Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe123

1333 (n. st.), 18 janvier.

Type de document: charte: vente en franc-alleu

Objet: Vente en franc-alleu devant la justice publique par Huguenin dit de Boncourt, bourgeoisde Florimont, par Jean dit Grand, par Jean le Petit et par Willemin, ses enfants, àPierre, abbé, et au couvent de Bellelay, pour 21 l. de bâlois ayant cours au marché deFlorimont de vingt-quatre journaux de terre à Bure; et engagement, au cas où ces terresne pourraient valoir à l’abbé et au couvent de Bellelay une rente annuelle d’un grandmuid, moitié blé moitié avoine, à la mesure de Porrentruy, de comprendre dans cettevente trois autres journaux à Bure. — Acte passé sous les sceaux de Renaut de Delle,chevalier, de Pierre, curé de Florimont, et d’Hugues dit Busy, curé de Faverois.

Commentaire: Parchemin jadis scellé de trois sceaux sur double queue; il subsiste des fragments,particulièrement de celui de Pierre, curé de Florimont. Bienne, Archives de la Ville,XLIX, 369. — Analyse par J. Trouillat, Monuments…, III, p. 749 (d’après lecartulaire de Bellelay et à la date du 20 janvier 1332).

1 Nos, Huguenins diz de Boncourt, bourgoix a-çou temps de Florimont, et Jehans diz Grans, Jehans li Petiz et Woillemins, anfant Huguenin de Boncourt, 2 faiçons savoir a-touz \2 ces qui verront ou orront ces presentes lettres 3 que nos, de nostre bone volentey et pour nostre grant profeit evidant, avons vanduy et vandons, pour nos et pour nos hers, pour franc \3 aluef perpetuelmant en herietaige, ai touz jours-mais, a meix que on puet faire vendicion et pluis fermement entendre, a-monsi Pierre, par la pacience de Due abbel de \4 Balelee, et a-covant, pour vint et hune livre de baloys, menoie corsable ou merchief de Florimont, les plaices de terre ci aprés devisees, es-queles plaices il doit et \5 puet avair vint et quattre jornals de terre gissans ou finaige, ou terretoire et en la ville de Bures: 4 premieremant, cinc jornals de terre dessus Fontainnes, entre la terre es \6 anfans Wernier d-une part et la terre Jehannenat, lou fillastre la Herre, d-autre part; 5 item, hun jornal de terre en Fontainnes, Bursins, de-Bures, hay d-une part et Symons, filz Henrienat, d-atre \7 part; 6 item, douz jornals de terre en la coste a-Sororceil, antre la terre Trissie d-une part et Estainne, fil Henrienat, d-autre part; 7 item, douz jornals de terre entre les Boys, a-luec que on dit en Combant \8 Agnel, Cuenins, de Bures, hay dedouz ^[1] et dessus; 8 item, douz jornals de terre en la vie dou Fayl, suis la Mergliere, entre la terre dou dit Bursin d-une part et la terre Willemin \9 lou Corveisserat d-atre part; 9 item, douz jornals de terre en la vie dou Fayl, li diz Cuenins hay d-une part et Pertuis, fiz Thomas lou prevost, hay d-autre part; 10 item, hun jornal de terre a-Paierereit, \10 entre Cuenat, fil Cuenin, d-une part et Lovyat lou berbier d-autre part; 11 item, en Marcon, hun jornal de terre, li diz Loviaz hay d-une part et Jehannins, filz Voletey, d-autre part; 12 item, en Walrandin, \11 un jornal de terre, li terre a Caincon est d-une part et Huguenins de Boncourt dessus diz hay d-autre part; 13 item, hun jornal de terre doz la-Fontainne, en la-vie de Corchavon, entre la terre \12 dou dit Trissie d-une part et Loviat, de Saint Ursanne, d-autre part; 14 item, trois jornals de terre a-luec que on dit en Valançon, entre Jehannenat, fil Girerdin, d-une part et Perrenat, fil a-la Fayve, \13 d-autre part; 15 item, hun jornal de terre en la chintre da Combe Saint Mainbuef; 16 item, en la vie de Velar, hun jornal de terre, entre monsi Rechart Stoquart d-une part et lou dit Cuenin d-autre \14 part; 17 item, a luec que on dit en Monbion, entre Savein, lou fil Chollin, d-une part et Holriat, fil Bernier, de Corcelles, d-autre part, hun jornal de terre. 