Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe168

1339-1340.

Objet: Comptes du conseil des bourgeois de Porrentruy.

Commentaire: Registre en papier. Porrentruy, Archives de la Bourgeoisie, VI, 40, p. 1-3.

1 [page] [1] [gauche] Les missions faites per Bourquairt dit Chamont, recevour en cest temps dou consolt des borgois de Porreintruy de l-an mil. III^c .XXXIX.
2 Primo, quant li viez consolz hot rendu compe a novel, a bailli et a lai baillie, .VI. libres.
3 Item, a lai maignie dou Chastel et a lai maignie a prevost, .L. s.
4 Item, a prevost, .XL. s.
5 Item, a lai baillie en lai gabaile, .X. s.
6 Item, a Horriat, fil a-Maistrat, quant il chantai sai novaille apistre, .X. s.
7 Item, quant li viez consols hot rendu compe a novel, .LX. s.
8 Item, [quant] li novels consols atandai le viez pour rendre compe, .XII. s.
9 Item, adom maismes, .VI. s. pour .VI. channes de vin que messi Rechairs, li bailliz et Jehans de Plejouse firent a pahier.
10 Item, .XIIII. s. que om senquai Bretxaide quant il requestai les florins por mon signour.
11 Item, .V. s. que om senquai a priour de Saint Albam.
12 Item, .XIIII. s. por .XIIII. channes de vin que furent seinquees Horri Thiebaut, enchies ^[1] Gouhete et chies monssi R., por ce qu-il nos fust bons vers mon signour.
13 Item, por .III. buefs, de que om senquai l-un a bailly et les .II. a monssi l-avesque, .XXIIII. lb.
14 Item, .VIII. d. por cellui qui les menai a Coronol.
15 Item, quant li sires de Monjoie et messi W. de Bremoncourt horent jornee a Porreintruy per devant monssi, por ces qui garderent les portes, .X. s. .II. d.
16 Item, quant om hot senquai monssi les .III. buefs, a revenir si hot .XII. s. por les prodomes.
17 Item, .III. s. por lai clair de lai porte Woillemin.
18 Item, costent li florin a porchacier a Baille, que en despens, en lettres que en senquair a ces qui les haiderent a porchacier et en despens a Porreintruy, que a l-aler que a revenir, per .II. fois, .VIII. libres .XII. s. et .IIII. d.
19 Item, .XXXII. s. por le luhier de .II. roncins per .VIII. jours, por ces qui les porchaicerent.
20 Item, .II. s. que om donai a portier monssi l-avesque quant om presentai les buefs ou Chastel.
21 Item, .XXX. s. et .IIII. d. que li consols et plusour des proudomes et li bailliz et li prevoz despenderent quant il orent consolt que om devoit faire dou mal haipert de Morel, que le main que le soir.
22 Item, .XX. s. que om hai despendu quant Gravelins vient querre les florins monssi l-avesque et raportai adom lai lettre des. III^c. florins d-or; et il fut li prevoz et plusour dou consolt.
23 Item, .III. s. quant om hot pris de-part ces de Cheveney les chevals de Porreintruy en lai Montaigney.
24 Item, .XII. s. por .XII. gelines que li consols hai anvoié a Jehan Tribot et a Henriat de Baile.
25 Item, .CIIII. s. et .IIII. d. que li florin ont costai a change.
26 Item, .XXX. s. que om seinquai monssi Mellairt quant il fit lai venue de sai feme.
27 [p.] [1] [droite] Item, .XL. s. et .V. d. en despens por [ceux] [qui] porchaicent lai paix de Greneillat et de P. d-Able quant om ne lai put faire; et y-furent li bailliz, messi Rechairs Vendrez, messi Meillairs, li prevoz, li consols et plusour dou quemenal, per plusours fois.
28 Item, .III. s. por le tour dou pont de lai porte Haidele.
29 Item, hai pahie li diz B. Chamonz a Huguenin Dodin .VI. lb. .IIII. s. et .IIII. d. des .LVI. lb. que li consols li devoit, de qu-il hai lettres des .L. lb.
30 Item, .VI. s. por .II. lahons por le pont des .II. Vailes.
31 Item, .III. s. et .VII. d. por lai corde dou pont Perrin.
32 Item, .XXVIII. s. que om despendui quant om alai jugie l-ome a Saint Ursanne.
33 Item, .XIIII. d. por refaire le pie de lai porte a Roteret.
34 Item, .XII. d. por lai sarrure de lai porte Giraut le Potier.
35 Item, coste li murs dou chafal devers chies Gouhete, .IIII. d. moyns de .XXX. s.
36 Item, costent li grex desoz le crucefy por l-ater des confreres, .XXX. s.
37 Item, .XL. s. que li proudome ont despendu contre ces de Courchavon pour les bois.
38 Item, .III. s. que om senquai a chastelain de Florimont et es bourgois quant il furent ci a lai novaille masse.
39 Item, .III. s. por lai chainne dou baicin de lai Favargete.
40 Item, .V. s. .IIII. d. moyns, que om senquai Horri Thiebaut chies Gouhete, quant om hot fait l-assignal de Symonate de Sonvelier.
41 Item, .II. channes de vin que om seinquai monssi Meillairt quant il dut aler vers mon signour por le fait dou fil Vernier le faivre.
