Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe164

1339 (n. st.), 18 février.

Type de document: charte: reconnaissance

Objet: Reconnaissance par Jean de Rocourt, écuyer, fils de feu Pierre de Rocourt, chevalier, dela vente faite par lui-même et par Simonete, sa femme, fille de feu Horri de Sonvilier,chevalier, à Renaudin de Rocourt, écuyer, fils de feu Pierre de Rocourt, chevalier,agissant comme avoué, tuteur, et curateur de Thibaut, fils de feu Jehannenet de Rocourt,écuyer, pour 50 l. de vieux bâlois ayant cours au marché de Porrentruy, desquels 22 d.valent un bon gros tournois d’argent, d’une rente de douze « quarressons », moitié blémoitié avoine, à la mesure de Porrentruy payable à la Saint-Michel pour le blé et à laSaint-Martin pour l’avoine et assignée de la part de Simonete, autorisée par son mari etpar Jeannin de Grandfontaine, son avoué, pour onze « quarressons », moitié blé moitiéavoine, à la mesure de Porrentruy, sur tout ce qu’Huguenin de Sonvilier et Simonete lacadette, ses frère et sœur, ont à Porrentruy, et, de la part de Jean de Rocourt, pour un« quarresson » à la même mesure, sur le four de Rocourt (voir n° 160); et obligation dela part des vendeurs, en cas de réclamation d’Huguenin de Sonvilier ou de Simonete lacadette, de verser à l’acheteur 15 marcs d’argent dus par Huguenin de Sonvilier à Jeande Rocourt; et, en cas d’incapacité de ce dernier à payer cette somme dans les six ans àpartir de la Saint-André, ses biens à Rocourt serviront de garantie, pour autant que lesvendeurs ne rachètent pas la rente dans le délai qu’ils espèrent se voir accorder (voirn° 165). Témoins: Richart dit Vaydrel, de Porrentruy, chevalier, Perrin de Cœuve, clerc,Loviat dit Marchant et Jeannin dit Gresal, de Courgenay. — Acte établi au nom et sous lesceau de l’official de Besançon par Huguenin Jean de Boncourt, notaire.

Commentaire: Parchemin jadis scellé sur simple queue. AAEB, B 239 Ajoie/21. — Analyse par J.Trouillat, Monuments…, III, p. 780-781 (à la date du 5 mars 1338).

Verso: Li lettre de Jehan de Rocourt et de Symonate, sai feme, por Thiebaut, fil Jehannenat de Rocourt (xiv^e siècle).

