Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe171

1340, 20 juin.

Type de document: charte: vente

Objet: Vente par Horri dit Lorne, de Cœuve, écuyer, avec le consentement de Catherine, safemme, autorisée par Henri de Cœuve, fils de Loviat de Cœuve, son frère et son avoué, àPerrin de Cœuve, clerc, demeurant à Porrentruy, agissant comme avoué d’Aignate etd’Aalis de Corgémont, sœurs, femmes de Thomas et d’Henri, fils d’Horri dit Lorne, pour50 l. de vieux bâlois ayant cours au marché de Porrentruy de pièces de terre à Cœuve.Témoins: Jean [de Porrentruy], fils de Richart [dit Vaydrel], de Porrentruy, Vernier lefèvre, [Jehannenet] le Coursat et [Willemenet] Frimerdat, bourgeois de Porrentruy. —Acte établi au nom de l’official de Besançon par Huguenin Jean de Boncourt, notaire, etpassé sous son sceau et sous celui d’Henri, abbé de Bellelay.

Commentaire: Parchemin jadis scellé de deux sceaux sur double queue. AAEB, B 239 Ajoie/71. —Analyse par J. Trouillat, Monuments…, III, p. 789.

Verso: Lettre Orry le Lorne de Cueves (xiv^e siècle).

1 Nos, officials de lai court de Besençon, 2 faiçons savoir a touz 3 que, par devant Huguenin Jehan de Boncourt, clerc, notaire, jurei de lai dite court de Besençon, \2 nostre comandemant especial a quel, quant es choses que sunt ci-aprés escriptes et quant a-plus granz, nos havons commis par ces presentes lettres nostre pouhoir, pour ce \3 en droit personalmant establis et venanz especialmant, Horriz diz li Lornez, de Cueve, escuiers, hai confessei et publiemant recoignu qu-il hai vendu et vent, por \4 lui et por ses hoirs, a toz jours-mais, a Perrin de Cueve, clerc, demorant a Porreintruy, aichetant, en nom et por Aignate et Alix, de Courgeymont, \5 suers, pour lour et pour lour hoirs, femes Thomais et Henri, anfanz dou dit Lorne, les choses que sunt ci-aprés escriptes, gesanz en lai vile, finaige et terretoire \6 de Cueve, pour cinquante libres de bons viez baloys corsables ou merchief de Porreintruy, que li diz Horriz li Lornez hai hahu et recehu dou dit Perrin de \7 Cueve, vouhey des dites femes donei a lour lehalmant par une uverte justice por ce et por autres choses sesant en justise uverte et par lehal jugemant, et en nom et por les \8 dites femes, et les hai mis et convertiz en son evident proffeit, si qu-il s-an est tenuz por bien pahiez entieremant: 4 premieremant, a Sahur, une plaice de terre, entre le \9 Fourque de Cueve, d-unne part et Loviat le faivre, d-autre; 5 item, demey le champ dou Laigaiz, entre le dit faivre et Woillemenat Frimerdat, borgois de Porreintruy, d-autre; \10 6 item, a champ de lai Fosse, hun jornal, entre lai dame dou Prey d-unne part et li hoir Jehan Morel, qui fu, hont d-autre; 7 item, en lai vie de Bonfol, une plaice de terre, entre lai \11 terre a fil Monin d-unne part et li vie siet d-autre; 8 item, lai plaice de lai Corre, entre le faivre d-unne part et li dohei siet d-autre; 9 item, a champ des Braiez, une plaice, entre le \12 Fourque d-unne part et li dohe siet d-autre; 10 item, a Murgier, une plaice, entre Perrin le-Gouz d-unne part et monssi Jehan Ruequelin d-autre; 11 item, en Coudroit, dous jornals, entre Symonin d-unne part \13 et li terre es hoirs Jehan Morel siet d-autre; 12 item, dous jornals derriers chies le Fourque, li hoir Renaut dit le Conver, qui fu, d-unne part et messi Woillames de Bremoncourt d-autre; 13 item, dessus le Motier, \14 une combate, entre lai commenance d-unne part et li hoir Loviat d-autre; 14 item, a sentier de Courdemaiche, hun jornal que part a dit faivre et ai Woillame, fil le donzel, de Cueve; 15 item, a Champ \15 Rom, une plaice, entre Symonin d-unne part et lai terre que fut Goletom d-autre; 16 item, le curtil que fu Geillequin, que siet entre les dous sentiers; 17 item, a dit luec, lai plaice que Franchise tient de luy; \16 18 item, le tiers dou prey qu-est avec le dit Fourque, c-om dit le Prey Morgairt. 