaut et Jehannate, anfanz \4 dit Chavelier, son frere, come lour vouhez, tuterres et curatours, pour lor et pour lor hoirs, ai touz jors-mais, a \5 Thiebaut de Rocourt, fil Jehannenat de Rocourt, escuier, qui fu, pour lui et pour ses hoirs, present \6 et aichetant, lai moitie de lai plaice de terre et de boix ensemble le fom d-icellui, qu-est de franc aluef, gesant \7 ou territoire de Grantfontaine, en Monreno, entre le communnal es homes a signour de Nuefchastel d-unne part et les Granz Parties \8 de Grantfontaine siesent d-autre, 4 por seixante et deix solz d-estevenans corsables en l-arceveschie de Besençon, que li diz \9 venditerres en hai hahu, en nom que dessus, de lui et les hai mis en son proffit, par qu-il s-an tient pour bien pahiez. 5 Et s-est \10 devestuz, en nom que dessus, pour lui et pour ses hoirs, ai toz jors-mais, de lai dite vendicion de franc aluef, et le dit \11 aichetour en hai envestu et mat en bone tenure et en corporal possession par lai tradiction de ces lettres, por lui et por \12 ses hoirs. 6 Et ceste dite vendue hai il promis, en nom que dessus, par son soiremant donei corporalmant, por lui et por \13 ses hoirs, en lai main de nostre dit comandemant et suis l-obligacion de touz ses biens moubles et non moubles, \14 presenz et a-venir, tenir et garder farmemant ai toz jors-mais, a dit aichetour et hai ses hoirs, garantir et \15 appaisier de franc aluef par tant de temps com lehal tenure s-affiert en Ajoye, en tous lues et encontre touz, \16 senz gemais venir encontre ces lettres en nul caux. 7 Et pour plux grant surtei havoir a dit Thiebaut \17 de Rocourt et hai ses hoirs de garantir lai dite vendicion de franc aluef par le dit terme, pour ce en droit personal\18mant establis, Richairs li hostes, de Grantfontaine, a lai requeste dou dit venditour et en nom que dessus, s-an est mis, pour lui \19 et pour ses hoirs, en lai main dou dit aichetour, pour lui et pour les suens, plaiges, debtes et principals renderres, et li diz \20 venditerres en nom que dessus, le doit garder de toz domaiges; 8 et ce hai il promis, par son soiremant et suis l-obligation de touz \21 ses biens, de tenir, en lor et lor hoirs submatant, en nom que dessus et chascuns pour le tout, a lai juridiction de \22 lai court de Besençon et de totes autres cours pour estre controinz a l-observacion des dites choses, non obstant acunnes excep\23tions de fait ou de droit. 9 En tesmoignaige de lai quel chose, nos, a lai relation de nostre dit comandemant, havons \24 mis le sel de lai court de Besençon en ces lettres. 10 Faites et donees, presenz Vienat, garçon monssi Richairt Vendrey, et Jehan \25nenat, fil Cruxerel, borgois de Porraintruy, le penultime jours dou moys de juillat, l-an mil trois-cenz et \26 quarante et trois.
11 H. J. de Boncourt.