42 Item, .II. florins por le fil a Maistrat, valent .XLVI. s.
43 Item, cent s., pour lai feste de Pasques, que li bailliz hai fait a baillier a consolt.
44 Item, .XV. lb. que messi li avesques hai hahu por les abelestriers.
45 Item, .VIII. s. que li archeraz hai despendu por porter a Bihene.
46 Item, .IIII. s. por le roncin.
47 Item, .LVII. s. que om despendu, per .III. fois, en alant et venant parler a-mon signour por les abelestriers et por le fil Varnier le faivre.
48 Item, por lai sarrure de lai porte a Roteret, .XII. d.
49 Item, pour recheveillier lai porte a lai Gueille, .XII. d.
50 Item, .XIIII. d. a portier dou Chastel quant om parlai a bailly dou champ a Derdat.
51 Item, hai costai li plaiz dou ^[2] mur dou pont des .II. Vailes, a rendovair ^[3] les murs per doz les portes, et li pile que porte le pom, .XVI. lb. et .IIII. s., senz le fustaige.
52 Item, .XXIX. s. que li viez consols et li novels despenderent enchies ^[4] W. Ploebuiche, quant il vuillerent anvoier parler a mon signour de plusours besoingnes.
53 Item, .C. s. que li consols hai donei de cortoisie a .I. proudome qui hai pratai .XL. lb. que faillirent por pahier les abelestriers mon signour et por plusours censses que li consols devoit.
54 Item, .IIII. s. moins de .IX. lb. por les .VII. florins et .I. demei de censse, de lai censse de Saint Jehan que om doit a lai Dame de Baille.
55 Item, .X. s. que om hai donei a Duc.
56 Item, por le tornefol vers chies le Donzellat, .XL. s. et .XVI. d.
57 Item, .LXV. s. por lai chevachie quant om dut aler a Estrabour.
58 Item, .LXI. s. por le pom de Cruseran de dessus que om hai randovay ^[5] et por le pont de la porte Hedele que om hait fait hun pant de mur, por cherroy, por ovriers et por toutes choses.
59 Item, .X. s., quant om alai revarchier les chaffals, que li consols et li proudome ont despendu.
60 Item, .XXIII. s. et .IIII. d. ^[6] qu-on hai seinquay Conrral, frere monssi de Baille.
61 Item, coste li chevachie .XVII. lb. et .IIII. d. por cherroy, por despens et por toutes choses.
62 Item, a Jehannenat dit Maistrat por refaire bandiere, .XVII. s.
63 Item, enchies ^[7] Hugue de Vatonveler, .XXII. s. que li consols seinquai a Zinche, a bailli, monssi Rechairt Vendrei, Jehan de Plejouse et a consolt, quant om dut aler dovant Chavelier.
64 [p.] [2] [gauche] Item, .II. s. pour lai clau que om hai fait en lai porte a Roteret.
65 Item, .IIII. channes de vin que om senquai a bailli quant il fut desetiez, valent .IIII. d. moins de .V. s.
66 Item, a monssi Hecheman de Saint Ursanne .IIII. channes, valent .IIII. d. moyns de .V. s.
67 Item, a Mechal .XII. d. por bochier lai cortoise de chies le signour de Monjoye.
68 Item, fut plediez li ponz dou Bourch: li fustaiges a Raimet por .VI. lb. viez balois, de que li diz Borquairs li hai jay pahie .LXX. s.; en tel maniere que li diz Ramez doit faire les hales dou dit pom a devirom de .VIII. piez de haut, chenaliz et cheveillier danz chaisne, de que il hai jai le bois enchies ^[8] lui.
69 Item, coste li ponz per que om vay a Saint Germain, les votes et li muraille a devirom, que en cherroiz que en toutes choses, .XII. lb. .XII. s. et .VI. d.
70 Item, costent les sarrures dou tornefol dou pont a la Gueillei, les pamailes et li farremanz de l-uys et .I. nueve chaynne dou baicin de lai Buixiere, .XX. s.
71 Item, .II. s. por refaire le tabour.
72 Item, .II. s. por hun .M. de quarreix de Gilat ^[9].
73 Item, .II. s. pour refaire .I. vexel.
74 Item, .IIII. florins bailliez a bailly por ce qu-il nos lessai demorer d-aler a Chavelier.
75 Item, .XVIII. d. pour re[n]dovair ^[10] lai porte a Roteret devant ce qu-on fiest le nue pont.
76 Item, .IIII. lb. et .VI. s. por les .II. cimarres qu-on hai fait a Baille.
77 Item, .V. s. .IIII. d. moins, que li consols senquay a ces de Montbeliart quant om fihançai lai fille Ploebuiche.
78 Item, que a mai dame lai baillie quant alle gesoit d-afant ^[11] que es suers mon signour l-avesque de Baille et a lai suer monssi l-avesque d-Estrabourch, .V. s. moins de .VI. lb.
79 Item, a novel vicaire .VIII. channes de vin, valent .IX. s. et .IIII. d.
80 Item, hai despendu li consols quant il geterent lour compe, .X. s. et .II. d.
81 Item, .X. s. por les lahons de lai Savegete por le pont; item ^[12], coste li nuez murs derriers chies Bourquelin, .XLIIII. lb. et .XVIII. s. por tout.
