Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe125

1333 (n. st.), 5 février.

Type de document: charte: vente

Objet: Vente par Willemenet et par Perrin, frères, de Fahy, enfants de Willemin, fils de feu lePrévôt, de Fahy, à Jehannenet de Rocourt, écuyer, fils de feu Henri de Rocourt,chevalier, pour 9 l. de bâlois ayant cours au marché de Porrentruy d’une rente d’unbichet, moitié blé moitié avoine, à la mesure de Porrentruy, payable pour le blé à laSaint-Michel et pour l’avoine à la Saint-Martin et assignée sur quinze journaux de terreà Fahy; en cas de retard de plus d’une année dans le paiement, l’acheteur pourradisposer de ces biens. Témoins: Estevenin dit Gueron et Jean, son frère, Jehannel lechapuis, de Fahy, Vernier le clerc, de Porrentruy, et Vauterin, d’Abbévillers. — Acteétabli au nom et sous le sceau de l’official de Besançon par Jean de Mandeure,notaire.

Commentaire: Parchemin jadis scellé sur double queue. AAEB, B 239 Ajoie/105. — Analyse par J.Trouillat, Monuments…, III, p. 750 (à la date du 5 février 1332).

Verso: De Woillemenat et Perrin, anfanz a Prevost, de Phey. — Fay (xiv^e siècle).

