Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe179

1342, 7 mai.

Type de document: charte: vente

Objet: Vente par Jeannete, veuve de Cuenin dit Coquerel de la Porte, de Chevenez, autorisée parRichart dit Cherdin, de Courtedoux, demeurant à Chevenez, son avoué, à Richart deMorimont, chevalier, pour 14 l. de vieux bâlois ayant cours au marché de Porrentruyd’une rente de huit émines, moitié blé moitié avoine, à la mesure de Porrentruy, payableaux frais de la venderesse à Porrentruy, au grenier de l’acheteur, pour le blé à laSaint-Michel et pour l’avoine à la Saint-Martin, et assignée sur des pièces de terre defranc-alleu à Chevenez; en cas de retard de plus d’une année dans le paiement de larente, l’acheteur pourra disposer de ces biens; et garantie de la vente par Richart ditCherdin et par Cuenin, Willemin et Jehannenet, fils de la venderesse. Témoins: Perrin deCœuve, clerc, demeurant à Porrentruy, Perrin, fils de [Willemin le] Greillat, deChevenez, et Willemin, fils de [Perrenet le] Kaillon, de Chevenez. — Acte établi au nomet sous le sceau de l’official de Besançon par Huguenin Jean de Boncourt, notaire.

Commentaire: Parchemin jadis scellé sur simple queue. AAEB, B 239 Ajoie/21. — Analyse par J.Trouillat, Monuments…, III, p. 800.

