Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe042

1319, 4 mai.

Type de document: charte: engagère

Objet: Engagère par Gui de Vy, prieur de Miserez, avec le consentement de Jean, chanoine de Miserez, et de Vienel, convers, afin de décharger le prieuré de ses dettes envers Juifs, Lombards et autres créanciers, à Jehannenet de Rocourt, écuyer, moyennant 60 l. d’estevenants et de bons petits tournois, d’une rente de huit muids à la mesure de Porrentruy, moitié blé moitié avoine, assignée sur la dîme de Bressaucourt, payable à la Saint-Martin et à compléter, le cas échéant, sur les autres revenus du prieuré; le rachat de l’engagère pourra s’effectuer pour 60 l. d’estevenants ou de bons bâlois ayant cours en la ville de Bâle, et sans paiement de la rente de l’année en cours s’il intervient avant le premier dimanche de carême.

Auteur: Gui de Vy, prieur de Miserez.

Sceau: Gui de Vy, prieur de Miserez et évêque de Bâle.

Bénéficiaire: Jehannenet de Rocourt, écuyer.

Autres Acteurs: Jean, chanoine Miserez, et de Vienel, convers

Support: Parchemin jadis scellé de deux sceaux sur double queue; celui de Guy de Vy subsiste partiellement.

Lieu de conservation: AAEB, Chartes.

Édition antérieure: Analyse par J. Trouillat, Monuments…, III, p. 706 (à la date du 3 mai).

Verso: De Guy, priour de Miserey (xiv^e siècle).

