Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe095

1329, 27 novembre.

Type de document: charte: vente

Objet: Vente par Jean de Rocourt, écuyer, fils de feu Pierre de Rocourt, chevalier, avec leconsentement, comme seigneur de fief, de son frère Renaudin de Rocourt, écuyer, qui s’enporte garant, à Jehannenet de Rocourt, écuyer, leur oncle, pour 63 l. d’estevenants desix hommes et d’une femme avec leurs mais, de la moitié du douaire de dame Clémence,leur mère, à Abbévillers, de sa part des prés de Machereveler et de tout ce qu’ilpossède à Abbévillers en hommes, en immeubles et en droits. Témoins: Jean de Trévillersdit Montagnon, écuyer, et Perrin de Blussans, bourgeois de Montbéliard. — Acte établi aunom de l’official de Besançon par Jean Gratier, de Montbéliard, notaire, et passé sousson sceau et sous celui du tabellion de Montbéliard.

Commentaire: Parchemin jadis scellé de deux sceaux sur double queue; il subsiste un fragment decelui du tabellion de Montbéliard. AAEB, B 239 Ajoie/127. — Analyse par J. Trouillat,Monuments…, III, p. 738-739.

Verso: De Jehan de Rocourt. — De Quelo et de son meix (xiv^e siècle).