1 Nos, li officiauls de la cort de Besançon, 2 faiçons savoir a touz 3 que, en la presence de monsi Jehanz de Manduerre, \2 prestre, notaire et jurie de nostre cort de Besançon, a cui nos tant comme a çou havons commis nostre pouhoir et committons \3 par ces presentes lautres, pour çou personalment establit en droit et expecialment venant, Villermenot et Perrins, freres, \4 de Faiz, anfant Villemin, fil a Prevost, de Fays, qui fuit, present, vuillant, aggreant et raptiffianz, et pour nuef \5 livres de bons balois, menoie corsable et usable en la vile et ou marchie de Porrointru, que il ont haüz et recehuz \6 de Jehannenot, escuierz, de Recourt, fil monsi Henri, chevalier, qui fuit, de Rocourt, en bone menoie bien nom \7bree, tant que pour bien pahie s-en sunt tenuz entierement, ont li dis Villermenot et Perrins, freres, pour lourz et pour \8 lours hoirs, vendu, baillie, outroié et delivrey a dit Jehannenot, lui et ses hoirs, vendent, baillent, ou\9troient et delivrent a touz jours-mais, chescun anz venant das le jours de la confection de ces presentes \10 lautres, hun bechaut de blef de rente, a-pahie le blef le jourz de la Saint Michie, et le jourz de la Saint \11 Martin d-iver l-avoine, c-est a savoir demex bechat de blef a la Saint Michie a la mesure de Porrointrux \12 et demey bechaut d-avoine a la Saint Martin d-ivert a la dite mesure de Porreintruy, a touz jours-mais, \13 chescun anz das le dit jourz de la confection de ces presentes lautres. 4 Le quel bechaut de blef desus dit li dis Villermenot et \14 Perrins, freres, pour lourz et pour lourz hoirs, a dit Jehannenot, lui et ses hoirs, ont obligie et assis, obligent et assetent \15 sus quinze jornas de terre ou finaige et ou terretoire de Faiz, c-est a-savoir; 5 dous jornas ou Champ dou Chainne, es \16 Preef, Estevenin, fil a-Prevost, ai d-unne part et Perrin li hostes ai d-autre part; 6 item, a-Suillet, dous jornas de terre, Perrins \17 li ostes ai d-unne part et Rainbaut, mairi a-la fille Rainbaut, d-autre part; 7 item, hun jornal de terre sus la Fontaigne, \18 Jehannoz ai d-une part et Horriat, fil a Favre, ai d-autre part; 8 item, a Sauci, hun jornal de terre, Girart dit l-Alement ai d-un \19ne part et Huguenot, fil a l-Apostoile ^[1], qui fuit, ai d-autre part; 9 item, en la Paule, dous jornas, Henri, freres Saveiget, ai d-un \20ne part et Cuenin, frere dou dit Willermenot, d-autre part; 10 item, en Septanbouche, hun jornal de terre, Villemin, fil Emonet, de Vilart, \21 ai d-une part et Cuenins, fil Perrenot, ai d-autre part; 11 item, en l-Aut de la Vie de Rocort, hun jornal de terre, Estevenin dit Pui\22gois ai d-une part et Estevenin, fil a Prevost, ai d-autre; 12 item, en la Felouse, hun jornal de terre, Jehannin le donzelz ai d-une part \23 et Perrin, fil a Groinu, de Chevenex, ai d-autre part; 13 item, en l-aissert a Foin, hun jornal, Estevenin, fil a Prevost, ai d-une part et \24 Colins ai d-autre part; 14 item, es doues Combautes, dous jornas, Estevenin Puigois ai d-unne part et Estevenin, fil a Prevost, ai d-autre \25 part; 15 item, en Champtcostain, demei jornal, Estevenin, fil a Prevost, ai d-une part et Perrenot, fil Guiate, ai d-autre part; 16 item, en \26 la Corvee, demei jornal de terre, Estevenin, fil a Prevost, ai d-une part et Pululin ai d-autre part. 17 La quelle assisse et obligation \27 desus dite li dis Villermenot et Perrins, freres desus dit, pour lourz et pourz lourz hoirs, a dit Jehannenot, lui et ses hoirs, ont, \28 tuit enseible li dit frere et uns chescuns par lui, ont promis et promatent, par lourz foi donee en la main dou dit commande\29ment et sollempney stipulation entrevenant et sus l-obligation de touz lourz biens moubles et non moubles, presenz et a \30 venir, pahiez, rendre et satisfiez le dit bechat de blef chescun anz a touz jours-mais, en la poinne de l-obligation \31 et de l-asise desus dite, en tele meniere et condicion que, si ainsic estoit que li dit frere ou lour hoirs ne pahent ou sa\32tisfient a dit Jehannenot ou ses hoirs le dit bechat de blef desus dit de rente, chescun anz, que li une des rentes \33 voigne sus l-autre, la dite assise et obligation des dit quinze jornas de terre sunt eschoit par droit a dit Jehannenot \34 et ses hoirs, senz (aler jemais) que li dis Villermenot et Perrins, freres, jemais puissent aler encontre par droit ne par action que il (il) \35 puissent havoir jemais en la dite assise et obligation desus dite. 18 Et ont promis ausi par lourz foi, pour lor et pour lourz hoirs, \36 a dit Jehannenot, lui et ses hoirs, et promatent, par lourz foi donee ainsic comme desus est dit, la dite assise et obligation tenir, \37 mantenir, acomplir, garantir et fermement garder et non venir encontre ^[2] par lourz ne par autruy, coement ne an-apert. 19 Renonçanz \38 li dit frere, par lourz dit soirement, a tout ce que ou temps a-venir il porrient opposer ne obicier contre ces presentes lautres. \39 Et se sunt quant a ce submis et submatent en la juridiction de nostre cort de Besançon, non obstant acunne exception de fait \40 ou de droit. 20 Et nos, officiauls desus dit, es dit Villermenot et Perrins, freres, avons engeoint et par le dit nostre commandement \41 par vive voiz nomeement amonestey que les choses desus dites taingnent, garantissent et fermement (garantissent et \42 fermement) gardient; se çou non, nos, pour le desfaut des choses desus dites, par la requeste dou portour de ces presentes lautres, \43 commandons a touz les chapellains de la dyocese et de la citey de Besançon qui pour ce sarront requis, les dit Villermenot et Perrin, \44 freres, de Faiz, excomenient et denuncient pour excomenier sanz havoir de nos autre commandement; ainsi l-ont il volu; et quant \45 a mautre a-execution icés nostre commandement, li uns de vos ne attende l-autre. 21 Donee desoz nostre seel, presenz Estevenin \46 dit Guerons et Jehanz, freres, Jehannel le chapus, de Fayz, Vernierz, clerc, de Pourrointru, et Valterin, de Albevelert, tesmoins \47 a ce appellez et requis, l-an mil trois cent et trante et dous. 22 Faites et donees le jourz de la Saint Agathe, l-an desus dit.
23 Jo. de Mandorra.

Notes de transcription
^[1] Ainsi coupé: la postoile.
^[2] Ainsi coupé: en contre.