Téléchargement du document

Documents linguistiques galloromans
Corpus : DocFrib (chFrib)
Responsable du corpus : Lorraine Fuhrer
Édition de la charte : Lorraine Fuhrer

docFrib002

1293, 23 avril (Saint-Georges)

Type de document: charte: traité de paix

Objet: Traité de paix entre Jean d’Aarberg, seigneur de Valangin, Ulric d’Aarberg, Thierry d’Aarberg, ses frères, d’une part, et l’avoyer, le conseil et la commune de Fribourg, d’autre part, par le truchement de Guillaume de Champvent, évêque de Lausanne, et Jean I^er de Chalon-Arlay. À la demande des arbitres, Jean, Ulric et Thierry libèrent Fribourg de toutes ses plaintes et promettent de lui rendre tous les biens qu’ils lui ont pris. Jean promet de s’amender des méfaits qu’il a accomplis envers Louis de Savoie. Ils promettent aussi de ne pas venir à l’encontre de cette paix, sauf si leur frère Guillaume serait en guerre, auquel cas, ils le suivront. Jean I^er de Chalon-Arlay est établi garant de cette paix et s’amendera pour les trois frères s’ils viennent à l’encontre de celle-ci. Chacune des parties promet de tenir cette paix en se soumettant à la juridiction de l’évêque de Lausanne.

Auteur: Jean d’Aarberg, seigneur de Valangin, Ulric d’Aarberg, Thierry d’Aarberg, l’avoyer, le conseil et la commune de Fribourg

Disposant: Jean d’Aarberg, seigneur de Valangin, Ulric d’Aarberg, Thierry d’Aarberg, l’avoyer, le conseil et la commune de Fribourg

Sceau: Jean d’Aarberg, seigneur de Valangin, restauré^[a]

Bénéficiaire: Jean d’Aarberg, seigneur de Valangin, Ulric d’Aarberg, Thierry d’Aarberg, l’avoyer, le conseil et la commune de Fribourg

Autres Acteurs: Guillaume de Champvent, évêque de Lausanne, et Jean I^er de Chalon-Arlay, arbitres; Guillaume de Neuchâtel-Aarberg, frère de Jean, Ulric et Thierry; Louis de Savoie

Support: Original sur parchemin aplati et froissé, 33 x 27,5 cm, scellé sur double queue de parchemin

Lieu de conservation: Archives de l’État de Fribourg, Traités et contrats 142

Édition antérieure: RD 1, n° 54, p. 155-158. Édition dactylographiée, préparée pour publication par Catherine Agustoni, Chantal Ammann-Doubliez, Nicolas Barras dans le cadre du projet du Fonds national suisse de la recherche scientifique Documents linguistiques de la Suisse romande, vol. II : Fribourg (XIVe-XVe s.), responsables scientifiques : Ernest Schüle, Nicolas Morard, 1981-1985, et dans celui des Sources du droit du canton de Fribourg, 1989-1998.