82 Item, .II. s. que om hai donai es banvairs de Corgeignay.
83 Item, .II. s. a ces de Cheveney.
84 Item, costent li gons dou pestuz dou Bourch, .II. d. moins de .III. s.
85 Item, pour le cheval de Woillemin Paniate, per .IIII. jours, .VIII. s.
86 Item, .II. d. por .I. corde dou pont dou Bourch.
87 Item, .V. s. et .II. d. le jour que li bailliz et messi Rechairs revarcherent les fenestres devirom lai vele.
88 Item, .II. s. por les banvairs de Coronol.
89 Item, costent li .II. pestuz a murier, .XIIII. s., que am cherroy que en hovriers, por toutes choses.
90 Item, coste li fustaiges dou pont de .II. Vailes, .IX. lb. .IIII. s. moyns.
91 Item, a prevost .LX. s. pour ce qu-il porcheçay que cil de Porraintruy ne alessient a Chavelier.
92 Item, hai pahie li diz Borquairs a lai feme monssi Jehan Ruequelin .XVI. lb. viez balois, por lai censse de lai Saint Mertin d-yvert que li consols li devoit por les. IIII^xx. florins qu-il lour hai pratay.
93 Item, .XVIII. d. pour raiportait lai sal de Chavelier.
94 Item, .IIII. s. pour .VIII. halnes de toile qu-on hai perdu devant Chavelier.
95 Item, .X. florins d-or qu-on hai doney a noble dame, dame Agne de Nuefchastel, feme monssi Borquart de Musingues, que costent .XII. lb. viez balois.
96 [p.] [2] [droite] Item, .IIII. s. por .VIII. channes de vin qu-on hai seinquay le conte de Tierstein, monssi Herneman [le] moynne et le vicaire de Baille; et il fut messi Conrraz li moynnes chies Perrin de Cove.
97 Item, .XII. d. que li consols hai donai a portier.
98 Item, .VIII. s. por le destorbier dou melin quil est, quant om brisai les excluses dou melin dou Bourch por faire le pont d-antre les .II. Vailes.
99 Item, .II. s. que li consols despenderent.
100 Item, por Ramey por les trais qu-il alai faire en lai Montaigne por le pont dessus le Vevier, .IIII. s.
101 Item, .II. s. a Quoichemoi ^[13] por aler a Nuefchastel.
102 Item, .LXIII. s. et .VI. d. por despens en recuillant lai commenance.
103 Item, hai despendu li consols, quant om getai lai commenance, .XXIIII. s. et .VI. d.
104 Item, .IX. libres pour les florins de-Baille pour le terme de lai feste de Neel.
105 Item, .VI. s. qu-on hai seinquay monssi Jehan Maichelaire.
106 Item, a Jehannenat Maistrat, .VII. lb. .X. s. et .IIII. d. que li consols li devoit quant il hot rendu compe de l-eimbourgeiserie.
107 Item, .XII. d. a Langueber pour porter les d. a Baille.
108 Item, .XII. d. a portier quant on seinquai les diz .X. florins.
109 Item, .XXVI. s. et .VIII. d. por .XX. channes de vin qu-on seinquay a ces de Bihene et a plusours devant Chavelier.
110 Soma de toutes les missions:. III^c .XXXIX. lb. .XI. s. et .IIII. d.
111 Item, .V. s. por pain qu-on havoit oblier a comper de Cherlat.
112 Item, .VI. s. por les chaisnes que sunt suis le pont dou Bourch, que a l-ovrair que a bois ^[14] que lai vele.
113 Item, .X. s. que li viez consols hai donei a Hugue de Boncort, lour escrevein, por ce qu-il les hai bien servi.
114 Item, .XX. s. qu-il ont despendu en getant lour compe.
115 Soma vera:. III^c .XLIII. libres .XI. s. et .IIII. d.
116 [p.] [3] [gauche] Li deffaut c-um doit dou temps de B. Chamont, recevour de l-an mil. III^c. et .XL.
117 Primo, li deffauz dou pahement de l-angalt de Porreintruy, .XXXV. lb. .XVI. s. et .X. d.
118 Item, li deffauz de lai commenance de Porreintruy, .IIII. d. moins de .XXVII. lb. post .V. s.
119 Item, de l-exalt de Porreintruy, .XIII. s.
120 Item, dou banc de l-aule, .IIII. s.
121 Item, dou deffaut de l-angalt dou pahis, .VIII. lb. et .V. s. que W. diz Paniate et Jehannenaz diz Maistraz doivent.
122 Soma des diz defauz: .LXXII. lb. .III. s. et .VI. d.
123 Item, some de touz les vaiges que li diz B. vuet rendre: .XVII. lb. .IX. s. et .III. d.
124 Soma omnium summarum predictarum:. IIII^xx. et .IX. lb. .XII. s. et .IX. d.
125 Soma omnium dictarum somarum des missions et des diz vaiges et de touz les diz deffauz des pahemanz:. IIII^c .XXIX. lb. et .X. d. post .XXX. s. Item, de .II. s. post .IIII. s. ^[15].
126 Soma vera omnium missionum et des diz vaiges et de touz les diz deffauz. IIII^c .XXXIII. lb. .IIII. s. et .I. d.
127 [p.] [3] [droite] Viez balois. Les receptes de Borquairt Chamont de l-an mil. III^c. et .XL.
