Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe169

1340 (n. st.), 2 mars.

Type de document: charte: vente

Objet: Vente par Perrin, fils de [Willemin dit] Salemon, de Villars-sur-Fontenais, avec leconsentement de Perreton, sa femme, autorisée par son mari et par Jacquet, deVillars-sur-Fontenais, son avoué, à Jehannenet le maire d’Ajoie, fils de feu Jeannot, deCourgenay, pour 10 l. de vieux bâlois ayant cours au marché de Porrentruy de pièces deterre de franc-alleu à Villars-sur-Fontenais; et concession en tenure héréditaire de cesbiens par l’acheteur au vendeur moyennant un cens annuel de 10 s. de bâlois ou demonnaie ayant cours au marché de Porrentruy payable à la Saint-Jean; en cas de retard deplus d’une année dans le paiement, l’acheteur pourra disposer de ces biens (voirn° 247). Témoins: Renaut dit Pucin, d’Alle, Nicolin, de Villars-sur-Fontenais, etWillemenet, de Cornol. — Acte établi au nom et sous le sceau de l’official de Besançonpar Huguenin Jean de Boncourt, notaire.

Commentaire: Parchemin jadis scellé sur simple queue. AAEB, B 239 Ajoie/107. — Analyse par J.Trouillat, Monuments…, III, p. 785 (à la date du 3 mars 1339).

Verso: Debet reddi Th. de Rocourt (xiv^e siècle).

1 Nos, officials de lai court de Besençon, 2 faiçons savoir a touz 3 que, per devant Huguenin Jehan de Boncourt, clerc, notaire, jurei de lai dite court \2 de Besençon, nostre comandemant especial a quel, quant es choses que sunt ci aprés escriptes et quant a plus granz, nos havons commis et commattons per \3 ces presentes lettres nostre pouhoir, pour ce en droit personalmant establis et venanz especialmant, Perrins, li filz Salemon, de Veler dessus Fonte\4neys, hai confessey et publiemant recoignu qu-il, ne decehuz ne co[n]troinz ne baretez, mais come saiges et bien avisez, hai vendu et vent, por lui et por \5 ses hoirs, a toz jors-mais, a Jehannenat le mayre d-Ajoye, fil Jehanno, de Courgeignay, qui fu, por lui et por ses hoirs, aichetant, les plaices de \6 terre et choses de franc aluef que s-ansuegant ^[1], gesanz en lai vile et ou terretoire de Veler dessus Fontenoys: 4 premieremant, lai plaice que siet a Cher\7mey, entre lai dohe d-unne part et Guillez hai d-autre; 5 item, a Malchamp, une plaice de terre, Girairs li Teniers hai d-unne part et li feme \8 a l-oste hai d-autre; 6 item, une plaice dessus lai Combate, a l-Essir de Noiez, messi Richairs diz Vendrez ai d-unne part et Jehannenaz, fiz Borquairt \9 le Tenier, hai d-autre; 7 item, le chesail que siet a Veler, entre le dit monssi Richairt d-unne part et Hugues, fiz Bertin, hai d-autre; \10 8 item, lai moitie dou Prey de lai Roiche, Girairs li Teniers hai d-unne part et Nicholins hai d-autre; 9 item, lai moitie dou Prey \11 Rouhel, entre Betruhat d-unne part et Girairs li Teniers hai d-autre part, pour deix libres de bons viez balois corsa\12bles ou merchief de Porreintruy, qu-il hai hahu et recehu dou dit Jehannenat le mayre, et les hai mis et convertiz en \13 son evidant proffeit, si qu-il s-an est tenuz por bien pahiez entieremant. 10 Et s-est devestuz et se devest li diz venditerres, \14 por lui et por ses hoirs, a toz jors-mais, de lai dite vendiciom et de toutes et singuleres les choses dessus escriptes, et le dit Jehannenat lou \15 mayre, de Courgeignay, en hai envestu et envest, mis et mat en bone et en lehal tenure et en corporal possession, ou aussi per lai \16 tradictiom de ces presentes lettres, por lui et por ses hoirs, a quel Perrin, fil Salemon, por lui et por ses hoirs, li diz Jehannenaz li mayres \17 d-Ajoye hai pratei et lessie, por lui et por ses hoirs, a toz jors-mais, les dites choses entieremant dessus escriptes, por deix solz cens\18sals de annuel rente de baloys ou de bone monoie corsable ou merchief de Porreintruy, a pahier et rendre franchemant chascun an, \19 a toz jors-mais, dou dit Perrin, fil Salemon, et de ses hoirs a dit Jehannenat, de Corgeignay, et hai ses hoirs le jour de \20 lai feste de lai Nativité saint Jehan Baptiste; lai quelle vendue et toutes et singuleres les choses dessus dites, por ce en droit personalmant \21 establie et venant especialmant, Perrotons, feme dou dit Perrin, fil Salemon, per les los et actorité dou dit Perrin, son mari, et de Jaiquet, \22 de Veler dessus Fontenoys, son lehal vouhey donei a lei per une uverte justise por ce et por autres choses sesant en justise uverte et per \23 lehal jugemant, present, louhant et actorizant, hai louhei, ratefié et aprovei, en quitant, por lei et por ses hoirs, a toz jors-mais, \24 a dit Jehannenat, de Corgeignay, por lui et por ses hoirs, tout le droit et tote lai raison, actiom, reclamatiom, proprietei et \25 possessiom qu-elle hai, puet et doit havoir es dites choses vendues, soit por raison de marihaige, de douhaire ou de donaciom \26 por nupces. 11 Et toutes les choses dessus dites et une chascunne d-icelles ont promis et promatent li dit Perrins, fiz Salemon, et lai dite Perretons, \27 sai feme, per le los et actorité que dessus, per son soiremant donei corporalmant, por lour et por lour hoirs, en lai main de nostre dit coman\28demant, sollempnel stipulation entrevenant, et suis l-obligation de touz lour biens moubles et non moubles, presenz et a-venir, tenir et garder farme\29mant a toz jors-mais et paier chascun an lai dite censse a dit Jehannenat, de Corgeignay, et hai ses hoirs a terme dessus dit, garantir \30 et apaisier la dite vendiciom de propre franc aluef per tant de temps cum lehal tenure s-afiert en Ajoie, en tous lues et encontre touz \31, senz gemais venir encontre en nul caus. 12 Et est a savoir que, s-il, Perrins, fiz Salemon, ou sui hoir deffaillient de pahier lai dite \32 censse a dit Jehannenat le mayre et hai ses hoirs per tant de temps que li une censse venest a-pahier ensemble avec l-autre censse, li \33 diz Jehannenaz li maires et sui hoir ferient lour voluntei des dites choses entieremant come de lour propre chose et les prate\34rient a cu qu-il lour plaroit, en lour et lour hoirs submatant a lai juridictiom et coherciom de lai court de Besençon et de \35 toutes autres cours ecclesiastes et seculeres a l-observatiom de toutes et singuleres les choses dessus dites, non obstant acunnes excep\36cions de fait ou de droit. 13 En tesmoignaige de lai quel chose, nos, a lai relaciom de nostre dit comandemant, avons mis le seal de lai court \37 de Besençon en ces presentes lettres. 14 Faites et donees, presenz Renat dit Pucin, d-Alle, Nicholin, de Veler dessus Fontenoys, et Woillemenat, \38 de Coronol, 15 le juesdi aprés lai feste de saint Maithie, l-an mil trois-cenz trente et nuef.
16 H. J. de Boncourt.

Notes de transcription
^[1] Ainsi coupé: san suegant.