Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe044

1321, 19 décembre.

Type de document: charte: promesse

Objet: Promesse par Jehannenet, fils de feu Jeannot, de Courgenay, et par Jehannenet, son cousin, fils de Roulet, de Courgenay, frère dudit feu Jeannot, de payer avant la Saint-Martin à venir 150 l. de monnaie ayant cours au marché de Porrentruy à leur oncle Hugues, curé de Chevenez, frère de feu Perrenet dit Cheignart, de Saint-Ursanne, et, par la main de Jeannin dit Varrillon, à Jeannin et à Bourquin, frères, fils dudit feu Perrenet dit Cheignart, cela en lieu et place, premièrement, de 10 l. de rente annuelle à assigner sur des terres sises dans un rayon de deux lieues autour de Saint-Ursanne et destinée à un chapelain chargé de chanter une messe pour le repos de l’âme dudit Perrenet, et, secondement, de 50 l. qu’ils devaient assigner et délivrer jusqu’au 29 septembre précédent pour la composition du meurtre dudit Perrenet dont ils étaient tenus coupables; et désignation comme cautions du paiement des 150 l. de onze nobles hommes: Conrad de Neuenstein, Pierre de Rocourt, Richart dit Vaydrel, chevaliers, Vaceillat de Morimont, Jehannenet de Rocourt, Jean de Pleujouse, prévôt de Porrentruy, Évrart de Vendlincourt, Richart d’Asuel, Jean Machelaire, demeurant à Porrentruy, Perrin de Vendlincourt, et Girart de Fregiécourt, écuyers, qui s’engagent à séjourner à leurs propres frais comme otages chez des hôtes publics à Delémont dès le lendemain de la Saint-Martin, s’ils en sont requis quinze jours auparavant par Hugues, curé de Chevenez, ou par Jeannin dit Varrillon, et dans les huit jours, s’ils en sont requis après la Saint-Martin, et qui s’engagent aussi, chacun pour le tout, à délivrer des gages de paix à Delémont un mois après en avoir été requis et avoir résidé chez les hôtes; en cas d’empêchement personnel, chacun des otages pourra se faire remplacer par un gentilhomme.

Auteur: Jehannenet, fils de feu Jeannot, de Courgenay, et Jehannenet, son cousin, fils de Roulet, de Courgenay, frère dudit feu Jeannot

Sceau: Conrad de Neuenstein, Pierre de Rocourt, Richart dit Vaydrel, chevaliers, Vaceillat de Morimont, Jehannenet de Rocourt, Jean de Pleujouse, prévôt de Porrentruy, Évrart de Vendlincourt, Richart d’Asuel, Jean Machelaire, demeurant à Porrentruy, Perrin de Vendlincourt, Girart de Fregiécourt, écuyers, Girart, curé de Tavannes et chapelain de l’évêque de Bâle, et conseil de Porrentruy.

Bénéficiaire: Hugues, curé de Chevenez, frère de feu Perrenet dit Cheignart, de Saint-Ursanne.

Autres Acteurs: Jeannin dit Varrillon, Jeannin et Bourquin, frères, fils dudit feu Perrenet dit Cheignart.

Support: Parchemin sans trace de scellement.

Lieu de conservation: AAEB, Chartes.

Édition antérieure: Analyse par J. Trouillat, Monuments…, III, p. 711.

