Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe182

1342, 3 juin.

Type de document: charte: donation

Objet: Donation par Horri le cellérier, veuf de Viate, bourgeois de Porrentruy, à l’autel de laMadeleine, en la chapelle Saint-Pierre, paroisse de Saint-Germain, à Porrentruy, d’unerente annuelle d’un muid, moitié blé moitié avoine, à la mesure de Porrentruy, quelui-même et sa femme avaient achetée des enfants de Perrenet, de Courtemaîche, et detous les biens meubles et immeubles qu’il laissera après sa mort; le bénéficiaire ensera d’abord Jean dit Salis, de Montignez, prêtre, demeurant à Porrentruy, qui devrachanter une messe hebdomadaire à cet autel, mais après la mort du fondateur, lacollation du bénéfice appartiendra au conseil de Porrentruy. Témoins: Jehannenet leCoursat, de Courtemaîche, Girart, fils du Vaige, Jean l’« escharvoite », de Fontenais,etc. — Acte établi au nom de l’official de Besançon par Huguenin Jean de Boncourt, etpassé sous son sceau et sous ceux de Pierre Bruat, curé de Fontenais, et de Renaut, curéde Courtedoux.

Commentaire: Parchemin jadis scellé de trois sceaux sur double queue; il subiste celui en cireverte de Renaut, curé de Courtedoux. Porrentruy, Archives de la Bourgeoisie, Documents.— Analyse par J. Trouillat, Monuments…, III, p. 801-802.

Verso: Magdaloinne (xiv^e siècle).