1 Nos, officials de lai court de Besençon, 2 faiçons savoir a touz 3 que, par devant Huguenin Jehan de Boncourt, clerc, notaire, jurei de lai dite court \2 de Besençon, nostre comandemant especial a quel, quant es choses que sunt ci aprés escriptes et quant a plus granz, nos havons commis et \3 commattons par ces presentes lettres nostre pouhoir, pour ce en droit personalmant establie et venant especialmant, Jehannate, \4 feme Cuenim dit Quoquerel de lai Porte, de Cheveney, qui fu, hai confessei et publiemant recoignu qu-elle, par le los et actoritey \5 de Richairt dit Cherdim, de Cortedub, demorant a Chevenei, son lehal vouhai donei a lei par une uverte justise por \6 ce et por autres choses sesant en justise uverte et par lehal jugemant, present, louhant et actorizant, hai vendu et vent, por lei et \7 por ses hoirs, ai toz jours-mais, a monssi Rechairt de Morimont, chevalier, por lui et por ses hoirs, aichetant, huit emennes, moitie \8 blef pur de annuel et perpetuel rente et moitie avoinne, a lai mesure de Porraintruy, a-paier et rendre chascun an franchemant, a toz \9 jours-mais dois le jour d-uy en avant, de lai dite Jehannate et de ses hoirs, a son cherroi, et mesurier le doient a dit monssi Rechairt \10 de Morimont et ai ses hoirs a Porreintruy, chies lui et en son guernier, franchemant, le blef pur de rente le jour de lai feste de saint \11 Michiel et l-avoinne le jour de lai feste de saint Martin d-yvert ensemble touz les domaiges que en avanrient a dit monssi Rechairt et ai \12 ses hoirs por le deffaut dou dit pahemant, pour quertorze libres de bons viez balois corsables ou merchief de Porraintrui, \13 que lai dite Jehannate hai hahu et recehu dou dit monssi Rechairt de Morimont, et les hai mis et convertiz en son evidant profeit, \14 par qu-elle s-an est tenue et s-an tient por bien pahie entieremant. 4 Les quels huit emenes de annuel rente, a lai dite mesure dessus dites, lai dite Jehan \15nate hai assis et assigne, por lei et por ses hoirs, ai toz jors-mais, par le los et actoritei que dessus, a dit monssi Rechairt de Morimont, por lui et \16 por ses hoirs, suis les plaices de terre et choses de franc aluef que s-ansuegant ^[1], gesanz en lai vile ou finaige et terretoire de Chevenei: 5 premieremant, en Vailloz, \17 une plaice, Maquabrez hai d-unne part et Woillemins, fiz Cuenin da-Porte, hai d-autre; 6 item, a Botenier, une plaice, Perriaz, fiz a Groignu, hai d-unne part \18 et Jehans, fiz Viate lai tessate, hai d-autre; 7 item, a Posaiz, une plaice, Perrins, li fiz a Gindre, hai d-unne part et li Jugleraz, de Chevenei, filz Girardat \19 le bargier, hai d-autre; 8 item, derriers Grant Bois, une plaice, entre Perrin, le fil a Groignu, et Aliate, fille a lai Moulle; 9 item, en lai Perriere, une plaice, Richairs \20 diz Malepoinne hai d-unne part et Woillemins li donzels hai d-autre; 10 item, a dit luec, une plaice, li hoir a Groignuz d-unne part et li hoir Girar \21dat le bargier hont d-autre; 11 item, devant Grant Bois, une plaice, entre le dit Maquabrei d-unne part et Thomais, le fil a Greillat, de Chevenei, \22 d-autre part. 12 Et s-est devestue et se devest lai dite Jehannate, par le los et actoritei que dessus, por lei et por ses hoirs, ai toz jours-mais, des dites huit \23 emenes de annuel rente et dou dit assignal de franc aluef quant a icelles, et le dit monssi Rechairt de Morimont en hai envestu et envest, mis et \24 mat en bone et lehal tenure et en corporal possession, ou aussi par lai tradiction de ces presentes lettres, por lui et por ses hoirs. 13 Et est a-savoir que, se \25 lai dite Jehannate ou sui hoir deffaillient tant de pahier que li une rente trovest l-autre et venest ensemble a-pahier avec l-autre, li diz \26 messi Rechairs porroit prater a cu qu-il li plairoit, il et sui hoir, le dit assignal et faire sai voluntei comme de lour propre chose. Et \27 ceste vendiciom et toutes les choses dessus escriptes et une chascunne d-ycelles hai promis et promat lai dite Jehannate, par le los et actoritei que dessus, par \28 son soiremant donei corporalmant, por lei et por ses hoirs, en lai main de nostre dit comandemant, sollempnel stipulaciom entrevenant, et suis l-obligaciom \29 de touz ses biens moubles et non moubles, presenz et a-venir, tenir et garder fermemant, a toz jors-mais, a dit monssi Rechairt de Morimont et hai \30 ses hoirs par lai maniere que dessus est declariez, garantir et appaisier le dit assignal de franc aluef par tant de temps cum lehal tenure \31 s-affiert en Ajoye, en tous lues, en jugemanz et deffuers, et encontre touz, senz gemais venir encontre en nul caus. 14 Et por plus \32 grant surtei faire et havoir a dit monssi Rechairt de Morimont et hai ses hoirs de garantir le dit assignal de franc aluef par tant \33 comme lehal tenure s-affiert en Ajoye, por ce en droit personalmant establi et venant especialmant, Cuenins, Woillemins et Jehannenaz, anfant de lai dite \34 Jehannate, et li diz Richairs Cherdins, a lai priere et requeste de lai dite Jehannate et por lei, s-an sunt mis et fait, por lour et por lour hoirs, et \35 chascuns de lour por le tout, en lai main dou dit monssi Rechairt de Morimont, por lui et por ses hoirs, plaige, debtours et principals rendours, et \36 chascuns de lour por le tout; et lai dite Jehannate, alle et sui hoir, en doient garder les diz plaiges et debtours de toz domaiges. 15 Et ce hai alle promis, \37 par son soiremant, et li dit plaige et debtours aussi, et suis l-obligaciom de touz lor biens presenz et a-venir, de tenir et garder bien et lehalmant, senz venir \38 encontre en nul caus, en lour et lor hoirs submattant li dessus dit Jehannate, par le los que dessus, et li dit plaige, debtours et principals rendours \39 a lai juridictiom et coherciom de lai dite court de Besençon et de toutes autres cours ecclesiastes et seculeres por estre controint, ensemble \40 et deviseemant, par lai quelle des dites cours que li diz messi Rechairs de Morimont amerai muels, il et sui hoir, a l-observaciom de toutes les \41 choses dessus escriptes, non obstant acunnes excepcions de mal, de baret, de lesiom, de decepciom et que autre chose soit escripte et autre chose \42 acourdee a lai copie de ces lettres, a l-excepciom de decepciom outre lai moitie dou droit pries ou emqui devirom, et ai toutes \43 autres excepcions de fait et de droit, et a droit disant que li generalz renunciacions ne vaut. 16 En tesmoignaige de lai quel chose, \44 nos, officials dessus diz, a lai relaciom de nostre dit comandemant, havons mis le seal de lai dite court de Besençon en ces presentes lettres, que \45 furent faites et donees, presenz Perrin de Cueve, clerc, demorant a Porraintrui, Perrin, le fil a Greillat, de Cheveney, et Woillemin, le fil \46 a Kaillom, de Cheveney, 17 lou mairdi aprés l-Invenciom de lai feste de saincte Croux, l-an mil trois-cenz quarante et dous.
18 \47 H. J. de Boncourt.

Notes de transcription
^[1] Ainsi coupé: san suegant.