Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe176

1342 (n. st.), 23 mars.

Type de document: charte: déclaration

Objet: Déclaration de Jean de Mandeure dit Yan, prêtre, curé de Valentigney et notaire del’officialité de Besançon, devant Richart dit Vaydrel, de Porrentruy, chevalier,l’interrogeant au nom de Thibaut de Rocourt, fils de feu Jehannenet de Rocourt, écuyer,par laquelle il affirme sous serment en présence dudit Richart dit Vaydrel, de RichartSavaiget, d’Henri [dit Savaiget], son frère, de Porrentruy, et de Jean, curé deCourcelles, ne pas avoir établi d’acte de rachat en faveur de Jean de Rocourt, écuyer,et de Simonete, sa femme, depuis la vente faite par ces derniers le 20 février 1329 (n.st.) avec la garantie de Renaudin [de Rocourt], frère du vendeur, et la femme y étantautorisée par son mari et par Jean de Chevenez, écuyer, fils de feu Renaut deChampagnole, chevalier, son avoué, à Jehannenet de Rocourt, écuyer, fils de feu Henri deRocourt, chevalier, pour 60 l. d’estevenants ou de petits tournois d’une rente annuelleet perpétuelle de 6 l. assignée sur les « mais » que sept de leurs hommes, faisantpartie du douaire de Clémence [de Rocourt], mère de Jean de Rocourt, tiennent à Rocourt,et généralement sur tous leurs biens à Rocourt, hormis sur l’engagère en faveur deGirart Vernier de Châtelvouhay, chevalier. Témoins: Vernier dit Varquin, de Rocourt,Thomas et Besençon, fils de Thomas, de Rocourt. — Acte établi au nom et sous le sceau del’official de Besançon par Huguenin Jean de Boncourt, notaire.

Commentaire: Parchemin jadis scellé sur simple queue. AAEB, B 239 Ajoie/127. — Analyse par J.Trouillat, Monuments…, III, p. 728 (à la date du 20 janvier 1328).

Verso: Lettre Th. de Rocourt de la coignoissance messire Jehan Hyhanz (xiv^e siècle).