18 Les-queles vint et hune livres dessus \15 dites nos, li devant nomey Huguenins, Jehans diz Grans, Petez Jehans et Willemins, avons haüez et recephuez entierement dou dit monsi Pierre, par la pacience de Due \16 abbel de Ballelee, et dou covent de Ballelee en bone menoie bien nombree, et les avons mises et tornees en nos profeis, si que nos nos en tenons pour bien paié entiere\17ment. 19 Des quelz vint et quattre jornals de terre dessus diz nos nos sumes desvesti et desvestons, et si nos an sumes mis et mettons fors de tenure et fors de possession, pour nos et \18 pour nos hers, et lou dit abbel et lou covent en avons envesti et envestons, et si les en avons mis et mettons en bone tenure et leal et en bone possession pour touz jours-mais \19 par ces presentes lettres. 20 Et si avons promis et promettons, par nos soiremens donés corporalment, sollempnel stipulation entrevenant, et suis l-obligation de touz nos biens moubles et \20 neant moubles, presens ou a-venir, ou que il soient, en franchisse ou defors, que nos encontre ces covenances ne contre ceste dite vendicion nen irons ^[2] ne ne ferons ai aler \21 par nos ne par autruy, coiemant ne en apert, maix lai terons, aipaisserons, desfandrons et guairantirons, pour nos et pour nos hers, a-dit abbeel et a-covent, en touz luez, en toutes cours, en \22 touz jugemens et defors, encontre toutes gens, ai nos propres despans et missions. 21 Et est a-savair que, se li dit vint et quattre jornal de terre ne pouoient valoir a-dit abbeel et a-co\23vent de Ballelee hun grant muif, moitie blef moitie avoinne, de rente, a-la musure de Porraintruy, chescun an a-la feste saint Mertin d-iver, nos volons et outroions, pour nos et pour \24 nos hers, que, si tost comme il haurient point de desfaute que il ne pourrient havoir lou dit muif de blef de rente paisiblement, senz fraude et senz bareit, quar il haient en aicroissance \25 et pour aicomplir lou desfaut de la dite cense, quelz que il fuit, trois jornals de terre ci aprés devisees, en la meniere et en la forme et en la vendue dez vint et quattre jornals dessus devisés, \26 li quel trois jornal de terre gisant ou finaige de Bures, a-luec que on dit doiz Monbyon, en la vie dou Marach, Jehannenaz li pelletiers hay d-une part et Jehannenaz, fiz Mertin, \27 hay par dessus. 22 Et est ancour ai savoir que nos, li devant nommey Huguenins, Jehans li Grans, Petiz Jehans et Woillemins, havons abrenoncie et abrenonçons en cest nostre dit fait, par nos diz \28 soiremans, par nos propres volentés, ai toutes exceptions de mal, de bareit, de fraude, de lesion, de circonvention, ai action en cause ou moins suffisans, ai toutes autres raisons et exceptions \29 de droit de canon ou de loys, ai tous privilaiges donés ou ai doner, ai (ai) l-exception de deception outre la moittie ou la tierce partie dou juste pris et ay l-exception divi Adriani \30 et ai-toutes autres raisons et exceptions, espicialment a-droit que dit general renonciacion neant valoir. 23 Et toutes ces convenances et une chescune d-ycelles nos recoignessons \31 nos havoir fait par devant une overte justisse pour çou seant. 24 En tesmoignaige de la quele chose, nos, Huguenins, Jehans diz Grans, Petiz Jehans et Woillemins dessus nommey, havons prié \32 et requis as saiges hommes et vaillans monsi Renal de Deile, chevalier, monsi Pierre, curie de Florimont, et monsi Hugue dit Busy, curie de Favreix, que il mettent lours seels \33 en ces presentes lettres; et nos, Renals, Pierres, Hugues, dessus nommey, a-la priere et a-la requeste de Huguenin dit de Boncourt, de Jehan dit Grant, de Petit Jehan et de Woillemin, \34 anfant de Huguenin de Boncourt, avons mis nos seels pandans en ces presentes lettres en signe de veriteiy. 25 Faites et donees l-an de graice corrant par mil troix cens trente \35 et douz, lou lundi aprés Saint Hylaire, ou moix de junvier.

Notes de transcription
^[1] Ainsi coupé: de douz.
^[2] Ainsi coupé: ne nirons.