1 Je, Guyz de Vy, priours de Miserey, de-l ordre saint Augustin, en la dyocise de Balle, 2 fais savoir a touz 3 que, comme li diz priourés et li maissons de Mi\2serey soit enpagie et chargie de plusours grans debtes que sunt en mains de juiz, de lombars et d-autres plusours gens, les queles sunt et tornent a pre\3judice et a domaige de moy et de la dite maisson un chescun jour, 4 per quoy je, considerant mettre convenable remede et deschargement es devant di\4tes debtes, espicialment pour lou profit evidant dou dit priouré et de touz les autres es quelz il appertient, et per les loz et les bones volentés de mon\5sy Jehan, chanoinne de la dite maisson de Miserey, et Vienel, convert dou dit luec, ay mis et met en gaige pour sexante livres d-estevenans et de bons petiz \6 tornoys, pour moy et pour mes aprés venans, 5 ai Jehannenet, escuier, de Rocourt, et ai ses hoirs huyt muis de blef, moittie nu blef de rente et moittie avoin\7ne, ai lai musure de Porraintruy. 6 Les queles sexante livres d-estevenans dessus dites je, li devant nommés priours, ay haüez et receuez dou dit Jehannenet, escuier, \8 de Rocourt, en bone menoie et bien nombree et de son propre chattel, et mises et tornees les ay ou profit de la dite maisson entierement, si que je m-en tien pour \9 bien paiez. 7 Les quelz huyt muys dou dit blef de rente j-ay assis et assignoy, assetté et assettoy a dit Jehannenet, escuier, et ai ses hoirs, ai paier chescun an en nom de \10 gaigiere pour les dites sexante livres suis nostre dyeme que nos havons en la ville et ou territoire de Brisacourt, que pertient a dit priouré de Miserey; et si ain\11si estoit que li diz dyemes ne vailleit chescun an les diz huyt muys de rente, il se doivent tenir, li diz Jehannenez et sui hoir, es biens et es choses dou dit \12 priouré de Miserey pour parfaire chescun an les diz huyt muys de rente ai paier a chescune feste de la Saint Martin d-yver, lour et ai lour commandement, \13 per tant de temps comme nos lour devriens les dites sexante livres senz amoindrir les dites sexante livres d-estevenans. 8 Et nos sumes desvestis, je, li diz \14 Guyz, priours de Miserey, per les louz et l-auctorité dez dessus diz monsy Jehan et Vienel, dou dit dyeme et de la dite gaigiere, pour nos et pour nos aprés \15 venans, et lou dit Jehannenet, escuier, de Rocourt, et ses hoirs en avons envesti et envestons et mis en possession corporal ou ausi per la tradition de ces \16 presentes lettres; et avons doné et donons a-dit Jehannenet, escuier, et ai ses hoirs, pour don pur fait entre vis, les fruys et les exues des diz huyt \17 muys de blef per tant de temps comme nos li devriens les dites sexante livres d-estevenans, senz faire reconpensacion es dites sexante livres, et senz traire en cause, \18 en reconpensacion de plusours biens et servises que li diz Jehannenez nos ay fait per plusours foiz. 9 Et est ai savoir que, se nos attandiens de raimbre la dite gai\19giere en acuen temps que li jours des Bordes fust passés, li fruit dez diz huyt muis entierement de celle annee sairoient et doivent estre a dit Jehanne\20net et ai ses hoirs senz faire reconpensacion en tout ou en partie es dites sexante livres d-estevenans; et si nos rachettiens devant lou dit jour, li dite gaigiere \21 sairoit nostre, quitte et franche comme devant, parmé les dites sexante livres d-estevenans ou de-bons baloys coursables en la citey de Balle, paians a dit Jehannenet, \22 escuier, de Rocourt, ou ai ses hoirs, senz ce que il deust ne peust aler encontre. 10 Et permé ces convenances ainsi expressees, nos, Guyz, priours de Miserey, Jehans, pre\23stres, chanoinnes dou dit luec, et Vienez, convers dou dit priourey, avons promis et promettons, pour nos et pour nos aprés venans, per nos foys pour ce corpo\24ralment donees en luec de soirement, sollempnel stipulacion entrevenant, et sus l-obligacion de touz nos biens moubles et non moubles, presens et a-venir, \25 tenir et garder fermement a dit Jehannenet et ai ses hoirs la dite gaigiere et lou dit dieme de Brisacourt, ce que nos en affiert, garantir, desfendre et \26 aipaissier adez et en touz luez, en jugement et defors, contre toutes persones, ai nos propres despens et missions, et de perfaire a dit Jehannenet et ai ses hoirs \27 suis lai nostre chose de Miserey, chescun an, les diz huyt muiz de blef de rente tant comme nos lour devriens les dites sexante livres, se ainsi estoit que li \28 diz nostres diesmes de Brisacourt ne les puest perfaire ne aicomplir. 11 Et avons renoncie et renonçons en cest nostre fait ai toute exception de mal, de barait, de \29 fraude, de lesion, de circonvencion, de deception, a action en fait, a condition senz cause ou moins suffisant, et ai toutes exceptions de fait ou de droit, \30 et espicialment a droit que dit generalz renonciation ne vaut se li espicialz ne vait devant. 12 En tesmoignaige de la quele chose, je, Guy, priours devant diz, \31 per la volenté et les requestes des dessus nommés mon sy Jehan, prestre, chanoinne de Miserey, et Vienel, convert dou dit luec, ay mis mon seel en ces presentes \32 lettres. Et si avons proié et requis nos, li devant dit Guiz, priours de Miserey, Jehans, prestres, chanoinnes dou dit priouré, et Vienelz, convers de \33 li maimmes, a reveren pere en Nostre Signor, mon signor Girart, per la grace de Deu evesque de Balle, que il y mette ou face mettre lou suen seel; \34 et nos, Girars, per la grace de Deu evesques de Balle, es proiieres et es requestes des dessus nommés mon sy Guy, priour de Miserey, mon sy Jehan, cha\35noinne dou dit priouré, et Vienel, convert de leans, avons fait mettre nostre seel en ces presentes lettres ensamble ^[1] lou seel a dit priour de Miserey \36 en signe de la pure verité. 13 Faites et donees lou venredi aprés le Invention saincte Croix, l-an de grace corrant per mil trois cens et dix nuef.
14 P. de Cuva.

Notes de transcription
^[1] Ainsi coupé: en samble.