Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe016

1310, 9 octobre.

Type de document: charte: assignation

Objet: Assignation par Perrin dit Vaydrel, écuyer, avec le consentement de Simonete, sa femme, d’Henri, de Richart, de Jeannete, d’Agnès et de Marguerite, leurs enfants, à sa fille Catherine, femme de Richart de Morimont, écuyer, d’une dot de 70 marcs d’argent sur tout ce qu’il possède à Boncourt, à Alle et à Chevenez ainsi que sur tout ce que tiennent de lui à Courtedoux: 1°) Richart, gendre d’Huguenet, le fils d’Agueton 2°) Jehannenet, fils de Bourquin, le fils d’Emonin 3°) le fils de Gerbert; et réserve d’un droit de réméré à partir de sommes égales à 20 marcs au moins (voir n° 36).

Auteur: Perrin dit Vaydrel, écuyer.

Sceau: Perrin dit Vaydrel, écuyer et conseil de Porrentruy

Bénéficiaire: Catherine, femme de Richart de Morimont, écuyer, fille de Perrin dit Vaydrel, écuyer.

Support: Parchemin scellé de deux sceaux sur double queue; celui du conseil de Porrentruy subsiste partiellement. Sur l’attache du premier sceau on lit, écrit de la même écriture que l’acte, le dernier mot de la date: « octembre ».

Lieu de conservation: AAEB, Chartes.

Édition antérieure: Publication par J. Trouillat, Monuments…, III, n° 93, p. 165-166.

Verso: Buncort ( xiv^e siècle).

1 Je, Perrins diz Vadrez, escuiers, 2 fai savoir a touz 3 que je, par les loz, par les consentemens et par les vo\2luntez de Symonete, ma feme, de Henri, de Richart, de Jehannete, de Agnés et de Marguerite, \3 noz enfans, hai essis et essetoi 4 a Katherine, nostre fille, feme Richart de Morimont, escuier, por \4 sexante et dix mars d-argent que je li doi pour son mariage, tout ce que je hai, puis et doi ha\5voir a Boncourt et ou territoire et ou finage dou dit leu, soit en terre arable et non arable, en prez, \6 en bois, en ouches, en curtils et en toutes autres choses, queles que eles soient; 5 item, tout ce que je hai, \7 puis et doi havoir a Alle et ou territoire et ou finage dou dit leu, comment que ce soit; 6 item, tout ce \8 que je hai, puis et doi havoir a Cheveney et ou territoire et ou finage dou dit leu, quex chose que ce \9 soit; 7 item, tout ce que Richars, li genres Huguenet, le fil Agueton, tient de moi a Courtedou; 8 item, tot \10 ce que Jehanninés, li fiz Borquin, le fil Hemonin, qui fu, tient de moi ou dit leu; 9 item, tot ce que li fiz Gerbert \11 tient de moi ou leu desus dit. 10 Et vuel et outroi que la dite Katherine, ma fille, tiegne et hait les \12 choses desus dites jusques a tant que je li harai paié entierement les diz sexante et diz mars \13 d-argent, sal ce que, toutes les fois que je en porrai et vorrai racheter vint marquies ou tren\14te ou plus, je les puis et doi ravoir quittement et franchement comme devant; et mains de vint \15 marquies je n-en puis ne doi racheter. 11 En tesmoignage de la quele chose, je, li diz Perrins, hai mis \16 mon seel en ces presentes lettres. Et a plus grande segurté havoir de ceste chose, nos, Perrins, Sy\17monete, Henris, Richars, Jehannete, Agnés et Marguerite, havons proié et requis au consel de \18 Porreintru que il i metent lor seal; et nos, li consels de Porreintru, es prieres et es requestes des diz Per\19rin Vadrey, escuier, de dame Symonete, sa feme, de Henri, de Richart, de Jehannete, de Ag\20nés et de Marguerite, lor enfans, havons mis nostre seel en ces presentes lettres ensamble le seel \21 dou dit Perrin en signe de verité. 12 Faites l-an de grace corrant par mil trois cens et dix, le \22 jour de saint Denis, ou mois de octembre.