128 Primo, ai recehu des veilles debtes .LXII. s. et .I. d.
129 Item, valet li poys .XXX. lb.
130 Item, li exals, .XIII. s.
131 Item, valet li angals dou pahis .XXX. lb.
132 Item, li banz devant l-aule, .VIII. s.
133 Item, les amandes des painz, .XVI. s.
134 Item, valet li seals .XX. s.
135 Item, valet li commenance de Porreintruy de l-an que dessus.. XII^xx. lb. .IIII. lb. et .VIII. s. moins.
136 Item, valet li commenance dou consolt .VI. lb.
137 Soma de l-angalt de Porreintruy:. VI^xx. lb. et .XXX. s.. V…
138 ^[16] Soma somarum:. IIII^c .XXIX. lb. et .XII. d.
139 Valet li angals de Porraintruy cent et .XVII. lb. .VII. s. et .VI. d.
140 Soma per omnia des receptes ^[17]:. IIII^c .XXV. lb. .XVIII. d.
141 Soma vera de toutes les receptes:. IIII^c. et .XXV. lb. .XVII. d. moins.
142 ^[18] L-an mil. III^c. et. XL., le mairdi aprés lai Circuncisiom Nostre Signour, rendai compe li diz Borquairs Chamonz, receverres, et li viez consols a novel consolt de toutes missions et de toutes receptes, en lai maison dou consolt, la ou li archeraz demore; si dehut li novels consols a dit Borquairt por fin de compe: .VIII. lb. .V. s. et .VI. d., et les debtes sunt entierement a novel consolt, et li vaige aussi qu-il ai rendu a dit novel consolt.
143 [p.] [4] [gauche] L-an mil. CCC^c. et .XL. se soma les officiour de Porrentruy: .XXXI. lb. et .XVII. s., plaidie per Perrin dit de Boroignon, receveour en ce temps dou consoilz de Porreintruy.
144 Item primo, Ramays, .VI. lb. li chapus.
145 Item, Chapoz, pourtiers et vaithe a-Bourg, .LIIII. s., .II. s. pour .I. chaces.
146 Item, W., filz a-Maignin, pourtiers et vaithe, .LIIII. s.
147 Item, Huguenaz, frere Champoy, .XXX. s.
148 Item, Courvaz ^[19], .XII. s. pour lai porte moytenal.
149 Item, a-Routeret, pour l-autre porte, .XIIII. s.
150 Item, Parrins, .X. s. pour lai porte Gouhethe.
151 Item, W., de lai porte vers Aille, nichil.
152 Item, Henriaz li Armonanz, vaithe, et Bourquins, filz Cuerraiz, pour lai porte Lessus, .LXX. s. enbedu ensamble.
153 Item, li Murtries, vaithe, .XXX. s. et .I. emene de blef.
154 Item, Girondaz, vaithe, sus lai quarre a-seignour de Monjoie, .XXX. s.
155 Item, Becaz, vaithe a Viez Chastel, .XXX. s.
156 Item, Raigoz, eschervaithe, .LI. s.
157 Item, li Contaz, ses compains, .L. s.
158 Item, li archeraz, .XL. s.
159 Item, li clers, .XL. s.
160 L-an .M. CCC^c .XL. hai recehuy Perrins diz de Boroignon, receveour en ce temps dou consoil de Porreintruy:
161 Primo, de Huguenin, de Florimont, pour lai cense dou bam desouz l-ale, .IIII. s.
162 Item, .V. s. dou vaige de l-essaul.
163 Item, ai haü .V. s. de lai recuglaite dou mostier.
164 Item, .V. s. de lai fille a lai Truchasse, qu-elle me donai pour l-uevre dou mostier.
165 Item, .VI. livres .V. s. moins, de monssi Pierre, filz Villemet, pour raison de lai masse maitenaul, dou temps Bourquart Chamon ^[20].
166 Item, de Willermin Paniaute, .C. s. pour raison de l-engaul dou païs, dou temps Bourquart dit Chamon.
167 Item, .VIII. s. dou seel, devant lai Saint Jehan Baptistre.
168 Item, de Maigrechar, .XVII. livres a lai Saint Jehan pour le pois.
169 Item, dou vaige, .VII. s. de l-essaul, a lai Saint Jehan.
170 Item, d-Estevenin et de l-archeret, .XV. livres .XII. s. a-lai Saint Jehan, de l-engaul dou païs.
171 Item, .XXVI. s. des diz harcheret et Hestevenin, de l-angaul dou païs, le merdi aprés lai feste de lai Nativeteyl Nostre Dame.
172 Item, .VI. libres de Hestevenin et de l-archeret pour l-engaul dou païs et .XII. s. le sambbadi aprés lai Saint Luc.
173 Item, li diz Hestevenin et li archeret, le sambbadi, voille de lai Saint Mertin, .LXIII. s.
174 Item, de Hestevenin et de l-archerz pour l-engaul dou païs, le merdi aprés lai Saint Andree, C. s.
175 Item, .X. s. de Courchavon pour .IIII. laons que nos li vendimes.
176 Item, a-lai Saint Andree, de Maigrechart, .X. florins que vaillent .XIII. libres.
177 Item, de Hestevenin et de l-archeret .LX. s., le vanredi, jour des Ignocenz, de l-engaul dou païs.
178 Item, .VII. s. de Hestevenin et de l-archeret pour l-engaul dou païs, le juefdi aprés l-an-nef.
179 Item, ont pahiez Hestevenin et li archeret .XXXV. libres, de l-engaul dou païs.
180 Item, de Chiotat, .VI. s., de plusours choses acourdees.
181 Item, sainz Maigrechart et sainz Hestevenin et sainz l-archeret, .XIII. lb. .V. s.
182 Item, […] de Maigrechart, .XXVIII. lb. .X. s.
183 [p.] [4] [droite] Item, hai recehu Perrins diz Boureignon des viés daut dou temps Bourquars dit Chamon estant devant le dit Perrin receveour dou consoilz de Porreintruy:
184 Primo, de Jehannenait, filz Wiaute, d-Auble, .III. s., c-est a-savoir de cumenances de l-annee passee que li diz Bourquart iere receveour.
