Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe025

1314, 14 juin.

Type de document: charte: règlement

Objet: Règlement en présence d’Horri de Sonvilier, de Richart de Morimont, chevaliers, de Thomas de Chevenez, prévôt de Porrentruy, de Perrin dit Vaydrel, de Richardin le Donzelet, de Porrentruy, écuyers, d’Humbert, curé de Courgenay, de Simon, curé d’Alle, et d’autres par Bourcart Vernier de Ramstein, chevalier, bailli de l’évêque de Bâle, d’un différend entre les communautés d’Alle et de Courgenay à propos d’un territoire que ceux d’Alle ont dans la Montagne près des limites de ceux de Villars; selon ce règlement, ceux d’Alle doivent avoir ce territoire tel qu’il a été partagé et délimité alors qu’Othon de Grandson était évêque de Bâle, et si quelqu’un de Courgenay ou d’ailleurs faisait la preuve qu’il y possède quoi que ce soit, ceux d’Alle ne pourront aller à l’encontre; pareillement, si quelqu’un de Courgenay met en valeur ses champs dans le territoire d’Alle, il pourra y laisser paître son bétail sans ennui; moyennant cela ceux d’Alle auront ce territoire et le tiendront comme leur propre communal.

Auteur: Bourcart Vernier de Ramstein, chevalier, bailli de l’évêque de Bâle.

Sceau: Bourcart Vernier de Ramstein, chevalier, bailli de l’évêque de Bâle, Humbert, curé de Courgenay, et Simon, curé d’Alle.

Bénéficiaire: Communautés d’Alle et de Courgenay.

Support: Parchemin jadis scellé de trois sceaux sur double queue. Sur l’attache du deuxième on lit… « et si li fus tenus de rendre et de restairer touz [les domm]aiges et toutes les coustes et toutes les missions que il ou »…; sur celle du troisième: …« chescune livre »…

Lieu de conservation: Porrentruy, Archives de la Bourgeoisie, V, 1.

Édition antérieure: Publication par J. Trouillat, Monuments…, III, p. 198-200.

Verso: In Hallis et in Gennisdorf de monte; .H.; iiii^m (xiv^e siècle).

1 Je, Borquars Verniers, chevaliers de Ramstein, baillis en ce temps en le eveschie de Balle, 2 fais savoir a touz 3 que, comme descors \2 fuit entre les proudommes et les commeines des viles et des perrouchaiges de Alle et de Corgenay 4 pour raison dou \3 rey que li proudomme et li commeines de lai dite vile d-Alle doivent havoir en lai Monteigne per devers lou rey de Viler, li \4 quex reix d-Alle fuit jé partis et dessavrés et bonés ou temps ai mon sire Otthe de Grançon, de bone memoire, que \5 fuit evesques de Balle, 5 per devant moy en overte justice sesant en lai vile de Porraintruy, et en lai presance mon sy \6 Holri de Sonvelier, mon sy Richart de Morimont, chevaliers, Thomas de Cheveney, prevost de Porraintruy, Perrin dit Va\7drey, Richardin lou Donzellet, escuiers, de Porraintruy, et per devant monsire Humber, curé de Corgenay, et mon \8 sy Symon, curé d-Alle, et plusours altres dignes de foy, 6 concors et pais fuit faite dou dit descort que estoit entre \9 les proudommes et lai commeinance des viles desus dites, per lour loz et lour bones volentés, per ainsic comme lealx jugemens \10 raportei per devant moy pour ce en justice sesant que puet et duet estre de valour, sans nuen rapel, en lai forme \11 ci aprés escripte: 7 ce est ai savoir car li dit proudomme et li commeinance d-Alle doivent havoir lour rey en lai dite Mon\12teigne, per devers lou rey de Viler, per ainsic comme les boines furent mises et li dessavremens fuit fais ou temps a de\13vant dit evesque Otthe de Grançon, en tele forme que, si nuens des proudommes de lai parrouchey de Corgenay ou altres \14 reclamet ou dit rey d-Alle, dez lai Grant Monteigne en aval, nule place de terre, fuit grante ou petite, que duet \15 estre de son herietaige, pour que il lou puet aicertener, per ainsic comme lealx jugemens raporteroit, il lou doit ou doi\16vent havoir et en porter, sans ce que li dit proudomme d-Alle puissent ne doient aler encontre ^[1], ne que nule tenure lour \17 puisse valoir en ceste chose, si ele est faite per ainsic comme il est dit et devisé. 8 Et est ainsic fait car, si nuens des prou\18dommes dou dit perrouchaige de Corgenay actufievent lour champs ou altre labor dedens lou dit rey d-Alle, il puent \19 laissier repastre lour bestes queles qu-eles soient sus lai dite chose, sans ce que li dit proudommes d-Alle ne altres les i puisse ne \20 doie gaigier per droit ne per raison. Et permé ces convenances desus dites, li dit proudomme et li commeines d-Alle doivent hav\21oir lou dit rey et lai dite chose ai touz jours gemais, et tenir comme lou propre commeine, ai ce fuer que les dites boines furent \22 mises a temps a devant dit evesque Otthe, sans ce que gemais nuens i doie demander altre droit ne nule altre raison, \23 en jugement ne defors. 9 En tesmoignaige de lai quele chose, je, Borquars Verniers, chevaliers de Ramstein, baillis desus diz, hay \24 mis mon seal en ces presentes lettres per les loz et per les requestes des diz proudommes et de lai commeinance des dites viles d-Alle \25 et de Corgenay. Et pour plus grant seurté ancor havoir de ceste chose, nos, li devant dit Humbers, curés de Corge\26nay, Symons, curés d-Alle, per les requestes et les proieres des diz proudommes d-Alle et de Corgenay, havons mis uns chescuns \27 de nos, diz curés, son seal en ces presentes lettres ensamble lou seal a noble homme et vaillant mon sy Borquars Ver\28nier, chevalier de Ramstein, bailli desus dit, en signe de verité. 10 Faites et donees lou vanredi aprés feste saint Bar\29nabet le apostre, l-an de grace corrant par mil trois cens et quatorse, ou mois de juing.

Notes de transcription
^[1] Ainsi coupé: en contre.