1 Nos, officials de lai court de Besençon, 2 faiçons savoir ai touz 3 que, par devant Huguenin Jehan de Boncort, \2 clerc, notaire, jurei de lai dite court, nostre comandement especial a quel, quant es choses que s-ansuegant ^[1] \3 nos havons commis par ces lettres nostre pouhoir, pour ce en droit personalment establis et venanz espe\4cialment, messi Jehans diz Hyhans, de Manduerre, prestres, curez de Valanteigney et notaires de lai \5 court de Besençon, hai confessei publiement 4 que, come li diz messi Jehans Yhanz hait fait unes lettres sael\6lees dou sel de lai dite court de Besençon, de que li tenour est ci aprés escripte de mot a mot senz \7 riens changier, es quelles lettres contenuz est que Jehans de Rocourt, escuiers, filz monssi Pierre de \8 Rocort, qui fu, et Symonate, sai feme, hont hahu vendu, por lour et por lor hoirs, ai touz jours\9mais, a Jehannenat de Rocourt, escuier, omcle dou dit Jehan de Rocourt, por lui et por ses hoirs, seix \10 livrees de terre annuels et de perpetuel rente pour seixante livres d-estevenans ou de bons petiz tor\11nois, qu-il hont hahu de lui, enssi com il est entierement contenuz danz les dites lettres que li diz Jehannenaz de \12 Rocourt en havoit, les quelles Thiebauz, fiz et lehals hoirs dou dit Jehannenat, qui fu, des quelles \13 lettres li tenour s-ansuet ^[2]: 5 Nos, officials de lai court de Besençon, faiçons savoir a touz que, en lai presence \14 de monssi Jehan de Manduerre, prestre, notaire et jurei de nostre court de Besençon, a-cui nos tant comme a ce havons \15 commis nostre pouhoir et commatons par ces presentes lettres, por ce personalment establit et expecialment venant, Jehans \16 de Rocourt, escuiers, fiz monssi Pierre de Rocourt, chevalier, qui fu, et Symonate, sai feme, dou lox et de l-ac\17toritey dou dit Jehan, son mari, et par lai main de Jehan de Cheveney, escuier, fil monssi Renaut de Champeig\18noles, chevalier, qui fu, son vouhait, present, vuillant et outroiant et rateffiant, por lour et por lor hoirs, et \19 por seixante libres d-estevenans ou petiz tornois, que il hont hahuz et recehuz de Jehannenat, escuier, de \20 Rocourt, fil monssi Henri, chevalier, qui fu, en bone monoie bien numbree, mise et tornee en lour proffit, si que por \21 bien pahiez s-en sunt tenu, hont vendu, quitie, baillie et outroié, vendent, quitent, baillant, outroient et deli\22vrent, por lour et por lor hoirs, a dit Jehannenat, lui et ses hoirs, ai touz jors-mais en herie\23taige perpetuel, seix livrees de rente a-paier ai toz jors-mais chascun an venant dois lai confec\24tion de ces presentes lettres; essisses les dites seix livres suis les maix de terre ci aprés devisez, c-est a-savoir: \25 suis le maix de terre Girardat, fil a-Maignin, Colin, Gurnin, Verniers, fiz a-Maignin, Jehannin dit Frandins, Girart \26 dit Noiret et Jehannet, fil Peraut, de Rocourt, suis lour et suis lor mais de terre et suis quanque il tienent dou dit \27 Jehan et de lai dite Symonate, sai feme, en lai vile ou finaige et ou territoire de Rocourt et quanque li diz Jehans et Symonate, \28 sai feme, hont, pouhent et doivent havoir en lai dite vile ou finaige et territoire de Rocourt, fuer lai gaigiere que \29 messi Girars Verniers de Chastel Vouhai, chevaliers, tient dou dit Jehan et de dite Symonate, sai feme, les quels homes dessus \30 dit, Girardat, Colins, Gurnins, Verniers, Jehannins, Girart et Jehannenez, de Rocourt, sunt dou douhaire dame Clemance, \31 mere dou dit Jehan. 6 Et por plus grant surtey faire a dit Jehannenet, lui et ses hoirs, par lai requeste dou \32 dit Jehan et de Symonate, sai feme, des choses dessus dites, Renadins, frere dou dit Jehan et por le dit Jehan et por Symo\33nate, sai feme, por lour et por lor hoirs, s-est constituiz et establis plaige, principals venderres ^[3], garantisserres et \34 geterres de touz domaiges ai touz jors-mais en lai main dou dit Jehannenet et de ses hoirs, li quels hai \35 renuncie en ycest suen fait premierement de convenir, de amonester ou d-excomenier ^[4]. 