Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe038

1317, 26 septembre.

Type de document: charte: vente en franc-alleu

Objet: Vente en franc-alleu par Louis, fils de feu Raimbaut de Cœuve, écuyer, à Renaut du Pré, écuyer, à Horri de Cœuve, cousin de Renaut, écuyer, à Roulin et à Henriet, fils de Louis de Cœuve, agissant au nom des prud’hommes et de la communauté de Cœuve, pour 40 s. d’estevenants d’un journal de terre à Cœuve; et garantie de la vente par Horri de Cœuve.

Auteur: Louis, fils de feu Raimbaut de Cœuve, écuyer.

Sceau: ean, doyen d’Ajoie, et conseil de Porrentruy.

Bénéficiaire: Renaut du Pré, écuyer, à Horri de Cœuve, cousin de Renaut, écuyer, à Roulin et à Henriet, fils de Louis de Cœuve.

Support: Parchemin jadis scellé de deux sceaux sur double queue.

Lieu de conservation: AAEB, B 239 Ajoie/71.

Édition antérieure: Analyse par J. Trouillat, Monuments…, III, p. 702.

1 Je, Louis, escuiers, fiz ce en arriers Reimbaul de Cuve, escuier, que fuit, 2 fais savoir a touz 3 que je, pour mon grant profit evidant, hay vendu et vendoy, \2 pour moy et pour mes hoirs, pour franc aluef, a miex que on puet faire vendicion et plus fermement entendre, sans gemais rappeller, 4 ai \3 Renal dou Prey et Holri, son coysin, escuiers, de Cuve, et Roulin et Henriet, fil Loui, de li maimmes, en nom de touz les proudommes et de \4 toute lai commenatté de Cuve, pour quarente solz d-estevenans, un jornal de terre gisant ou territoire de Cuve, a luec que on dit Weysegnuy, \5 arriers lou contour dou champ que fuit Huguenin lou donzel; li quex jornalx de terre giet entre lai terre Richart lou Forque et li diz Re\6nalx dou Prey hay d-autre part. 5 Les quex quarente solz d-estevenans desus diz, je, li diz Louiz, escuiers, hay haüs et receus dez diz Renal, \7 Holri, Roulin et Henriet, en nom des diz proudommes de Cuve et de lour propre chattel, si que je m-en tien pour bien paiez entierement. \8 6 Dou quel jornal de terre desus dit je me suis desvestis et me desvest, et se m-en suis mis et met fors de tenure et fors de possession, et \9 les devant nommés preudommes, en nom que desus, en hay envesti et envest, et se les en hay mis et met en bone tenure et leal et en bone pos\10session pour touz jours-mais par ces presentes lettres. 7 Et si hay promis et promat, par mon soirement doné corporalment, sollempnel stipulation entrevenant, \11 que je encontre ces convenances ne contre ceste dite vendition nen irai ^[1] ne ne ferai ai aler par moy ne par altruy, coiement ne en apert, mais \12 lai tenrai, aipaisseray, desfandray et guarantiray, pour moy et pour mes hoirs, es diz proudommes de lai dite vile de Cuve et ai lour aprés \13 venans, en touz luez et aidez, en toutes cours, en touz jugemens et defors, encontre toutes gens, ai mes propres despens et missions. 8 Et pour plus \14 grant seurté faire ai lour de ceste chose, je lour hay mis et met plaige de guarantir lou dit jornal de terre encontre ^[2] toutes gens tant \15 comme a tenure affiert, Holri devant dit, escuier. Et je, li diz Holris, escuiers, me suis mis et met plaiges de guarantir lou dit jornal \16 de terre pour lou dit Loui, es mains des diz proudommes et de lai commenatté de Cuve, par ainsi fermement comme il est desus dit et devisé. \17 9 En tesmoignaige de lai quele chose, nos, li devant nommé Louis et Holris, escuier, havons proié et requis es saiges persones et \18 vaillans, mon sire Jehan, daien de Ajoye, et a consoil de lai vile de Pourraintruy, que mettent lour sealx en ces presentes lettres; \19 et nos, Jehans, daiens de Ajoye, et li conselz de lai dite vile de Porraintruy, es proiieres et es requestes dez devant nommés Loui \20 et Holri, escuiers, de Cuve, havons mis nos sealx en ces presentes lettres en signe de verité. 10 Faites et donees lou lundi devant feste \21 saint Mychiel, l-an de grace corrant par mil trois cens et dix et sept, ou moys de septembre.

Notes de transcription
^[1] Ainsi coupé: ne nirai.
^[2] Ainsi coupé: en contre.