1 Nos, Jehannenez, filz çay en arrienes Jehannolt, de Corgener, et Jehannenez, filz Roulat, de Corgeney, qui fu, freres au-dit Jehannolt, 2 façons savoir a touz 3 que, comme nos deussiens dix livres de rente, monoie corsable en playn marchie de Porreyntru, \2 chescun an, assigner et assoir sus terre dedans doues lues deviron Saint Ursenne, par ensi comme bones gens verrient que deust soffire, sans fraude et sans barat, perpetuelment, la quele assise nos deviens fere a Jehanin et a Borquin, freres, anfant çay \3 en arriers Perrenet dit Chigner, de Saint Ursenne, qui fu, et a-monsi Huge, curey de Cheveney, lor oncle, qui fu freres au dit Perrenet, por rayson de la paix qui est estey fete entre nos et lor et lor amiz, et asit a-nos amis, de la mort au dit Perre\4net de que on nos tenoyt corpables et en estiens encusey, et pris en haviens estey, si que por la ditte paix et por le dit acort nos deviens assater les dittes dix livres de rente por un chapelayn que devoit chanter an un alter por l-ar\5me au dit Perrenet; le quel dit chapelayn, li dit frere Jehaninz et Borqui[n]z ou messi Huges, lor diz oncles, ou lor hoir, doivent mettre dou tout a lor volentey, et avuec tout ce, nos lor deviens payer et deslivrers cinquante livres de \6 la-monoie dessus dite. 4 Les queles diex livres de rente et les queles cinquante livres nos deviens assoir et deslivrer a lor a-la Saint Michiel prochaynnement passee devant la confection de ces lettres. 5 Et sus ce, comme nostre amy d-une part \7 et d-autre hayent traichie et ordiney, par le loz et l-acort de nos d-une part et d-autre, quar por les dites diex livres de rente et por les dites cinquante livres qui doyvent estre quites et anullee et ai [nos] hoirs por touz jors-mays, nos lor \8 havons promis et promettons, par nos seiremens donez corporelment, solempnel ^[1] stipulacion [entrevenant], de tenir, d-acomplir et de paraler ces convenences ci aprés devisees, c-est a savoir quar nos, li dit Jehannenez, filz Jehannolt, et Jehannenez, \9 filz Roulat, ses coysinz, havons promiz et promettons, par nos diz seremens, de payer et de deslivrer en la monoie dessus dite au dit mosi Huge et a Jehannin dit Varrillon, de Saint Ursenne, [en] nom des diz freres Jehannin et \10 Borquin, lor coysins, sept vins et diex livres por rayson des dites convenences. 6 La quele dite somme d-argent nos devons payer et deslivrer entierement es diz monsi Huge et a Jehannin dit Varrillon, en nom \11 que dessus, jusquez au terme de la Saint Martin d-yver prochaynnement ensegant le jor de-la confection de ces lettres; et si nos ne lor payens entierement le dit argent jusque au dit terme, nos le summes tenuz de \12 rendre et de restorer touz les domayges, costes et missions, despens et i[n]terest que il haurient ou encorrient por la deffaute dou payement de ceste debte; des quelz domayges, costes et missions, despens et i[n]terest, nos les devons \13 croyre par lor simple seirement sans autre pruve fere. 7 Et por ce qu-il soient plus segur de dites sept vins et diex livres et des dites convenences, nos lor en havons mis et mettons playges et debtors et rendors \14 principalz, chescun dou tout: mosi Cuerrert de Nuensteing, mosi Pierre de Roucort, mosi Richart Vedrey, chivaliers, Wisselat de Morimont, Jehannenet de Roucort, Jehan de Plugouse, prevost de Porreyntru, \15 Hevrart de Wandelincort, Richart d-Esuel, Jehan Machelayre, demorant a Porreintru, Perrin de Wandelincort et Girart de Fergiecort, escuyers; et-nos, li devant nommey Cuerrars de Nuensteing, Pier\16res de Roucort, Richar diz Vedrey, de Porreyntru, chivalier, Wisseillas de Morimont, Jehannenés de Roucort, Jehans de Plugouse, Hevrars de Wandelincort, Richar d-Esuel, Jeha[ns] Machelayres, Perrinz de Wande\17lincort et Girars de Fergiecort, escuyer, es proyeres et es requestes des diz Jehannenet, fil Jehannolt, et de Jehannenet, fil Roulat, son coysin, de Corgeney, nos summes [mis] et mettons