1 Nos, officials de lai court de Besençon, 2 faiçons savoir a touz 3 que, par devant Huguenin Jehan de Boncourt, clerc, notaire, jurie \2 de nostre dite court de Besençon, nostre comandemant especial a-quel, quant es choses que s-ansuegant ^[1] et quant a plus granz, \3 nos avons commis et commattons par ces presentes lettres nostre pouhoir, pour ce en droit personalmant establis et venant especi\4almant, Jehans de Rocourt, escuiers, filz monssi Pierre de Rocourt, chevalier, qui fui, ai confessey et recoignu publiemant 4 que, comme \5 il et Symonate, say feme, que fu fille monssi Horri de Sonvelier, chevalier, qui fu, haient vendu, por lour et por lour hoirs, a toz jors\6mais, et chascuns de lour por le tout, a Renadin de Rocourt, escuier, fil monssi Pierre de Rocourt, chevalier, qui fu, aiche\7tant en nom et por Thiebaut, le fil Jehannenat de Rocourt, escuier, qui fu, come vouhels, tuterres et curatours dou \8 diz Thiebaut, doze quarressons, moitie blef pur de annuel rente et moitie avoinne, a la mesure de Porreintruy, a-pa\9hier et rendre chascun an franchemant, a toz jors-mais dois le jour d-uy en avant, le blef pur le jour de lai \10 feste de saint Michiel et l-avoinne le jour de lai feste de saint Martin d-yvert. 5 Lai quel quantitey de blef de annuel rente \11 a lai dite mesure il haient assis, por lour et por lour hoirs, a toz jors-mais, c-est a-savoir lai dite Symonate, par les \12 los et actoritey dou dit Jehan de Rocourt, son mary, et de Jehannin de Grantfontaine, escuier, son leal vouhey, unze \13 quarressons, moitie blef pur de annuel et perpetuel rente, a lai dite mesure, suis quanque Huguenins de Sonvelier, escuiers, ses fre\14res, et Symonate li plus juesne, sai suer, hont, pouhent et doivent havoir de herietaige en lai vile et ou terretoire de \15 Porreintruy, senz riens excepter, et li diz Jehans de Rocourt, suis le four et suis tel droit cum il hai, puet et doit \16 havoir ou four de Rocourt, ou chesail et apartenances d-ycellui, le dit quarresson de annuel et perpetuel rente, a lai dite mesure, \17 pour cinquante libres de bons viez baloys corsables ou merchief de Porreintruy de que li vint et dous denier de lai dite monoie \18 valent hun bon gros tornoys d-argent, que li ditz Jehans de Rocourt et Symonate, sai feme, ont hahu dou dit Rena\19din de Rocourt, en nom dou dit Thiebaut. 6 Lai quel vendiciom li diz Jehans de Rocourt, escuiers, et lai dite Symonate, \20 say feme, hont promis de pahier et de garantir de franc aluef, pour lour et pour lour hoirs, a toz jors-mais, a dit \21 Renadin de Rocourt, en nom dou dit Thiebaut, a lui, Thiebaut, et ai ses hoirs come de propre et franc aluef, par tant \22 de temps cum lehal tenure s-affiert en Ajoye, enssi come il est plus evidemmant contenuz danz unes lettres suis ce faites \23 que li diz Renadins, en nom que dessus, en hai des diz venditours, que demorent en lour force et en lour valour par cestes lettres. 7 \24 Li diz Jehans de Rocourt, ne decehuz ne controinz ne baretez, mais de say propre et franche voluntey, hai vuillu en ceste mani\25ere qu-il s-ansuet ^[2] que, s-enssi estoit que Huguenins de Sonvelier, ou sai suer Symonate li plus juesne, il ou lour hoir ou autres, \26 demandaist riens ou acunne chose ou dit assignal des diz unze quaressons de annuel rente, et ou caus que li diz Jehans de \27 Rocourt et sai dite feme, ou lour hoir, ne garantirient et apaiserient bien et lehalmant le dit assignal a dit Rena\28din de Rocourt, en nom dou dit Thiebaut, a lui et ai ses hoirs, come de propre et franc aluef, li diz Jehans de Rocourt \29 ai obligie et oblige en cest caus, por lui et por ses hoirs, a toz jors-mais, en lai main dou dit Renadin de Rocourt, en nom \30 dou dit Thiebaut, por lui et por ses hoirs, les quinze mairs d-argent que sunt contenuz danz les lettres que li diz Jehans de Ro\31court hai de Huguenin de Sonvelier, escuier dessus dit; 8 et ou caus que li diz Jehans de Rocourt ne garantiroit et apai\32seroit bien et lehalmant, ou qu-il ou sui hoir ne porrient ou ne vorrient garantir et apaisier les diz quinze \33 mairs, c-est a-savoir dois l-andemain passey de lai feste de saint Andrey que verrai prucheinnemant en seix anz, \34 il oblige, por lui et por ses hoirs, a toz jors-mais dois maintenant por adonz ^[3], touz ses biens qu-il hai, puet et \35 doit havoir en lai vile et ou terretoire de Rocourt, en champs, prez, bois et en toutes autres, en lai main dou dit \36 Renadin de Rocourt, en nom dou dit Thiebaut, por lui et por ses hoirs; c-est a-savoir ou caus que li diz Jehans \37 de Rocourt ou sui hoir ou sai dite feme ne raicheterient danz le dit terme qu-il intent et pansse que li diz \38 Renadins, en nom que dessus, li doie faire graice de raicheter les dites choses. 9 Et toutes et singuleres les choses dessus dites \39 ai promis li diz Jehans de Rocourt, par son lehal soiremant doney corporalmant, por lui et por ses hoirs, en lai main \40 de nostre dit comandemant, sollempnel stipulatiom entrevenant, et suis l-obligaciom de touz ses biens moubles et \41 non moubles, presenz et a-venir, tenir, garder fermemant et garantir en lai maniere et forme qu-il est dessus devis \42 et desclairiez, senz venir encontre ^[4] les choses dessus dites par lui ne par autruy, en lui et ses hoirs submatant \43 li diz Jehans de Rocourt a-lai juridictiom et coherciom de lai dite court de Besençon et de toutes \44 autres cours ecclesiastes et seculeres a l-observaciom de toutes et singuleres les choses dessus escriptes, non obstant \45 acunnes exceptions de-fait ou de droit. 10 En tesmoignaige de lai quel chose, nos, officials dessus diz, a lai \46 relaciom de nostre dit comandemant, avons mis le seal de lai dite court de Besençon pendant en ces \47 presentes lettres, 11 que furent faites et donees, presenz monssi Rechairt dit Vendrey, de Porreintruy, chevalier, Perrin \48 de Cueve, clerc, Loviat Marchant, et Jehannin dit Gresal, de Courgeignay, le juesdi aprés lou \49 duemainge que om chantaist Invocavit me, l-an mil trois-cenz trente et huit.
12 \50 H. J. de Boncourt.

Notes de transcription
^[1] Ainsi coupé: san suegant.
^[2] Ainsi coupé: san suet.
^[3] Ainsi coupé: a donz.
^[4] Ainsi coupé: en contre.