185 Item, Perrins, filz a-berbiers, solvit .XII. d.
186 Item, Aigneglaiz et Perrins, ses filz, .VIII. d.
187 Item, Lume ^[21], .IIII. s.
188 Item, Jehannenaiz li arcenaires, .XII. d.
189 Item, li Loschars, filz Barangoiz, .IIII. s.
190 Item, Othins, gener l-archeraiz, .XV. s.
191 Item, Roucourt ^[22], .IIII. s.
192 Item, Girardins diz Peloiche, .V. s.
193 Item, Vienaiz li sarruliers, .VI. s.
194 Item, Girardins diz Mauloire, .IIII. s.
195 Item, Messuaz, genre Bruquelins, .VI. s.
196 Item, Vernerins, filz dame Heleny, .III. s.
197 Item, Holriz diz Visaires, .XIII. s.
198 Item, li vaiges, .IIII. s.
199 Item, li suer Costemaile, .II. s.
200 Item, li suer a-lai Vave, .XII. d.
201 Item, li Pequenesse, .II. s.
202 Item, Jehannin li boulancheraz, .V. s.
203 Item, Noys, de Cheveney, .II. s.
204 Item, Henry, garçons Jehannet, .VII. s.
205 Item, Bruquelins, .II. s.
206 Item, Machins, .VI. s.
207 Item, li mere Pouloin, .XII. d.
208 Item, Amouriar, .XII. d.
209 Item, Boncourt, .XII. d.
210 Item, li Coursait, .XXXVIII. s.
211 Item, Jehannenez, filz Woilglerez, .V. s.
212 Item, Perrins, filz Belin, .IIII. s.
213 Item, Gambers, .IIII. s.
214 Item, Huguenaiz li Ringues, .IIII. s.
215 Item, Jehannenez diz Vaiture, .VI. s.
216 Item, Miquarron, .XII. d.
217 Item, de Bequal, .XII. d. de l-an .M. CCC^c .XXXVI.
218 Item, Jehannenaiz diz Morixait, .XV. s.
219 Item, Gonaute, .XII. d.
220 Item, Jehan, genre Ramay, .VI. s.
221 Item, Colonne, de Bonfoul, .VIII. s.
222 Item, Girars, filz a-lai Guillame, .X. s.
223 Item, Henry, filz a-l-Alement, .V. s.
224 Item, Mater Courflaan, .II. s.
225 Item, Girars, filz Mievers, .III. s.
226 Item, Perrins li Eserailaiz, .V. s.
227 Item, Jehans, d-Auble, .III. s.
228 Item, Jaquet Monberraul, .IIII. s.
229 Item, li saliers, .III. s.
230 Item, li genres Miecourt, .II. s.
231 Item, Ragiaute, .XIII. d.
232 Item, li filz Verneret dou Bourt, .XII. d.
233 Item, li Cabaicierres, .IIII. s.
234 Item, Jehannenaz li Armolauz, .XII. d.
235 Item, de Mathiat, filz Girardin, .VI. s. des veilles cumenances.
236 ^[23] Item, de Jehannenat Maithey, .VI. s.
237 Item, Henry de Monbeliart, .XII. d.
238 Soma: .XII. libres .XIII. s. .IX. d. des veilles cumenances.
239 ^[24] Item, hai retenuz Maigrechart, filz a-Coursat, dou consoil lou poys pour .XXXV. lb. viez deniers.
240 ^[25] Item, li angaul de l-aifuert, .XLV. lb. viez bailloys a bon us dou païs.
241 [p.] [5] [gauche] Les missions faictes per Perrin dit de Boroignon, receveour en cest temps dou consoil des bourgoys de Porreintruy, de l-an mil. CCC^c. et .XL.
242 Primo, quant li viez consoilz hot rendu compe a novel, .XXIX. s., le merdi aprés l-an-nuef.
243 Item, a lai baillie, .LX. s. de bone estroinne aprés Nativetel.
244 Item, monssi le bailli, .LX. s. de bone estroine aprés Nativetel.
245 Item, es maignies, .XL. s. de bone estroinne, ou Cheteyl.
246 Item, a prevost, .XL. s. de bone estroinne.
247 Item, a-lai prevoste, .XII. s. de bone estroinne.
248 Item, .IIII. s. pour .I. amboutouz.
249 Item, a Perrenait le chapuy, .XII. d. pour refaire le tourt dou pont livent.
250 Item, .VIII. d. pour les chainnes et pour lou cruchoit de lai porte Edele.
251 Item, .VII. s. que Perrins de Cueve, Vernaiz li maires, Jaquins et Dodins despandeirent quant il furent ai Lucelans pour le profit de lai ville.