1 Nos, officials de lai court de Besençon, 2 faiçons savoir a touz 3 que, par devant Huguenin Jehan de Boncourt, clerc, notaire, jurie ^[1] de \2 lai dite court de Besençon, nostre comandemant especial a quel, quant es choses que sunt ci aprés escriptes et quant a plus granz, \3 nos havons commis et commattons par ces presentes lettres nostre pouhoir, pour ce en droit personalmant establis et venanz \4 especialmant, Horriz li ceilleriers, qui fu mariz Guhete, bourgois de Porraintruy, hai confessey et recoignu publiemant qu-il, \5 covoytanz et deserrans suis toutes autres choses a-faire et pourchacier de tout son pouhoir le savemant et profeit \6 de l-airme de lui et le curtevomant dou devim office Nostre Signour Jhesu-Crist, hai donei et done, por l-amour de Nostre Signour Jhesu-Crist, \7 le tout puissant, nostre salvour et creatour, par pure donaciom faite entre les viz, senz nul rappel, por le remede de l-airme \8 de lui, de l-airme de lai dite Gouhete, sai bien amey feme, que fu, de lour ancessours et aprés venanz, por lour et por lour hoirs, \9 ai touz jours-mais, a l-atair de lai Magdeleynne, sesanz en lai chappelle de Saint Pere de Porraintrui, dou parroichaige de Saint \10 Germain de Porraintrui, de lai dyocese de Besençon, c-est a-savoir: 4 hun muy, moitie blef pur de annuel rente et moitie avoinne, a lai \11 mesure de Porraintrui, enssi cum il est assignez, promis et obligiez et aiquestez de part lour des anfanz Perrenat, de Cordemaiche, qui \12 fu, par lai maniere que contenuz est danz les lettres suis ce faites que li diz Horriz et Gouhete en havoient; 5 item, hai donei et done, pour lai \13 dite Gouhete et pour lui et lor ancessours, pour lour et pour lor hoirs, ai toz jors-mais, li diz Horriz, dois maintenant por en aprés de \14 son deceix et obit, en faicent et ordenant senz nul rapel son testamant et sai derriere voluntey, por ce que li rente dou dit hatair \15 et li devinz office de Nostre Signour s-i acrasse, touz les biens moubles et herietaiges entieremant, quels qu-il soient, que demorront et \16 excherront aprés le deceix et obit ou mort dou dit Horri, en champs, preiz, terres arables et non arables, maisons, chesails, \17 en touz aqueist, leiz, cupeiz, robes, deniers, blefs, bestes, haisemanz et en toutes autres choses et biens quels qu-il soient et \18 comant qu-il soient appellez, senz riens excepter ne matre fuer. 6 Et l-ai donei et done ceste premiere fois li diz Horriz, por \19 lui et por ses hoirs, a monssi Jehan dit Salis, de Montaigney, prestre, demorant a Porraintruy, come a bien merit et digne, et \20 por pidie puremant por Nostre Signour et creatour, c-est a-savoir: tant le dit mui de annuel rente, a lai dite mesure, et promesse, \21 obligation et assignal dessus dit come les diz biens moubles et herietaiges, que demorront et excherront aprés le deceix et obit \22 dou dit Horri de lui, et qu-il lesserai quant de lui deffarrai par lai maniere que dessus est descleriez, le dit Horri, en establissant, \23 por lui et por ses hoirs, ai toz jors-mais, et por ces qui hont et hauront cause et actiom et demande de lui, le dit monssi Jehan Salis, por \24 lui et por ses successours, chappeillain et procurour veray, lehal et general et especial, en nom et por le dit hatair de lai \25 Magdeleynne, por touz jours-mais et perpetuelmant, come en lai propre chose dou dit hatair et de lui, en nom que dessus, dou \26 dit muy de annuel rente et des diz biens et choses moubles et herietaiges entieremant, que demorront dou dit Horri et qu-il lesserai \27 aprés son deceix et obit, por demander, johir, recivre, havoir ycels entieremant et por faire sai voluntey senz nul contredit; 7 \28 en ordenant li diz Horriz li ceilleriers, por lui et por ses hoirs, en fundant et dotant leu dit hatair des choses et biens dessus \29 dit, que li diz messi Jehans Salis et sui successour doient chanter chascunne semainne, por le remede de lui, de lai dite Gouhete et de lor \30 ancessours et aprés venanz, une masse chascunne semainne jusque a tant que li diz Horriz sarai trespessez et que li dit bien, que demor\31ront dou dit Horri, saront a dit hatair et a-dit monssi Jehan Salis et ai ses successours; ou quel caus li devinz office et masse se \32 devrai acrostre a regairt et par lai ordenance dou consolt des borgois de Porraintrui, a quel consolt li diz Horriz \33 hai vuillu et outroié, por lui et pour ses hoirs, qu-il haient lai collaciom et donaciom dou dit hatair ai touz jours\34mais, en tel maniere que li diz consols devrai doner, aprés le obit et mort dou dit Horri, a touz jours-mais, le dit hatair, \35 totes les fois qu-il vaquerai et que li chapelains sarai mors, a hun prestre suffisant et digne, ensemble le dit mui de rente et \36 les diz biens et choses que demorront dou dit Horri senz riens retenir a lour ne a lour aprés venanz. 8 Et s-est devestuz et \37 se devest li diz Horriz, por lui et por ses hoirs, et por ses qui hauront cause et action de lui, por toz jors-mais, dou dit mui de annuel \38 rente et des diz biens et choses que demorront dou dit Horri et de toutes et singuleres les choses dessus dites; et le dit monssi \39 Jehan Salis, chappellain dou dit hatair, en hai envestu et envest, mis et mat en bone et lehal tenure et en corpo\40ral possession, ou aussi par lai tradiction de ces presentes lettres et par lai tradiction des lettres dou dit aquast et aichait dou \41 dit mui de annuel [rente] por lo dit monssi Jehan Salis et por ses successours, et en nom et por lai dite chappelle. 9 Et ceste \42 donaciom et toutes et singuleres les choses dessus dites hai promis et promat li diz Horriz, funderres dessus diz, par son soiremant \43 donei corporalmant, por lui et por ses hoirs, en lai main de nostre dit comandemant, sollempnel stipulacion entrevenant, et suis \44 l-obligacion de touz ses biens moubles et non moubles, presenz et a-venir, tenir et garder fermemant, garantir et apaisier \45 ai touz jours-mais a dit monssi Jehan Salis, a lui et hai ses successours, a dit hatair et a dit consolt, par enssi com dessus \46 est descleriez, en tous lues et encontre touz, senz gemais venir encontre lai tenour de ces lettres par lui ne par au\47truy, en lui et ses hoirs submattant li diz Horriz li ceilleriers, a lai juridictiom et coherciom de [lai] [dite] [court] \48 de Besençon et de toutes autres cours ecclesiastes et seculeres por estre controint a l-observatiom de toutes les choses dessus \49 escriptes par l-unne et l-autre des dites cours, non obstant acunnes excepcions de mal, de baret, de lesiom, de decepciom, \50 a toutes ingratuités, a droit que dit que li donaciom que sourmonte cinc cenz florins d-or ne vaut, a lai copie de ces \51 lettres et que autre chose soit estei escripte et autre chose acourdee, a condictiom senz cause ou moyns suffisant, a l-excep\52ciom de decepciom outre lai moitie dou droit pries ou emqui deviron, a touz privileiges, a touz droiz, a toutes \53 franchises et libertees donees et ai doner, faites et a-faire de papes, d-emperours et de touz autres, et a droit disant que li gene\54rals renunciations ne vaut. 10 En tesmoignaige de lai quel chose, nos, officials dessus diz, a lai relatiom de nostre dit coman\55demant, havons mis le sel de lai dite court de Besençon en ces presentes lettres avec les seals de discreiz homes et \56 saiges, monssi Pierre dit Brouhat, curie de Fontenois, et monssi Renaut, curie de Cortedub, prestres, en ces lettres; \57 et je, li diz Horriz, hai prié et requis es diz monssi Pierre Brouhat, curie de Fontenoys, et monssi Renaut, curie de \58 Cortedub, prestres, qu-il matent lour seals en ces presentes lettres; et nos, li dessus dit Pierres, curies de Fontenois, \59 et Renauz, curies de Cortedub, prestres, a lai priere et requeste dou dit Horri, havons mis nos seals pendanz avec le \60 dit seal de lai dite court de Besençon en ces presentes lettres. 11 Faites et donees, presenz Jehannenat dit Corsat, de Courde\61maiche, Girairt, fil a Vayge, et Jehan l’eschervayte, de Fontenois, bourgois de Porraintrui, et plusours autres, \62 le tiers jor de joym, l-an mil trois-cenz quarante et dous.
12 H. J. de Boncourt.

Notes de transcription
^[1] Finale développée d’après curiede l. 56.