Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe018

1311 (n. st.) 18 février ou 1310, 19 février^[a].

Type de document: charte: vente

Objet: Vente par Cuenesset de Bourrignon, bourgeois de Porrentruy, et par Ellin, sa femme, avec le consentement de Jeannin et d’Othenin, leurs enfants, à l’abbé et au couvent de Lucelle pour 13 l. d’estevenants, reçues des mains de Jean le chapuis, convers, de tout ce qu’ils possédaient à Bourrignon.

Auteur: Cuenesset de Bourrignon, bourgeois de Porrentruy, et Ellin, sa femme

Sceau: Girart, curé de Pleigne, et conseil de Porrentruy.

Bénéficiaire: Abbé et couvent de Lucelle

Support: Parchemin jadis scellé de trois sceaux sur double queue d’après les incisions mais deux seulement sont annoncés. Sur l’attache du premier sceau, seule conservée, on lit ce qui pourrait être un fragment de la minute: « [Nos Cuenn]esés de Boregnon, bourjois de Porreintru, et Hellins, feme dou dit Cuenneset, façons savoir… »

Lieu de conservation: AAEB, B 240/47.

1 Nos Cuennesés, de Boreignon, bourjois de Porreintru, et Hellins, feme dou dit Cuenneset, 2 façons savoir \2 a touz 3 que nos, non mie suiduit ne losengie ne constraint ne deceu d-aucun, mais sage et bien avisé et de \3 noz bones volentez, et par les loz et par les volentez et par les consentemens de Jehannin et de Othenin, noz en\4fans, havons vendu et vendons, pour nos et pour noz hoirs, pour touz jours-mais, au miex que on puet \5 faire vendition et plus fermement entendre, 4 a l-abbé et au covent de l-eglyse de Lucellans et a-lor succes\6sours pour treze livres de estevenans tout quanque nos poons et devons havoir comment que ce soit a-Borreignon \7 et ou territoire et ou finage dou dit leu, soit en terre arable et non arable, en chans, en prez, en bois et en toutes \8 autres choses quex que eles soient et ou que eles soient, en franchise ou defors, pour treze livres de estevenans. 5 Les \9 queles treze livres de estevenans nos havons heues et receues de frere Jehan le chapus, convers et frere dou dit \10 leu, pour l-abbé et por le covent dou dit leu, en bone monoie et bien numbree et de lor propre chatel, et les ha\11vons mises et despendues en noz profis, si que nos nos en tenons pour bien paié entierement. 6 Des quex choses \12 desus dites nos nos sommes desvesti et desvestons, et noz hoirs, pour touz jours-mais, et nos en sommes mis \13 et metons fors de tenure et de possession, et les diz abbé et covent de Lucellans desus diz en havons enves\14ti et envestons, pour nos et pour noz hoirs, pour touz jours-mais, et les en havons mis et metons en bone \15 tenure et leal et en bone possession par ces presentes lettres. Et si-havons promis et prometons, pour nos et \16 pour noz hoirs, par noz foiz pour ce corporelment donees en-leu de seirement, que nos n-irons contre ces di\17tes covenences par nos ne par autrui, coiement ne en apert, mais les tenrons, apaiserons, garantirons \18 et deffenderons, pour nos et pour noz hoirs, pour touz jours-mais es diz l-abbé de Lucellans et a \19 lor successours, en touz leus, en toutes cours et en touz jugemens et defors, contre toutes gens, \20 a noz propres despens et missions. 7 En tesmoignage de-la quele chose, nos havons proié et requis a-sages \21 homes et honestes, mon sire Gyrart, curé de Plane, et au consel de Porreintru que il metent lor seals \22 en ces presentes lettres; et nos, li devant dit Gyrars, curez de Plane, et li consels de Porreintru, \23 es prieres et es requestes des desus diz Cuenneset et Hellin, sa feme, et de Jehannin et de Othenin, lor \24 enfans, havons mis noz seals en ces presentes lettres en signe de verité. 8 Faites l-an de grace \25 corrant par mil trois cens et dix, le joesdi aprés la feste saint Valentin, ou mois de fevrier.

Notes de fiche
^[a] Il est difficile de savoir selon quel style cet acte est daté: en faveur de celui de Bâle, il y a que Bourrignon est dans cet évêché, que l’acheteur est l’abbaye de Lucelle et que le curé de Pleigne scelle l’acte; mais en faveur de celui de Besançon il y a que le vendeur est bourgeois de Porrentruy, que la vente est stipulée en monnaie estevenante et que le conseil de Porrentruy scelle aussi l’acte.