252 Item, .XI. s. que lai nueve sarrure de lai porte a-Routeret coste.
253 Item, .VI. s. que li viez consoil et li novel despandeirent chief Hayselin lai prumiere foiz que li novel consoil aillé compey per chies les hostes, le merdi aprés l-Aiparicion.
254 Item, .XLV. s. .V. d. pour ces qui furent a-Baille quant li consoil fuit semois pour les florins que on doit a Baille, que pour le garçon que fuy en cete ville de part lai dame, que pour chivaux que pour despans que pour estroinnes que pour autres choses.
255 Item, .XII. d. que uns garçons ot pour aler a-Lucelans parler a-l-aibé.
256 Item, le jour que li prevost fuyt a-Genevey pour lai noise qui fuit quant cil de Deylle et plusours autres gent estranges furent pour cause de noices en lai ville, que plusours bourgoys furent armez pour cause de doutance, .XXX. s. paiez per les tavernes.
257 Item, hai paiez a Bourquart dit Chamont .VIII. lb. .V. s. .VI. d. pour raison de ce c-on li devoit de l-annee devant qu-il fuit receveour.
258 Item, a Jehannenait dit Maitrait, ymbourt, .IIII. lb. .II. s. .II. d. c-on li devait quant il ot rendu compe a novel consoil.
259 Item, .XII. d. pour une chanlaite de Girardin dit Peloiche, de c-on vint l-aigue a-tairraul.
260 ^[26] Item, .VII. lb. .IX. s. .III. d. es officiours dou premier quart temps, c-est a-savoir dou quart temps de karimme.
261 Item, .IIII. s. .IIII. d. pour une corde, en karimme, pour lai grosse cluche.
262 Item, .XII. d. pour .IIII. soilgloit, quant li fuez fuit pris chies monssi Rechart dit Stoquert.
263 Item, .II. s. pour ces qui garderent Huguenet, de Bures, quant il iere chies Savaigoit.
264 Item, .IIII. s. qui demoreirent a-paié en lai gaubelle, que li seignours et li compaignons me firent a-paier Hayselin ^[27].
265 Item, .XX. s. .II. d. que li archeret despandit en alant et en venent a Baille, quant il aille parler a monssi le bailli pour lai porte de Lessus qu-iere ferme, que pour chivaul que pour autres despans.
266 Item, .III. s. .VI. d. Jehannaute, lai fille Malquarrel, pour un charroi que demoruit a-comper dou viez consoil.
267 Item, .VIII. s. .IIII. d. que Vernaiz li maires et li archeret despanderent en alant et en venant de Monbeliart, que pour chevax que pour despans, quant il furent pour parler de l-anvire ^[28] c-on fit Vernerin.
268 Item, .LX. s. a-bailli, le domange de Letare, quant il fuyt repairie de Baille ou il ot estey deshaitiez ^[29].
269 [p.] [5] [droite] Item, .IIII. s. pour le buvraige dou merchief de recuvry le chancel.
270 Item, ai doney Ragai .III. s. .IIII. d., que pour relaier lai tene a-Lucelans que pour le pourter que pour le rapourter.
271 Item, .XIX. d. pour ramener doues fois le pont amont vers lai vie de Cueve.
272 Item, .XV. s. en vin, le merdi aprés Pasques, pour monssi l-avesque et pour ses maignies.
273 Item, pour refaire le pertu sus l-aibre dou melin de lai ville, .XVIII. d.
274 Item, ai lai Byse, .IIII. s. .VII. d.
275 Item, ai paié a-l-archeret .VI. s. pour le plaidement des murs dou pont.
276 Item, ai paié .VI. lb. pour le plait de lai Nueve Ville.
277 Item, ai doney es banvers de ^[30] Courjannai .II. s. pour les essandelles dou mostier.
278 Item, ai doney .III. s. pour lai corde dou pont Perrin.
279 Item, païz a-l-archeret .XL. s. pour le bailli, quant il fuyt repairie de l-antarement son frere.
280 Item, ai paié .IIII. s. pour Vernet, pour l-archeret, pour Jehan de Monbeliart et pour moi, Perrin, le jour ^[31] que nos combateigmes les musures.
281 Item, .V. s. .VI. d. que li consoil despandai le jour que nos plaidemes Ramai l-uevre dou mostier.
282 Item, ai paié .XLII. s. pour les clavins dou mostier.
283 Item, ai paié Henriet Chamon .VI. s. pour les arbelestiers quil convierent les saniers ^[32] de Blammont.
284 ^[33] Item, ai paié Haiselin, de lai gabelle, .IIII. s. pour les compaignons.
285 Item, .IIII. s. .IIII. d. que cil despandeirent qui chargeirent les trait dou pont de devers Cueve en lai Montaigne.
286 Item, .XX. s. pour le bailly et pour les prodomes qui furent aveuc le bailli, quant il furent a-Courtaon contre le bailly le duc a une journee.
287 Item, .XII. d. es banvers de Cheveney.
288 Item, .II. s., le mescredi aprés lai Penthecoste, pour ces quil chargerent les pierres dou pont de devers Cueve.
289 Item, .XXI. s. a-lai fille a-lai Truchasse, pour claivins pour le dit mostier, et .I. d.
290 Item, .II. s. pour ces qui aleirent demander le bois a Cueve pour les pons.
291 ^[34] Item, .VII. s. .VI. d. pour les pons de Praymyet.
