Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe160

1338, 2 décembre.

Type de document: charte: vente

Objet: Vente par Jean de Rocourt, écuyer, fils de feu Pierre de Rocourt, chevalier, et parSimonete, sa femme, fille de feu Horri de Sonvilier, chevalier, autorisée par son mariet par Jeannin de Grandfontaine, écuyer, son avoué, désigné par Simonin, fils de laMaicenasse, de Chevenez, à Renaudin de Rocourt, écuyer, frère du vendeur et fils de feuPierre de Rocourt, agissant au nom de Thibaut de Rocourt, fils de feu Jehannenet deRocourt, dont il est l’avoué, le tuteur et le curateur, pour 50 l. de vieux bâlois ayantcours au marché de Porrentruy, dont 22 d. valent un bon gros tournois, d’une rente deonze « quarressons », moitié blé moitié avoine, vendue par Simonete, et d’une rente d’un« quarresson », moitié blé moitié avoine, vendue par Jean de Rocourt, payables toutesdeux pour le blé à la Saint-Michel et pour l’avoine à la Saint-Martin et assignées l’unepar Simonete sur tout ce qu’Huguenin de Sonvilier, écuyer, et Simonete [de Sonvilier] lacadette, sa sœur, ont en franc-alleu à Porrentruy, l’autre par Jean de Rocourt sur sapart du four de Rocourt (voir n° 164). Témoins: Richart dit Vaydrel, de Porrentruy,chevalier, Henri, curé de Grandfontaine, prêtre, Estevenet et Cuenet, fils de Willemin,de Grandfontaine. — Acte établi au nom et sous le sceau de l’official de Besançon parHuguenin Jean de Boncourt, notaire.

Commentaire: Parchemin jadis scellé sur simple queue. AAEB, B 239 Ajoie/21. — Analyse par J.Trouillat, Monuments…, III, p. 784.

Verso: Rocurt. — Li lettre de Jehan de Rocourt et de Symonate, sai feme, Pertinet ad Th., filiumquondam Johanneti de Rocourt (xiv^e siècle).