7 Lai quelle vendue dessus dite \36 tant li dit vendour come lai dite plaige, tuit ensemble et huns chascuns par lui, por lour et por lor hoirs, \37 a dit Jehannenat, lui et ses hoirs, ont promis et promatent, par lor foiz donez en lai main dou dit nostre coman \38dement et sollempnel stipulation entrevenant et suis l-obligation de toz lor biens, tenir, mantenir, garantir, acomplir et \39 fermement garder et non venir encontre par lour ne par autruy, coiement ne en apert, obligeant por ce en lai main dou \40 dit Jehannenat et de ses hoirs, tant li dit venditour quant lai dite plaige et lor hoirs, lor biens moubles et neant \41 moubles presenz et a-venir, en quelque luec que on les pusse trover, en franchise et deffuer, por l-observation des choses dessus dites, \42 vuillanz et outroianz tant li dit vendour comme lai dite plaige que nos, touz ensemble et hun-chascun \43 par lui, controingniens ou pussiens controindre par nos juridictions temporals ou experituals, c-est a-savoir par \44 lai sentence d-excomeniement ^[5] et par lai capcion de touz lor biens, se il deffailloient es choses dessus dites. 8 Renunçans en \45 ycest lour fait, par lour soiremanz, a çou (çou) que ou temps a-venir il porroient oposer ne obicier \46 contre ces presentes lettres, et expecialment lai dite Symonate hai renuncie et renunce, par lai main dou dessus dit \47 Jehan, son vouhai, a tout ce qu-elle puet havoir, doit, soit por caux de assignal, de marihayge ou \48 de douhaire; et se sunt quant a-ce submis en lai juridiction de lai court de Besençon. 9 Et nos, officials dessus \49 diz, es diz Jehan, Symonate, sai feme, et ai Renadin, plaige, ces choses dessus dites havons injoint et par le dit \50 nostre comandement par vive vox nomeement amonestey que lai dite vendue dessus dite, enssi comme-il l-ont confessei \51 en droit et en jugement, teingnient, c-est a-savoir li diz Jehans et Symonate, sai feme, hont vendu quant \52 que il hont suis les diz mais de terre de Girardat, Colin, Gurnin, Vernier, Girart et Jehannenat et sus quanque il li puent \53 devoir de tailles, de censses, de prises, en champs, en prez, en bois, en huiches, en curtils et en maisons \54 et sus quanque li dit Jehans et Symonate, sai feme, pouhent aussi havoir en lai vile et ou dit finaige \55 de Rocourt; et lai dite plaige en oblige, por ces choses dessus tenir et acomplir, tous ses biens moubles \56 et neant moubles, presenz et a-venir, les dites choses acomplir et fermement gardient; se ce non, nos, por lou \57 deffaut des choses dessus dites, mandons a tous nos chappellains de lai dyocese de Besençon que por ce saront \58 requis par lai requeste dou portour de ces presentes lettres les diz vendours et lai dite plaige, lour et lour \59 hoirs, excomenient ^[6] et denuncient pour excomenier ^[7] enssi l-ont volu; et quant a matre a execution ycés nostre \60 comandement, li uns de vos ne atande l-autre. 10 Donees desoz nostre sel, lai .XIII. kalende de fevrier, presenz \61 Vernierz dit Varquin, de Rocourt, Thomais et Besençon, fil Thomais, de Rocourt, tesmoins a \62 ce appellez et requis, l-an mil trois-cenz et vint et huit. Jo. de Manduerre. Les quelles lettres enssi cum \63 alles sunt dessus escriptes, leictes de mot a mot et finies entierement par le dit Huguenin Jehan de \64 Boncourt, clerc, nostre dit comandement, en lai presence dou dit monssi Jehan Yham qui les escri hai \65 et fit enssi cum dit est, messi Richairs Vendrez, de Porraintruy, chevaliers, demandai a dit monssi Jehan Yam, \66 en nom et por Thiebaut, fil Jehannenat de Rocourt, dessus dit, s-il, messi Jehans Yans, havoit uncques fait au\67tres lettres ou afaire de raichait ou de raimbre por les diz Jehans de Rocourt et sai dite feme ne por \68 autrui selonc les dites lettres, ou s-elles estoient simples senz autres lettres que fussient suis ycelles \69 faites ou a-faire, il, messi Jehans Yhans, respondai, par son soirement et par l-ordre de prestre qu-il havoit, \70 qu-il ne fit unques autres lettres de cest fait mais-que celles dessus dites, ne autres non devoit faire, \71 et de ce estoit il bien souvenanz; et ce hai il promis, par son soirement et suis l-obligation de toz ses biens, \72 estre vraiz, en lui et ses hoirs submatant li diz messi Jehans Yanz a-lai juridiction de lai court \73 de Besençon et de toutes autres cours ecclesiastes et seculeres por estre controi[n]z a-l-observation des choses dessus dites, \74 non obstant acunnes exceptions de fait ou de droit. En tesmoignaige de lai quel chose, nos, a lai relation de nostre dit coman \75dement, havons mis le sel de lai court de Besençon en ces lettres. Faites et donees, presenz le dit monssi Richairt Vendrey, chevalier, \76 monssi Richairt Savaiget, Henri, son frere, de Porreintruy, et monssi Jehan, curei de Corcelles, 11 vint et trois jours en mairs, l-an \77 mil trois-cenz quarante et hun.
12 H. J. de Boncourt.

Notes de transcription
^[1] Ainsi coupé: san sueguant.
^[2] Ainsi coupé: san suet.
^[3] Erreur de copie pour renderres.
^[4] Ou excomunier.
^[5] Ou excomuniement.
^[6] Ou excomunient.
^[7] Ou excomunier.