Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe053

1324 (n. st.), 18 janvier.

Type de document: charte: vente

Objet: Vente par Catherine, fille de feu Henri dit Malegoule, bourgeois de Porrentruy, avec le consentement de son mari, Henriet, fils de Cuenin dit Savoir, de Glovelier, avec celui de leurs enfants: Jehannenet, Henriet, Perrenet, Jean, Bourcart, Damete et Jeannete, et autorisée par Vernet, ancien maire de Porrentruy, son avoué, à Girart de Boécourt, curé de Tavannes et chapelain de l’évêque de Bâle, pour 46 l. de bâlois ayant cours au marché de Porrentruy de sa maison de pierre à Porrentruy, avec le droit de ficher des poutres dans les murs des deux maisons voisines.

Auteur: Catherine, fille de feu Henri dit Malegoule, bourgeois de Porrentruy.

Sceau: Hugues, curé de Glovelier, Jean de Pleujouse, écuyer, prévôt de Porrentruy, et conseil de Porrentruy.

Bénéficiaire: Girart de Boécourt, curé de Tavannes et chapelain de l’évêque de Bâle.

Autres Acteurs: Henriet, fils de Cuenin dit Savoir, de Glovelier, mari de Catherine, Jehannenet, Henriet, Perrenet, Jean, Bourcart, Damete et Jeannete, leurs enfants, Vernet, ancien maire de Porrentruy, avoué de Catherine.

Support: Parchemin jadis scellé de trois sceaux sur double queue; il subsiste ceux de Jean de Pleujouse, prévôt de Porrentruy, et du conseil de Porrentruy.

Lieu de conservation: AAEB, Chartes.

Édition antérieure: Analyse dans J. Trouillat, Monuments…, V, p. 688 (à la date de janvier 1323).

1 Je, Katherine, fille ça en arriers Henri dit Malegoule, que fuit bourjoys de Pourraintruy, 2 fais savoir a touz 3 que je, non pez decehue, losengie ne contraincte d-aucun, maix saige et bien avi\2see, et pour lou profit et lou succurrement de moy et de mes hoirs, et par les loz et les bones volentés de Henriat, fil Cuenin dit Savoir, de Lovelier, mon mari espousé, et de Jehannenat, \3 Henriat, Perrenat, Jehan, Bourquart, Damette et Jehannette, amfans de moy et de Henriat, mon dit mari, et par lou loz et l-auctorité de Wernat, mayre ça en arriers de Porraintruy, \4 vouhé de moy, Katherine dessus dite, doné par justisce overte pour ce seant et par leal jugement, ay vendu et vendoy, pour moy et pour mes hoirs, pour touz jours-maix, a miex que on pu\5et faire vendicion et pluis fermement entendre, senz gemaix rappeller, 4 ai mon sy Girart de Bouescourt, curé de Thasvennes, chappellein en ce temps mon signour le evesque de Bal\6le, et ai ses hoirs, pour quarente et siex livres de baloys, menoie coursable ou marchie de Pourraintruy, mai maisson de pierre que je hay en la ville de Pourraintruy, que giet \7 a luec entre lai maisson es hoirs Loviat, de Saint Ursanne, d-une part et li maissons Jehan dit Courtat giet d-autre part, et les appertenances et appendisses de la dite maisson, \8 c-est ai entendre quar li diz mes sy Girars ou sui hoir doivent et puent entraver, se il vuelent, senz fraude et senz barait es murs dez dites maissons, c-est ai savoir de la maisson \9 es hoirs a dit Loviat et de lai maisson a dit Jehan dit Courtat, se mestier lour estoit, senz nuen about. 5 Les queles dites quarente et siex livres de baloys dessus dites je, li \10 dite Katherine, ay haüez et recehuez dou dit mon sy Girart en bone menoie bien nombree et de son propre chattel, et mises et tornees les ay en mon profit evidant, si que je m-en tien \11 pour bien paiez entierement. 6 De la quele dite maisson et des appertenances et appendises dou dit luec je, li dite Katherine, et je, li diz Henriez, ses maris, nos sumes desvesti et nos des\12vestons, et si nos en sumes mis et mettons fors de tenure et fors de possession, et lou devant dit mon sy Girart et ses hoirs en havons envesti et envestons, et si les en havons mis \13 et mettons en bone tenure et leal et en bone possession pour touz jours-maix par lai tradition de ces presentes lettres. 7 Et si havons promis et promettons, par nos soiremens donés corporalment \14 suiz sainctes ewangeles touchiez et aprés suiz l-obligacion de touz nos biens moubles et neant moubles, presens et a-venir, ou que il soient ou puissent estre trové, en frans\15chisse ou defors, que nos encontre ces convenances ne contre ceste dite vendition nen irons ^[1] ne ne ferons ai aler par nos ne par autruy, coiement ne en apert, maix lai tenrons, aipaisserons, \16 desfandrons et guarantirons, uns chescuns de nos dou tout, fermement, pour nos et pour nostres hoirs, a dit mon sy Girart et ai ses hoirs, en touz luez et aidez, en toutes cours, en touz \17 jugemens et defors, encontre toutes gens, ai nos propres despens et missions. 8 Et havons renoncie et renonçons en cest nostre fait ai toute exception de mal, de barait, de fraude, de lesion, \18 de circonvention, de deception outre lai moittie ou lai tierce pertie dou juste pris et ai toutes exceptions de fait ou de droit, espicialment a droit dissant renonciation neant \19 valoir se li espicialz ne vait devant. 9 En tesmoignaige de la quele chose, nos, li devant nommé Katherine, Henriez, ses maris, que havons fait les dites convenances, Jehannenez, Henriez, \20 Perrenaz, Jehans, Bourquars, Damette et Jehannette, amfans dez diz Katherine et Jehannenet, que havons louhé, outtroié, confers et ratefié lai dite vendition, et je, li diz Wer\21nas, bourjoys de Porraintruy, vouhez de la dite Katherine, par cui loz et auctorité li dite vendition est faicte, havons proiie et requis, tuit ensamble et chescuns par soy, as saiges et vail\22lans mon sire Hugue, curé de Lovelier, Jehan de Plujouse, escuier, prevost de Porraintruy, et a conseil dez bourjoys de Pourraintruy que mettent lour seelz en ces pre\23sentes lettres; et nos, Hugues, curés de Lovelier, Jehans, escuiers, prevost de Pourraintruy, et li conselz dez bourjoys de Pourraintruy, es proiieres et es requestes dez \24 persones devant nommees, havons mis nos seelz en cez presentes lettres en signe de la pure verité. 10 Faictes et donees lou juedi prochain aprés feste saint Hylaire, \25 l-an de grace courrant par mil trois cens et vint et trois, ou moys de janvier.

Notes de transcription
^[1] Ainsi coupé: ne nirons.