292 Item, .XII. d. pour refaire lai chainne de fert de lai porte Villermin.
293 Item, pour totes les missions de lai chevachie, quant on ivyt ai Reppés, .XII. d. moins de .VI. livres.
294 Item, .XXVI. d. pour les chappus qui receveirent le chafaul de lai querre de chies monssi de Monjoye.
295 Item, .X. livres et .IX. s. pour .VIII. florins que je envois ai Baille ai lai Saint Jehan.
296 Item, ai Raimey .XXX. s. pour les pons de devers Cueve.
297 Item, .XI. s. chies Gouhete que li communs despandai quant nos receveimes le filz a-l-archerets. w.
298 Item, .VIII. s. pour le braier de lai grosse cluche.
299 Item, .XIIII. d. que Hestevenin fenai ai Rescleires pour ces quil alirent a-Chavelier.
300 Item, .VIII. livres, a lai Saint Jehan Baptistre, que je païs monssi Jehan dit Ruquelin.
301 Item, .II. s. de courtesie es cappus qui ont ovrey ai mostier.
302 Item, .X. s. que li archeret et Henriez, filz Boreignon, despandirent quant il alirent ai Autequelique ^[35] et ai Delemon parler a bailli et ai monssi d-Esuel et ai monssi l-avesque pour les prisons.
303 Item, que pour le charroi des essandeles que dou bois pour le mostier, .XLVII. s. .VI. d.
304 ^[36] Item, Ramai, .IIII. lbs .II. s., a-lai Saint Jehan, sus l-uevre dou mostier.
305 Item, .LII. s. pour le charroi dou pont de devers Cueve.
306 Item, .V. s. que li vielles consoil devoit pour lai peille a-berbier, que on li rendit.
307 Item, .XXX. s. que je païs pour monssi de Hesuhel quant on li proient de nos bourgoys.
308 Item, .X. s. ai Henriet, de Baille, que li viez consoil li devoit.
309 Item, .III. s. pour hovriers pour le pont et .XII. d. pour .I. livre d-oing.
310 Item, .VI. libres pour le chevaul Henry, le filz l-Alement.
311 Item, .VI. s. .VI. d. pour le pont devant chief Hesmonin le peletier.
312 ^[37] Item, .VIII. s. pour ces qui furent parler a-monssi l-avesque a Delemont pour nos bourgoys, que pour chivaulx que pour despans.
313 Item, .XX. s. pour clos gros et menus pour le cluchier, a lai feste de lai Nativeteyl Nostre Dame.
314 Item, .LXX. s. a maiçon, que pour les .II. pons que pour le chaufaul de lai querre de lai maison monssi de Monjoye.
315 Item, .IIII. s. pour lai corde dou pont Lessus.
316 Item, .II. s. moins de .VI. libres, a-tabellion pour aler et pour venir pour nos prisons.
317 Item, Jehannait, .XV. s. pour son chivaul que li tabellions chivauchai .XV. jours.
318 Item, .V. s. que li archeret despandit quant il alai parler a-monssi a-Delemont, pour nos prisons.
319 Item, .XVI. s., pour lai prumiere journee, que li prevost, li baillis, Jehans de Plujouse despandirent quant il furent parler a-monssi l-avesque pour nos prisons.
320 [p.] [6] [gauche] Item, .XVI. s. a-tabellion, aprés ce qu-est dessus escript, c-est a-savoir pour .III. vies pour nos prisons: .II. a-Delemont vers monssi et .I. a-Clemont.
321 Item, .XXII. s., le jour que nos geteigmes lai cumenance.
322 Item, .XIII. s. Perrexat, de Saint Braiz, pour .IIII. laons.
323 Item, .IX. s. pour le pont moitenaul et pour le pont devant chies Hesmonin le peletier.
324 Item, .L. libres Dodin, que je li ai paié.
325 Item, coste li murs .XXII. libres .XV. s., que pour maiçon que pour charroi que pour aloigne que pour hovriers que pour lai chaul que nos achetaimmes dou prevost.
326 Item, .XL. s. a-prevost, de courtesie.
327 Item, a-Pidouz, .II. s. pour refaire .I. arbelestre.
328 Item, .IIII. s. Bourquenat, filz Chioutat, pour .I. arbaleste que Jehans Guedaz li havoit mis en gaige.
329 Item, .II. s. pour pain es hovriers pour lour desjuenons.
330 Item, .III. s. que je donis es banvert de Courgannai.
331 Item, .XVII. s. que je païz pour Brechaille chies le prevost, pour ce qu-il nos fuyt bons pour nos prisons envers monseignour.
332 Item, .XXI. s. .III. d. pour le pont de devers Cueve.
333 Item, .IX. s. pour hovriers pour pourter l-aloinne fuer dou terral.
334 ^[38] Item, .IX. s. pour le pont dou moitant et pour le pont de devant chies Hesmonin le peletier.
335 ^[39] Item, monssi Jehan dit Ruquelin, .VIII. libres pour le terme de Saint Mertin.