1 Nos, officials de la court de Besençon, 2 façons savoir a touz 3 que, en la presence de Jehan de Montbeliart, clerc, notaire, jurie de \2 (de) la court de Besençon, nostre comandemant especial a cui nos havons commis et commattons nostre pouhoir quant es choses cy aprés escriptes et quant \3 a plus granz, estaubliz personalmant et pour ce especialmant venanz, Jehans de Rocourt, escuiers, filz çay en arriers monsi Pierre de \4 Rocourt, chevalier, qui fu, ai confessei en droit, par devant lou dit nostre comandemant, et recognu publiemant que il, ne decehuz ne controinz \5 ne baretez, mais de sai propre et franche voluntei, ai vendu et vent, baillie, quitie et delivrei en nom de veraie, plainne, pure et parfaite \6 vendiction, pour lui et pour ses hoirs, dou los et de l-auctoritei de Renaudin de Rocourt, escuier, son frere, present, louhent et auctorizant \7 comme sires de fye, a Jehannenat de Rocourt, escuier, oncle des diz freres Jehan et Renaudin de Rocourt, present, achetant \8 et recevent, pour lui et pour ses hoirs, en herietaige perpetuel; 4 Quelo, qui fu, de Rocourt, et son meix, qui fu a fil Besençon, les prez de \9 Machereveler que il ai donei a dit Quelo; 5 Perrin, fil a Boleron, et son meix; 6 la femme a fil Berthin et son meix; 7 Vernier, fil de \10 Baudat, et son meix; 8 Amiat et Truchat, son frere; 9 Jehannenat, frere a Valerant, de Aubeveler, lour, lour meix, lour tenemanz; 10 la moitie \11 entieremant dou douhaire de dame Clemance, sai mere et mere dou dit Renaudin, que il, Jehans, ai parti a dit Renaudin, \12 son frere, en la vile et ou finaige de Aubeveler; 11 la sue partie des prez de Machereveler, et generalmant quant que il, Jehans, hai, \13 puet ou doit havoir en la vile et ou finaige de Aubeveler en homes, tailles, prises, en bois, en champs, en prez, en maisons, \14 en cheisals, en vergiers, en cultils, en four, en molin, en desmes, en rentes, en censes, en amandes grosses et menues, en \15 corvees, en cherroiz, en mandemanz, en comandemanz, en justise aulte et balse, en soignerie directe et utile, et en toutes \16 autres choses quels que elles soient et comant que elles soient appelees, lou tout senz riens retenir en la vile ne ou finai\17ge dou dit Aubeveler, saulf ce de Machereveler, fuers que les prez de Machereveler, li quel prey sont en ceste ven\18due avoc les dessus dites choses de Aubeveler et dou finaige, ensi cum dessus est dit, 12 lou tout pour sexante trois livres de \19 bons estevenans que li diz Jehans de Rocourt ai haüz et recehuz dou dit Jehannenat, son oncle, en bone monoie bien num \20bree, mise, tornee et convertie dou tout en son evident profit, si que il s-en est tenuz et tient pour bien paiez entieremant, ensi comme \21 il lou ai recognu publiemant par-devant lou dit nostre comandemant. 13 Et s-est desvestuz et desvest li diz Jehans de Rocourt, dou \22 los et de l-auctoritei que dessus, pour lui et pour ses hoirs, des dessus dites choses toutes et de une-chascunne d-icelles, et lou dit Jehannenat, son \23 oncle, en hai envesti et envest, mis et mat en possession corporal, ou aussi par ces presentes lettres, pour lui et pour ses hoirs. 14 Et ai promis \24 et promat li diz Jehans, dou los et de l-auctoritei que dessus, par son soiremant donei corporalmant pour lui et pour ses hoirs, sollennel stipulation en\25trevenant, et sus l-obligation de touz ses biens moubles et non moubles, presenz et a-venir, tenir et garder fermemant a dit Jehanne\26nat, son oncle, et a ses hoirs, ceste dite vendue, garantir et appaisier adés, en touz lues, en jugemant et deffuers, contre \27 touz, senz gemais venir encontre par lui ne par autru, et senz consentir que autres i-voingne, en apert ou en rescondut. 15 Et ai promis et promat \28 li diz Jehans de Rocourt, pour lui et pour ses hoirs, desoz l-obligation que dessus, rendre et restorer a dit Jehannenat, son oncle, et a \29 ses hoirs, touz les domaiges, costes, missions, despens et interest que lour avenront ou que il feront, encorront ou sustenront pour \30 deffaut de la varentie des dessus dites choses nom portee contre touz, adés et en touz lues, ensi cum dessus est dit; des quels do\31maiges, costes, missions, despens et interest, li diz Jehannenaz ou sui hoir doivent estre cru par lour simple soiremant senz autre \32 prueve, senz taxation de juge et senz strepit et figure de jugemant. 16 Et pour plus grant seurtei faire a dit Jehannenat de \33 Rocourt et a ses hoirs de toutes les choses dessus escriptes et de une-chascunne d-icelles, li dessus dit Renaudins de Rocourt, \34 a la proiere et a la requeste dou dessus dit Jehan, son frere, et pour lui, se est mis, faiz et estaubliz plaiges et principals renderres, \35 pour lui et pour ses hoirs, comme sires de fye, en la main dou dit Jehannenat, son oncle, et de ses hoirs, de la varentie porter \36 a dit Jehannenat, son oncle, et a ses hoirs, de toutes les choses dessus escriptes et de une chascunne d-icelles, adés, en touz \37 lues et contre touz, et des diz domaiges, costes, missions, despens et interest que avenroient a dit Jehannenat, son oncle, ou a ses hoirs, \38 pour deffaut de la dite varentie; en tel maniere que, toutes les foiz que li diz Jehannenaz de Rocourt vourai, il ou sui \39 hoir (il ou sui hoir) pouhent aler de plain a la main dou chief seignour de cui li diz Renaudins tient et porte lou \40 fye, pour lou dit Jehan, son frere, et pour lui, Renaudin, des dessus dites choses, pour tenir dou chief seignour toutes foiz que a dit \41 Jehannenat de Rocourt ou a ses hoirs plairai. 17 Et pour toutes les choses dessus escriptes et une-chascunne d-icelles tenir et garder \42 fermemant a dit Jehannenat et a ses hoirs, li dit frere, Jehans et Renaudins de Rocourt, ont obligie et obligent, pour lour et pour lour \43 hoirs, en lai main dou dit Jehannenat, lour oncle, pour lui et pour ses hoirs, touz lour biens moubles et non moubles, presenz et a-venir, pour \44 panre en touz lues, en condut, en franchise et deffuers, senz accoison, pour usaigier et pour vendre ycels a lour voluntei, en toutes courz, \45 soit ecclesiaste ou seculere que melz lour plairai; 18 en lour et lour hoirs submattent quant a ce a la juridiction de lai ^[1]-court de \46 Besençon, pour lour et lour hoirs controindre ou faire controindre, par sentance d-excommeniemant et par la caption de lour biens, a l-observati\47on de toutes les choses dessus escriptes, non obstant aucunne exception de fait ou de droit. 19 En tesmoingnaige de la quel \48 chose, a la relation dou dit nostre comandemant, nos, officials dessus diz, avons mis lou seal de la court de Besençon avoc \49 lou seal dou tabellion de Montbeliart, dou quel seal on use a Montbeliart, en ces presentes lettres; et nos, Jehans et Re\50naudins de Rocourt, frere dessus dit, qui confessons toutes les choses dessus escriptes estre veraies, avons requis et fait mattre \51 lou dit seal dou tabellion de Montbeliart, a la juridiction dou quel Montbeliart et de toutes autres courz nos submat\52tons nos et nos hoirs quant a ce, ensemble lou seal de la dite court de Besençon, en signe de vartei, en ces presentes \53 lettres. 20 Faites et donees, presenz Jehan de Treveler, dit Montaignon, escuier, et Perrin de Blucens, bourjois de Montbeliart, \54 vint-sept jours en novembre, l-an mil trois cenz vint nuef.
21 Jo. Gratier.

Notes de transcription
^[1] lourcorrigé en lai, sans que rsoit biffé.