Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe055

1324 (n. st.), 9 mars.

Type de document: charte: vente

Objet: Vente devant la justice publique par Thibaut, écuyer, fils de feu Humbert de Réchésy, chevalier, avec le consentement de ses enfants Guetart, Othenet, Marguerite et Agnès ainsi qu’avec celui d’Huguenin de Buix, écuyer, leur avoué, à Pierre, abbé, et au couvent de Bellelay, pour 46 l. de bâlois ayant cours au marché de Porrentruy de tout ce qu’il possède en bois, en prés, en champs, en chesaux, en courtils, en dîmes, en rentes et en cens à Boncourt et à Joncherey, à l’exception de dix-huit journaux de terre tenus en fief à Boncourt.

Auteur: Thibaut, écuyer, fils de feu Humbert de Réchésy, chevalier.

Sceau: Thibaut, Pierre, curé de Florimont, et Richart, curé de Courcelles.

Bénéficiaire: Pierre, abbé, et couvent de Bellelay.

Autres Acteurs: Guetart, Othenet, Marguerite et Agnès, enfants de Thibaut, Huguenin de Buix, écuyer, leur avoué.

Support: Parchemin jadis scellé de trois sceaux sur double queue. Sur l’attache du deuxième on lit: « Je, Jehanatte, fille ça en arriers Bourquin dit la Guille, que fuit mayre de Po[rrentruy], fais savoir… » et sur celle du troisième: « … fais savoir ai touz que je pour mon grant profit evidant et par les… ».

Lieu de conservation: AAEB, B 133/18.

Édition antérieure: Analyse par J. Trouillat, Monuments…, III, p. 715 (à la date du 25 février 1323).

Verso: Buncort (xiv^e siècle).

1 Je, Thiebaz, escuiers, filz ça en arriers mon sire Humber, chevalier, que fuit, de Racheysi, 2 fais savoir ai touz 3 que je, pour mon grant profit evidant, non pez deceuz ne menés par force \2 ne par barait, mais saiges et en bone memoire, et par lez loz et lez bones volentés de Guetart, Othenat, Marguerite et Angnel, mes amfans, et par lou loz et l-auctorité \3 de Huguenin de Boys, escuier, vouhé ai mes diz amfans, ai vendui et vendoy, a miex que on puet faire vendition et pluis fermement entendre, senz gemaix rappeller, 4 ay \4 religiouses persones, mon signour Pierre, par lai pacience de Deu abbé de Ballelee, et a covent dou dit luec, de-l ordre de Premostrey, pour quarente et siex livres \5 de baloys, menoie coursable ou marchie de Porraintruy, quant que je hay, doy et puiz havoir de-terre, communement ou deviseement, es villes et es finaiges de Boncourt et de \6 Joncherey, en boys, en prez, en champs, en chessalz, en cultilz, en desmes, en renterres, en censes, toute raison, toute action real, personal et mixte, toute recla\7mation universal et particulaire, lou tout senz riens retenir fors soulement les choses ci aprés devisees, que sunt de fye, que je exceptoy et mat fors de lai dite vendition: 5 premierement, une \8 place de quaittre jornalz, geisant ai lai Fontainne d-Esteybe, li terre Loviat de Cuve, escuier, est d-une part et li hoir Jehan, escuier, de Boncourt, hont d-autre part; 6 item \9 (item), derriers Chasteillon, hun jornal, entre lai terre a dit Loviat et les hoirs a dit Jehan d-autre part; 7 item, en Haute Rive, douz jornalz, entre lou dit Loviat et lez hoirs a dit \10 Jehan; 8 item, es Creys, dessus lou molin mon sy Girart, qui fuit, hun jornal, li diz Loviaz hay d-une part et li hoir a dit Jehan hont d-autre part. 9 Les quelez quarante et siex livres \11 dessus dites, je, li diz Thyebalz, escuiers, ay haüez et receuez dou dit abbé et dou dit covent de Ballelee en bone menoie bien nombree et de lour propre chattel, et \12 mises les ay en mon profit, si que je m-en tien pour bien paiez entierement. 10 De lai quel terre devant devisee, sal que dez diz huyt jornalz de terre gisant ou territoire de Bon\13court, que sunt de fye, je me suiz desvestis et me desvest, pour moy et pour mes hoirs, et si m-en suiz mis et mat fors de tenure et fors de possession, et les diz religious en \14 havons envesti et envestons, je, li diz Thyebaulz, pour moy et pour mes hoirs, et si lez en ay mis et mat en bone tenure et leal et en bone possession pour touz jours-maix par \15 ces presentes lettres. 11 Et si ay promis et promat, par mon soirement doné corporalment suiz sainctes ewangeles touchiez, que je encontre ces convenances ne contre ceste dite ven\16dition nen iray ^[1] ne ne feray ai aler par moy ne par autruy, coiement ne en apert, maix lai tenray, aipaisseray, desfandray et guarantiray, pour moy et pour mes hoirs, ai touz jours\17maix, a dit abbé et a convent dessus dit, en touz luez, en toutes cours, en touz jugemens et defors, encontre toutes gens, ai mes propres despens et missions, non obstant \18 aucune exception de fait ou de droit. 12 Et nos, li devant nommé Guetars, Otthenaz, Marguerite et Angnel, amfans dou dit Thiebal, havons louhé, confars et ratefié lai \19 dite vendition et l-avons quitté pour touz jours-maix, par lai main dou dit Huguenin de Boys, nostre leal vouhé, as diz religious. 13 Et toutes ces convenances et une chescune d-icel\20les nos, li dit Thiebalz, escuiers, Guettars, Otthenaz, Marguerete et Angnel, sui amfant, et je, li diz Huguenins de Boys, escuiers, lour vouhez, havons nos fait et les tesmoig\21nons estre faites par devant une justisce overte pour ce seant en lai meniere que drois et lealz jugemens rapourtay que puet et duet valoir as diz religiouz ai touz jours-maix. 14 \22 En tesmoignaige de lai quele chose, je, li diz Thyebaulz, escuiers, par les loz et les proieres de mes diz amfans et de Huguenin, escuier, lour vouhé, ai mis mon propre seel \23 en ces presentes lettres; et si havons proiie et requis nos, li devant nommé Thyebalz, Guetars, Otthenaz, Marguerite et Angnel, sui amfant, et je, Huguenins, lour \24 vouhés, as saiges persones et vaillans, mon sy Pierre, curé de Florimont, et mon sy Richart, curé de Corcelles, que il y mettent lour seelz; et nos, li devant nommé \25 Pierres et Richars, curé dessus diz, es proiieres et es requestes dez persones dessus dites, havons mis nos seelz en ces presentes lettres en signe de verité, an\26samble lou seel a dit Thyebal. 15 Faites et donees lou vanredi prochain aprés les Bordes, l-an de grace courrant par mil trois cens et vint et trois.

Notes de transcription
^[1] Ainsi coupé: ne niray.