336 Item, a-Roi le cappuy .X. s. que li ballis li me fit doner quant il s-am ailley.
337 Item, Holri le Visaire, .VIII. s. pour son chivaul que li tabellions chevachai plusors fois.
338 Item, .IIII. s. des derieres esendeles qu-on amenai de Cheveney pour le mostier.
339 Item, .VII. s. que duy megliers de clavins costurent a-derrier, pour le mostiers.
340 Item, .VI. s. a-filz Rimbaul pour bochie les pertus et les fenestres es murs devirom lai ville.
341 Item, .LXX. s. pour le charroi de Chavelier.
342 Item, .XX. libres a-noveyl bailly, de bone estroinne.
343 Item, .VIII. s. a-Texeranz pour le change d-une arbelestre.
344 Item, li chappus ont .VIII. libres pour chapusier et pour cuvry le chancé et lai tourt dou mostier.
345 Item, monssi Ruquelin, .VIII. lb., a-lai Saint Mertin, pour lai rente de ses florins ^[40].
346 Item, a-dit monssi Jehan Ruquelin, .LXVII. lb. .XII. s.
347 Item, Jehannenet le gastelier, .VII. s. pour .II. journees que furent obliees a-compey quant on compai lai some dou murt.
348 Item, .IX. l. pour clos a-derier, pour la-tourt.
349 Item, .III. s. .VI. d. a-filz Trahi, de Cheveney, pour le derrier charroi.
350 Item, .V. s. Hambert le Tenier pour .I. tene pour l-essaul.
351 Item, .IX. lb. .II. s., pour .VII. florins, a-lai Dame de Baille pour lai cense de ses florins que nos li devons a-Nativetel.
352 Item, .III. s. .III. d. moins, pour les toises de nostre maison.
353 Item, W., le filz a-l-archeret, .XL. s. ^[41], en rabatant de .XL. s. que nos li covantaigmes.
354 Item, .XII. d. a-pourtier dou Chasteyl.
355 Item, .II. s. es damiselles quant nos paiames les florins a-Baille.
356 Item, .VI. d. pour lai corde pour levert lai chainne de lai porte Willermin.
357 Item, .XII. s., chies Patat, que nos, li consoilz et plusours prodomes, sincaigmes es prisons quant il furent eschapey.
358 Item, .XXXVI. s. a-tabellion quant il alai vers monssi l-arcevesque pour lai chaucon ^[42].
359 Item, frere Royl, .X. s. que il prestai a-tabellion, ai Delemont, pour le seel monssi.
360 Item, .XII. d. pour le creysuyl de lai porte.
361 ^[43] Item, .XX. s. pour aler et pour venir a-Blammont et ai Monbeliart, le premier jour, pour nos prisons.
362 ^[44] Item, .II. s. .IIII. d. a-l-archeret pour aler et pour venir a-Clemont.
363 Item, Vernier le fevre, .XVIII. d. pour lahier lai tene.
364 Item, .X. s. despandimes a-lai Saint Jehan, quant je, Perrins, rendi compe a-mes compaignons.
365 ^[45] [p.] [6] [droite] Item, .XXX. s. havons despendu en recuillanz lai cummenance.
366 Item, havons despenduz .XXX. s. en recuillant lai cumenance.
367 Item, costent nos prisons, que pour aler que pour venir que pour despans que pour chivaulx, .IIII. livres .XI. s. .V. d.
368 Item, .XX. s. ont despendu en getent lour compe li consoilz.
369 Item, .XL. s. a-prevost de bienalee.
370 Some des missions:. XVII^xx. et .XIII. libres, et .X. s. ^[46] .VIII. d. moins.

Notes de transcription
^[1] Ainsi coupé: en chies.
^[2] pont biffé.
^[3] Ou rendonair.
^[4] Ainsi coupé: en chies.
^[5] Ou randonay.
^[6] et.IIII. d.est écrit en interligne.
^[7] Ainsi coupé: en chies.
^[8] Ainsi coupé: en chies.
^[9] Lecture douteuse.
^[10] Ou re[n]donair.
^[11] Sic.
^[12] pontitembiffé, apparemment à tort.
^[13] Ainsi coupé: Quoiche moi.
^[14] boisremplace bienqui est biffé.
^[15] Cette dernière mention est biffée dans le texte.
^[16] Biffé.
^[17] Ce début de mention a été biffé.
^[18] Écrit au bas de la page, à travers les deux colonnes.
^[19] Ou Cournaz.
^[20] Les quatre derniers mots ont été ajoutés en interligne.
^[21] Lecture douteuse.
^[22] Ou Roncourt.
^[23] Le scribe a écrit d’abord, comme au n° 235, Item de Mathiat, biffé.
^[24] Écrit au bas de la page, à travers les deux colonnes.
^[25] Écrit au bas de la page, à travers les deux colonnes; l-aifuertest écrit laifuert.
^[26] Mention biffée dans le ms.
^[27] Nom ajouté en interligne.
^[28] Ou lanuire, lannire.
^[29] Par erreur, le scribe a écrit defhaitiez.
^[30] Suit cl exponctué.
^[31] Suit de exponctué.
^[32] Ou saviers.
^[33] Mention biffée dans le ms.
^[34] Mention biffée dans le ms.
^[35] Ou Ancequelique.
^[36] Mention biffée dans le ms.
^[37] Mention biffée dans le ms.
^[38] Mention biffée dans le ms.
^[39] Mention biffée dans le ms.
^[40] Le scribe, par erreur, a écrit plorins.
^[41] La suite de la mention a été biffée.
^[42] Lire chauçon? chancon?
^[43] Mention biffée dans le ms.
^[44] Mention biffée dans le ms.
^[45] Mention biffée dans le ms.
^[46] et.X. s. ajouté en interligne.