1 Nos,.. Jehans d’Arbert, sires de Valangins, Houdrious et Thierris, freres, et nos, li advoiers, li conseil et la communaté de Friborc \2 en Estellande, 2 façons savoir à tout ceux qui verront ces presentes letres 3 que, cum descors fust entre nos sus mult de quereles et de \3 discordes que nos havions entre nos li uns à l’autre, per achaison des quex discordes guerre estoit entre nos, 4 en la fin la dicte guerre ha esté \4 acordee et apaisie per honorable pere en Jesucrist, Guillame, per la grace de Dieu evesque de Losanne, et per noble baron mon seignour Jehan de Chalon, \5 seignour d’Arlay, en la forme qui s’ensuit, 5 c’est à savoir que nos, li diz Jehans, Houdrious et Thierris, freres, havons quité et quitons à dit \6 advoier, conseil et communaté de Friborc totes les actions, quereles et chalonges que nos havions ou poions havoir contre les dit advoier, \7 conseil et communaté de Friborc tant-que à jor que ces letres furent faites. 6 Et lour havons rendu lour choses que nos tenions, c’est à savoir Ni\8cholet de Raferswile que nos tenions pris lui et ses choses; et des autres choses qu’il disoient que nos havions pris dou lour en tree et \9 fuer de tree sus chemin. 7 Nos havons promis et prometons per nostre seiremant doné que nos lour rendrons et restorerons à la volunté à dit \10 et à devisemant dou devant dit noble baron mon seignour Jehan de Chalon, seignour d’Arlay, exceptez les feux mis. 8 Item, des trossiaux \11 et autres choses qui estoient es borjois de Friborc que nos havions pris que li prevoz de Nuef_chastel nos havoient rescox, nos en quitons le devant \12 dit prevost et ses gent. 9 Item, de ce que je, li diz Jehans, pris à chemin sus le conduit mon seignour Loys de Savoie, de ce que je en hai mespris vers \13 lui, j'ai promis que je, à devant dit mon seignour Loys, l’injure amenderai et vers lui m’en contindrai à dit, à la volunté et à l’esgart mon seignor \14 Jehan de Chalon, seignour d’Arlay desus nommez. 10 Et havons promis et prometons per nostre seiremant doné sus saint evangile que nos es dit advoier, \15 conseil et communaté de Friborc pais ^[1], amour et amistié tenrons à lour. 11 Et est mis en covent avec les autres choses que nos, por nos ne por au\16trui, ne poons ne devons havoir guerre contre lour ne lour tenir domaiges. 12 Et ne farons ne porchacerons que autres lour tiegne domaiges \17 per raison des quereles que nos havions à lour tant-que à jor que ces letres furent faites, se ensi non estoit que Guillames, nostre freres, haust guer\18re contre lour à cui nos poons aidier sanz mesprendre de nostre cors et de nostre gent, lai soulemant ou li cors dou-dit Guillame seroit. 13 Et se ensi \19 est qu’il face pais, nos sumes en la pais, et s’il ha trees, nos sumes en la tree. Et tote voie nos les devons deffier ainçois que nos lour tenons domaige \20 avec nostre frere Guillame et en nostre nom ne per nos ne lour poons ne devons mesfaire per raison des dictes quereles. 14 Et ces choses desus dictes nos havons \21 promis per nostre seiremant doné sus saint evangile et sus l’obligemant de tot noz biens tenir por nos et por touz noz aidant. 15 Et por plus grant \22 seurté de ces choses tenir et garder nos havons mis en plaige en la main des dit advoier, conseil et communaté de Friborc le noble baron mon seignor \23 Jehan de Chalon, seignour d’Arlay; et nos, li diz Jehans de Chalon, sires d’Arlay, à la requeste des dit Jehan d’Arbert, Houdriou et Thierri, freres, \24 nos sumes establiz plages en la main des dit advoier, conseil et communaté de Friborc de tenir et garder des dit freres les choses desus dictes, \25 prometanz à lour loiament et en bone foy que se per ce que li diz Jehans, sui freres et lour aidanz ne hauroient tenue la dicte pais lour venoit \26 maux ne domaiges, nos les domaiges lour amenderons et les en croirons per lour seiremant sanz autre prove. 16 Et nos, li diz advoiers, \27 conseilz et communaté de Friborc havons promis per nostre seiremant doné, nos, li diz advoiers et conseilz por ^[2] nos et ou nom de la dicte commu\28naté tenir la dicte pais et amistié à dit Jehan et à ses freres Houdriou et Tierri desus ditz sanz venir encontre per nos ne per autrui; et que \29 nos ne farons chose per quoi la dicte pais soit corrumpue en lenavant ^[3]. 17 Et nos les dictes parties havons promis per noz sairemant doné et per sti\30pulation sollempnel li uns à l’autre tenir et garder ces covenances desus dictes sanz venir encontre per nos ne per autrui. 18 Et por garder \31 les dictes covenances, nos nos sumes sozmis à la juridicion de l’onorable pere en Jesucrist Guillame, per la grace de Dieu evesque de Losanne \32 que il nos contreigne à garder les per sentence d’escomeniemant en nostres persones et d’entredit en nostre terre. 19 En tesmoignaige de la-quel \33 chose, nos, li diz Jehans d’Arbert, sires de Valangin, li advoiers, conseilz et communaté de Friborc havons mis nostres seaux en ces presentes \34 letres et havons requis nos, li diz Jehans, Houdrious et Thierris, freres, li advoiers, conseilz et communaté de Friborc le devant dit honora\35ble pere en Jesucrist Guillame, per la grace de Dieu avesque de Losanne, et le noble baron mon seignour Jehan de Chalon, seignour d’Arlay, \36 dessus nommez qu’il metent lour seaux en ces letres; et nos li diz Guillames, per la grace de Dieu evesques de Losanne, et Jehans de Cha\37lon, sires d’Arlay, à la requeste des dit Jeham, Houdriou et Thierri, freres, le advoier, conseil et communaté de Friborc, havons mis nostres \38 seax pendant en ces presentes letres avec le seal dou dit Jehan et le seal des dit advoier, conseil et communaté de Friborc en tesmoig\39naige. 20 Faites et donees ou mois d’avril le jor de la feste Saint George, l’am Nostre Seignour mil doux cent nonante et trois.

Notes de fiche
^[a] La corroboration signale aussi la présence des sceaux de la ville de Fribourg, de Guillaume, évêque de Lausanne, et de Jean I^er de Chalon-Arlay. Or, le parchemin ne porte qu’une seule languette et qu’un seul sceau. Le document a, semble-t-il, été restauré. Cette restauration a pu combler les fentes à travers lesquelles passaient les languettes que nous pouvons deviner sur le replis du document.

Notes de transcription
^[1] Le scribe semble avoir effectué une correction.
^[2] Le manuscrit porte un ptaillé en plus de or.
^[3] Lecture douteuse.