Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe287

1349, 9 juin.

Type de document: charte: vente

Objet: Vente par Vernier, fils de feu Jeannin le tisserand, de Porrentruy, par Catherine, safemme, autorisée par son mari, par Viate, mère de Vernier, toutes deux autorisées parRenaut le fèvre, bourgeois de Porrentruy, leur avoué, à Thibaut de Rocourt, écuyer, pour7 l. 10 s. de nouveaux bâlois ayant cours au marché de Porrentruy d’une rente de 6émines, moitié blé moitié avoine, à la mesure de Porrentruy, payable aux frais desvendeurs à Chevenez, pour le blé à la Saint-Michel, pour l’avoine à la Saint-Martin, etassignée sur des pièces de terre de franc-alleu à Chevenez; en cas de retard de plusd’une année dans le paiement de la rente, l’acheteur pourra disposer de ces biens.Témoins: Jean, curé de Courcelles, Willemin le portier et Jehanniquat, de Chevenez. —Acte établi au nom et sous le sceau de l’official de Besançon sur une minute de feuHorri de Porrentruy, prêtre, notaire, par Hugues des Ancihains, prêtre, notaire.

Commentaire: Parchemin jadis scellé sur simple queue. AAEB, B 239 Ajoie/21. — Analyse par J.Trouillat, Monuments…, III, p. 865-866.

Verso: A por le bei merchan. — Cheveney (xiv^e siècle).

1 Nos, officials de lai court de Besençon, 2 faiçons savoir ai touz 3 que, per devant monssi Horriz de Pourreintruy, prestre, notaire et jurey de \2 lai dite court de Besençon, nostre comandemant especials a quel, quant es chosses que s-ensuegant ^[1] et quant ai plus grant, nos havons commis \3 nostre pouhoir et commattons per ces presentes lettres, 4 pour cey en droit personalmant establis et venanz expecialmant, Vernier, filz \4 Jehannin le texerant, que fuit, de Pourreintruy, Katerinne, say lehaul femme, per lay voluntey de som dit mairiz, et Wiatte, mere \5 dou dit Vernier, per les lous et auctoritey de Regnaul le fayvre, bourgoys de Pourreintruy, lehaulz wouhez de ley, Katerinne, \6 et de ley, Wiatte, donez ai lour per une uverte justisse pour cey sessant et pour autres caus en justisse uverte, hont confessez \7 et publiemant recoignit qu-il hont vendu et vendant, pour lour et pour lours hoirs, ai touz jours-mais, hay Thiebaul de \8 Rocourt, escuhier, presenz et haichetant, pour luy et pour ses hoirs, pour touz jours-mais, seix emeinnes de annuel et per\9petuel rente, moitiez blef pur de annuel et perpetuel rente et moitiez avoinne, ai lai mesure de Pourreintruy, ai paihiez \10 et rendre franchemant des diz venditours et de lour hoirs a diz haichetour et hay ses hoirs, chescun an dedant lay \11 ville de Cheveney, le blef pur de annuel et perpetuel rente le jour de lai feste de sanct Michiel et l-avoine le jour de lai feste \12 de sanct Martin d-yvert. 5 Les quelles seix emeinnes de annuel et perpetuel rente li diz venditours hont assis et assetant, \13 assigney et assignant, pour lour et pour lours hoirs, ai touz jours-mais, a dit haichetour et hay ses hoirs pour touz jours\14mais suis les plaices de terre de franc aluef cy aprés devissees, gessans a finayge et terretoire de Cheveney: 6 premieremant, \15 a luec que hont dit dessus Nove Viez, dous journals de terre, li diz venditours hont d-unne part et li hoirs Trahy hont \16 d-autre part; 7 item, en Heingle Bernier, trois journals, Jacquins li courvessiez, de Pourreintruy, d-unne part et Huvrays dou \17 Chessaul d-autre part; 8 item, derier Grant Boys, dous journaul, li hoirs Jehans Mourelz d-unne part et li diz hoirs Traihy hont \18 d-autre part, 9 pour seipt libvres et deix soulz de bons nuhz baloys, b[o]ne menoie coursable ou plain merchiez de Pourreintruy, \19 que li diz venditour hont haihuz et recehuz dou dit haichetour en bone menoie bien nombree, tant qu-il s-ein sunt tenuz \20 et s-ein tiennant pour bien paihiez entieremant. 10 Et ceste dite vendition et toutes et singuleires les chosses dessus dites hont \21 promis et promattent li diz venditours, per lours soiremanz donez courporalmant, pour lour et pour lours hoirs, en lai \22 main de nostre dit comandemant, sollempnel stipulation entrevenant, et suis l-obligation de touz ses biens moubles et neant \23 moubles, presenz, ai-venir, tenir et guarder farmemant lai dite vendition ai touz jours-mais, gairantir et appaissier \24 franchemant, en touz luez et encontre touz, seinz gemais venir encontre lai tenour de ces presentes lettres en nuls caus; 11 \25 et est ai savoir que, se li une rente trueve l-autre rente de l-annee emsuigant que ne soit encour paihiez, li dit haichetant, \26 ou sui hoirs, puet et doit faire toute sai bone voluntey des pla[i]ces ^[2] de terre dessus dites einsi come de som proppre franc \27 herietaige. 12 En renuncenz li dit venditours, per lours diz soiremant, ai toutes exceptions de maul, de beireit, de lesion, et ai toutes autres \28 exceptions de fait ou de droit, et a droit que dit que general renunciacion ne vaut, en lour et lours hoirs submattant li diz venditours ai \29 lai juridiction et cohertion de lai court de Besençon et ai toutes autres cours ecclesiastres et seculeires ai l-oservation de toutes les chosses dessus dites, non \30 obstant acunnes exceptions de fait ou de droit. 13 Et come li dessus dit messi Horriz de Pourreintruy, qui hay recehut le lous des chosses dessus \31 dites einssi come (come) contenuit est en une notte et prothocolle escripte de sai proppre main, soit trespessey de ces seygle en l-autre \32 devant cey qu-il hust faites et grossiez ces lettres, nos, officials dessus dit, havons commis et comattons per ces presentes lettres nostre pouhoir ai \33 monssi Hugue des Haincihayns, prestre, notaire et jurey de lai dite court de Besençon, nostre comandemant expecials, pour examineir les nottes \34 et prothocolles dou dit monssi Horriz et suis ycelles faire escripre et grossiez les lettres que n-estoient encour faites per le dit mossi \35 Horriz, lai substance d-ycelles guerdees et observees. 14 En tesmoingnaige de lai quel chosse, nos, officials dessus dit, ai lai relacion de nostre \36 dit comandemant, havons mis le seaul de lai court de Besençon en ces presentes lettres, 15 que fuirent faites et donees, quant en lai presence \37 dou dit monssi Horriz, presenz monssi Jehan, curiez de Courcelles, Willermin li pourtiez et Jehanniquat, de Cheveney, le mardit devant \38 lai feste de sanct Barnabé apostre, en l-an Nostre Seygnour courrant per mil trois-cenz quairante et nuef.
16 \39 H. des Haincihayns.

Notes de transcription
^[1] Ainsi coupé: sen suegant.
^[2] Le jambage du imanque, mais le point est noté.