19 Et s-est devestuz li diz venditerres, por lui et por ses hoirs, a toz jors-mais, de toutes et singu\17leres les choses dessus escriptes, et le dit Perrin de Cueve, en nom et por les dites femes, en hai envestu et mis en bonc et lehal tenure et en corporal possessiom, ou aussi par lai tradic\18tiom de ces presentes lettres, por lour et por lour hoirs. 20 Et ceste vendiciom et toutes et singuleres les choses dessus dites hai promis et promat li diz venditerres, par son lehal \19 soiremant donei corporalmant, pour lui et pour ses hoirs, en lai main de nostre dit comandemant, sollempnel stipulaciom entrevenant, et suis l-obligaciom de touz ses biens moubles \20 et non moubles, presenz et a-venir, tenir et guerder farmemant a touz jours-mais, a dit Perrin de Cueve, en nom et por les dites Aignate et Alix, a lour et ai lour hoirs, garan \21tir et apaisier lai dite vendiciom franchemant, parmey deix sols censsals corsables ou merchief de Porreintruy, qu-elles et lour hoir doivent chascun an pahier a toz jours-mais a \22 lai maison de Grantgourt le jour de lai feste de saint Mertin d-yvert, a toz jors-mais, en tous lues, en jugemanz et deffuers, encontre ^[1] touz, senz gemais venir encontre ^[2] par \23 lui ne par autruy. 21 Lai quel vendue et toutes les choses dessus dites, por ce en droit personalmant venant et establie, Katherine, feme dou dit Lorne, par les los et actorité de Henri, fil \24 Loviat de Cueve, son frere et son lehal vouhey, hai louhei et rateffié, en quitant, por lei et por ses hoirs, a toz jors-mais, es dites Aignate et Alix, por lour et por lour hoirs, par le los que \25 dessus, tout le droit et tote lai raison qu-elle hai, puet et doit havoir es dites choses, soit por raison de marihaige, douhaire ou donaciom por nupces; et ce promat alle, par \26 son soiremant et suis l-obligatiom de touz ses biens, de tenir a toz jors-mais, en lour et lour hoirs submatant li dit Lornez et sai dite feme, par le los que dessus, a lai juridictiom \27 de lai court de Besençon et de toutes autres cours ecclesiastes et seculeres a l-observaciom de toutes les choses dessus dites, non obstant acunnes exceptioms de mal, de baret, de lesiom, \28 de decepciom a lai copie de ces lettres, a l-excepciom de decepciom outre lai moitie dou droit pries ou emqui devirom, et que autre chose soit escripte que acordee, et ai \29 toutes autres excepcioms de fait et de droit, et a droit que dit que li generals renunciatioms ne vaut. 22 En tesmoignaige de lai quel chose, nos, officials dessus diz, a lai relatiom \30 de nostre dit comandemant, avons mis le sel de lai court de Besençon avec le seal de religious home et saige monssi Henri, par lai pacience de Deu abbey de Bellelee, de \31 l-ordre de Premostrey, en ces lettres; et nos, li dit Horriz Lornez, Katherine, sai feme, par les los que dessus, et je, li diz Henris, fiz Loviat, come vouhez, avons requis a dit monssi \32 Henri, abbey de Bellelee, qu-il mate son sel avec celui de Besençon en ces lettres. Et nos, li diz Henris, abbés de Bellelee dessus nomez, a lai requeste des diz Horri Lorne, Katherine, sai \33 feme, et Henri, son vouhai, avons mis nostre seal pendant avec celui de Besençon en ces lettres. Faites et donees, presenz Jehan, fil monssi Rechairt de Porreintruy, Vernier le faivre, le Corsat \34 et Frimerdat, borgois de Porreintruy, 23 le mairdi aprés l-uictave de lai feste de Penthecoste, l-an mil trois-cenz et quarante.
24 H. J. de Boncourt.

Notes de transcription
^[1] Ainsi coupé: en contre.
^[2] Ainsi coupé: en contre.