Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe060

1325, 15 avril

Type de document: charte: reconnaissance de rente

Objet: Reconnaissance par Jean de Pleujouse, écuyer, prévôt de Porrentruy, et par Anne, sa femme, en présence de son avoué, Horri, chevalier, avoué de Porrentruy, envers l’abbé et le couvent de Bellelay d’une rente de 30 s. d’estevenants ou de petits tournois, payable le jour de la Saint-André, apôtre, et assignée sur leur maison de pierre à Porrentruy par Jean, doyen d’Ajoie, ancien propriétaire, selon un acte de fondation d’anniversaire daté du 18 avril 1311 que les reconnaissants confirment et duquel l’abbé et le couvent de Bellelay pourront se prévaloir pour saisir l’immeuble en cas de défaut de paiement de la rente.

Auteur: Jean de Pleujouse, écuyer, prévôt de Porrentruy, et Anne, sa femme.

Sceau: Jean de Pleujouse et Horri, chevalier, avoué de Porrentruy.

Bénéficiaire: Abbé et le couvent de Bellelay

Autres Acteurs: Horri, chevalier, avoué de Porrentruy, avoué de Jean.

Support: Parchemin scellé de deux sceaux sur double queue; sur l’attache du premier on lit: « nous desfandrons et gu[arantirons]… »; sur celle du second: « dites convenances tenrons pour nos et… ».

Lieu de conservation: AAEB, Chartes.

Édition antérieure: Analyse par J. Trouillat, Monuments…, III, p. 720.

1 Je, Jehans, escuiers, de Plujouse, prevost en ce temps de Pourraintruy, et je, dame Anne, femme dou dit Jehan, escuier, 2 façons savoir ai touz 3 que nos recoignesçons \2 et tesmoignons par ces presentes lettres quar religiouses persones et discretes, li abbés et convens de Bellelee, de-l ordre de Premonstrey et de lai dyocise de Balle, doient \3 havoir et hont trente solz d-estevenans ou de petiz tornoys de rente, ai touz jours-maix, suiz nostre maisson de pierre que nos havons en lai ville de Pourraintruy, li quele \4 dite maisson giet entre lai maisson que fuit Perrin dit Bone Prune d-une part et li maisson Maichelin giet d-autre part. 4 Les quelz diz trente solz d-estevenans de rente \5 sunt esté doné et assigney as diz religiouz en nom de anniversaire par mon sy Jehan, ce en arriers daien de Ajoye, cui li dite maisson fuit jaydiz. 5 Et devons nos \6 et nostre hoir paier ai touz jours-maix lou dit anniversaire, chescun an ai chescune feste de lai saint Andrey apostre, as diz abbé et convent, senz faillir; et si \7 nos desfailliens de paier lou dit anniversaire a dit terme, nos volons et outtroions, pour nos et pour nostres hoirs, que li dite nostre maisson ensamble ^[1] les appendises dou dit \8 luec soit as diz religious, ai lour marci et ai lour volenté, et que il puissent usaigier dez lettres que li diz mes sy Jehans, daiens que fuit de Ajoye, hay doné as \9 diz religiouz dou dit anniversaire, les queles lettres sunt saellees dou seel a dit mon sy Jehan et dou commun seel es bourjoys de Pourraintruy, les queles lettres furent \10 faictes le huyttave de Pasquex, l-an de grace courrant par mil trois cens et onze; les queles dites lettres nos approvons, confirmons et ratefions, pour nos et pour nos \11 hoirs, dou tout en lai meniere que elles sunt faictes et saellees, senz aler encontre ^[2] pour nesun ^[3] caux. 6 Et ces dites convenances havons nos promis et promettons, par nos lealz soi\12remens, ai tenir, pour nos et pour nostres hoirs, en lai presence de noble chevalier, mon sire Holri, vouhé de Pourraintruy, vouhé de moy, dame Anne dessus nommee, par cui main \13 et auctorité j-ay fait et outtroiie les dites convenances. 7 En tesmoignaige de lai quele chose, je, li devant nommés Jehans, prevost de Pourraintruy, escuiers, et je, Holris vou\14hez de Pourraintruy, chevaliers, vouhez ai lai dite dame Anne, par cui loz et auctorité les dites convenances sunt esté faites, havons mis nos seelz en ces presentes lettres, par lou loz et lai \15 requeste de lai dite dame Anne, en signe de verité. 8 Faites et donees lou lundi aprés le huyttave de Pasquex, l-an de grace courrant par mil trois cens et vint \16 et cint.

Notes de transcription
^[1] Ainsi coupé: en samble.
^[2] Ainsi coupé: en contre.
^[3] Ainsi coupé: nes un.