1 Nos, officials de lai court de Besençon, 2 faiçons savoir a touz 3 que, par devant Huguenin Jehan de Boncourt, clerc, notaire, jurie de lai dite court de Besençon, nostre comandemant especial a quel, quant \2 es choses que sunt ci aprés et quant a plus granz, nos avons commis par ces presentes lettres nostre pouhoir, pour ce en droit personalmant establi et venant especialmant, Jehans de Rocourt, escuiers, filz monssi \3 Pierre de Rocourt, chevalier, qui fu, et Symonate, say feme, que fu fille monssi Horri de Sonvelier, chevalier, qui fu, par le los et actoritey dou dit Jehan de Rocourt, son mari, et de Jehannim de \4 Grantfonteinne, escuier, son lehal vouhei donei a lai dite Symonate par Symonin, le fil a lai Maicenasse, de Cheveney, pour ce par lai voluntey et requeste des parties sesant en justise uverte et par lehal jugemant, \5 presenz, louhanz et actorizanz, ont confessey et recoignu publiemant qu-il ont vendu et vendent, pour lour et pour lour hoirs, a toz jours-mais, et chascuns de lour por le tout, a Renadin de Rocourt, \6 escuier, frere dou dit Jehan et fil dou dit monssi Pierre de Rocourt, chevalier, qui fu, aichetant, en nom et pour Thiebaut de Rocourt, fil Jehennenat de Rocourt, escuier, qui fu, por lui et pour \7 ses hoirs, dou quel Thiebaut li diz Renadins de Rocourt est vouhels, tuterres et curatours, c-est a-savoir: 4 lai dite Symonate par les los et actoritey que dessus, unze quarressons, moitie blef pur \8 et moitie avoinne, de annuel et perpetuel rente, a lai mesure de Pourreintruy, 5 et li diz Jehans de Rocourt, hun quarressom, moitie blef pur de rente et moitie avoinne, perpetuelmant, a lai dite mesure, 6 et chascuns de lour \9 pour le tout, a pahier et rendre chascun an franchemant, a toz jours-mais dois le jour d-uy en avant, des diz Jehan de Rocourt et Symonate et de lour hoirs a dit Renadin de Rocourt, en nom dou dit \10 Thiebaut, a lui Thiebaut et ai ses hoirs, le blef pur le jour de lai feste de saint Michiel et l-avoinne le jour de lai feste de saint Martin d-yvert ensemble touz les domaiges, costes, missions, despens et \11 interest qu-il ou li uns de lour diray ou diront, par lour simple soyremant senz nulle autre prueve, lour avoir fait, encorru ou sostenu pour le deffaut d-un chascun pahemant de lai dite rente; 7 et est faite \12 ceste venditiom pour cinquante libres de bons viez baloys corsables ou merchief de Porreintruy, de que li vint et dous denier de lai dite monoie valent hun bon gros tornoys de bon argent recipiable, qu-il \13 ont hahu et recehu dou dit Renadin de Rocourt en nom dou dit Thiebaut, et les ont mis et converti en lour evidanz proffeiz, si qu-il s-an sunt tenu et s-an tienent pour bien pahiez entieremant. 8 Lai \14 quel quantitey, moitie blef pur de annuel rente et moitie avone, a lai dite mesure, li dit Jehans de Rocourt et lai dite Symonate, say feme, par les los et actoritey que dessus, ont assis et assignent, pour lour et pour lour hoirs, \15 a toz jors-mais, et chascuns de lour pour le tout, c-est a-savoir: 9 lai dite Symonate, suis tout ce et suis quanque Huguenins de Sonvelier, escuiers, et Symonate li plus juesne, say suer, hont, pouhent et doivent havoir \16 de herietaige en lai vile et ou terretoire de Porreintruy en champs, preiz, bois, chesails, censses, rentes, curtils et en touz autres herietaiges que doivent estre de franc aluef; 10 et li diz Jehans de Rocourt, le dit \17 quarressom a lai dite mesure, moitie blef pur et moitie avoinne, suis lai sue partie et suis tel droit et tel rayson cum il hai, puet et doit havoir suis le four et ou four, chesail et apartenances dou dit four de Rocourt. 11 Et \18 se sunt devestu et se devestent li dessus dit Jehans de Rocourt, escuiers, et Symonate, sai feme, par les los et actoritey que dessus, pour lour et pour lour hoirs, a toz jours-mais, et chascuns de lour pour le tout, de lai dite \19 vendiciom entieremant et dou dit assignal quant a ycelle en lai maniere qu-il est dessus contenuz; et le dit Renadin de Rocourt, escuier, en nom dou dit Thiebaut de Rocourt, en hont envesti et envestent, \20 mis et matent en bone et lehal tenure et en corporal possessiom, ou aussi par lai tradictiom de ces presentes lettres, pour lui et pour ses hoirs. 12 Et ceste vendiciom et toutes et singuleres les choses dessus dites ai promis et promat li diz \21 Jehans de Rocourt et lai dite Symonate, sai feme, par les los et actoritey que dessus, par lour lehals soiremanz donez corporalmant, pour lour et pour lour hoirs, en lai main de nostre dit comandemant, sollempnel stipula\22ciom entrevenant, et aprés suis l-obligaciom de touz lour biens moubles et non moubles, presenz et a-venir, tenir et garder fermemant a toz jors-mais, pahier et rendre chascun an es diz termes lai dite rente enti\23eremant a dit Renadin de Rocourt, en nom dou dit Thiebaut, a lui Thiebaut et ai ses hoirs, gaurantir et appaisier les diz assignals de franc aluef par tant de temps come lehal tenure s-affiert en \24 Ajoye, en tous lues et encontre ^[1] touz, senz gemais venir encontre ^[2] par lour ne par autruy. 13 En renuncent en cest lour fait li dit venditour, par les los et actoritey que dessus, par lour diz soiremanz, et chascuns de lour \25 pour le tout, ensemble et diviseemant, a toutes exceptioms de mal, de baret, de lesiom, de deceptiom, a lai copie de ces lettres, et que autre chose soit escripte et autre chose acourdee, a l-exceptiom de \26 deceptiom outre lai moitie dou droit pries ou emqui devirom, a touz privileiges introduz en favour de croisies, a touz privileiges et a touz droiz introduz et a introdure en favour de femes et ai \27 toutes autres exceptioms de fait ou de droit, et a droit disant que generals renunciations ne vaut, en lour et lour hoirs submatant li dit venditour, par les los et actoritey que dessus et chascuns de lour \28 por le tout, a lai juridictiom et coherciom de-lai dite court de Besençon et de toutes autres cours ecclesiastes et seculeres a l-observaciom de toutes et singuleres les choses dessus escriptes, non obstant acunnes \29 exceptioms de fait ou de droit. 14 En tesmoignaige de lai quel chose, nos, officials dessus diz, a lai relaciom de nostre dit comandemant, avons mis le seal de lai dite court de Besençon pe[n]dant en ces presentes lettres. 15 Faites \30 et donees, presenz monssi Rechairt dit Vendrey, de Porreintruy, chevalier, monssi Henri, curie de Grantfonteinne, prestre, Estevenat et Cuenat, anfanz Woillemin, de Grantfonteinne, et plusours autres, le mescredi aprés \31 lai feste de saint Andrey, l-an mil trois-cenz trente et huit.
16 H. J. de Boncourt.

Notes de transcription
^[1] Ainsi coupé: en contre.
^[2] Ainsi coupé: en contre.