et establisons playge, debtor \18 et rendor principal, chescuns de nos dou tout, por lor, es mayns des diz mosi Huge et Jehanin dit Varrillon, en nom que dessus, de la debte et des convenences dessus dites en tel forme que, se il n-estient payé dou \19 dit argent jusque au dit terme, nos havons promis et promettons, par nos seiremens wies corporelment et touchies sus saintes ewangeles, tuyt ensamble et chescuns par soy, que s-ensi estoit que nos fussiens requis \20 des diz mosi Huge et de Jehannin Varrillon ou de l-un de lor, en nom que dessus, ou de lor commendement, que porterient ces presentes lettres, dedans la quinzeine devant la feste saint Marthin d-yver dessus dite, \21 torneriens et tenriens lealx hostayges et Delemont le jor aprés la dite feste saint Martin d-yver, chies un oste overt, a nos propres despens et missions, sans autre respit ne dilacion; et si ainsit \22 estoyt que nos fussiens requis aprés la dite feste saint Martin, nos, huit jors aprés ce que nos hauriens estey requi, torneriens a Delemont es diz hostayges et les tenriens bien et lealment, sans nulle \23 fraude, a-nos propres missions et despens; et un moys aprés ce que nos hauriens estey requis et geu et demorey es diz hostayges, nos lor summes tenuz, chescu[n]s ^[2] de nos dou-tout, de baillier et de deslivrer \24 gayges de paix, a Delemont, portable et menables, des quelz il porrient havoir la debte et les convenences desus dites; et s-il avenoit chouse que li uns de nos ou plusor fussent occupey d-aucune, \25 il puent mettre por lor ou por luy es diz hostayges hun gentil homme, sans fraude et sans barat. Et si havons ausit promis et promettons, par nos diz seremens, tuyt ensamble et chescuns par-soy, \26 que nos ne porchasseriens par nos ne par autru ne ne ferons porchassier comment que ce soit la dilacion, le respitement ne l-enpaygement dou payement de ceste debte ne des dites convenences, \27 por nexhun ^[3] caux que ce soit ne puisse avenir çay en aprés. 8 En tesmoignayge de la quele chouse, nos, li dessus dit Pierres de Roucor, Richars Vaydrelz, chivalier, Wisseillaz de Morimont, \28 Jehannenez de Roucort, Jehans de Plugouse, privost de Porreintru, Hevrars de Wandelincort, Richars d-Esuel, escuyer, par les loz et les requestes des devant dis Jehannenet, fil Jehannolt, \29 que fut, Jehannenet, fil Roulat, de Corgeney, mosi Cuerrart de Nuensteing, chivalier, Jehan Machelayre, Perrin de Wandelincort et Girart de Fergiecort, escuyers, havons mis chescuns \30 de nos son propre seel en ces presentes lettres. Et por plus [grant] segertey havoir de ceste chouse, nos havons proyé et requis, tuyt ensamble et chescuns par soy, a sayges persone et vaillans, mosi \31 Girart, curey de Tasvennes et chapelayn monsi l-avesque de Balle, et a cosoil de la vile de Porreintru que il i mettent lor seelz; et nos, Girars, curés de Tasvennes, et li consoilz de la vile \32 de Porreintru, es proyeres et es requestes des diz Jehannenet, fil Jehannolt, Jehanenet, son coysin, que fu filz Roulat, de Corgeney, mosi Cuerrart de Nuensteing, chivalier, mosi Piere de Rou\33cort, mosi Richart Veydrel, chivaliers, Wissellat de Morimont, Jehannenet de Roucort, Jehan de Plugouse, privost de Porreintru, Hevrar de Wandelincort, Richart d-Esuel, Jehan \34 Machelayre, Perrin de Wandelincort et Girar de Fergiecort, escuyers, havons mis nos seelz en ces presentes lettres ensamble les seelz des saiges hommes et veillans \35 monsi Pierre de Roucort, monsi Richart Vaydreil, chivaliers, Wissellat de Morimont, Jehannenet de Roucort, Jehan de Plugouse, privost dessus dit, Hevrart de Wandelin\36cort et Richar d-Esuel, escuyers, en saigne de la pure veritey. 9 Faytes et donees lu sambadi aprés la feste sainte Lucie qu-est ou moys de decembre, l-an de grace corrant \37 par mil .CCC. et vint et hin.

Notes de transcription
^[1] Un ia été exponctué entre pet n.
^[2] Le signe d-abréviation manque.
^[3] Ainsi coupé: nex hun.