Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe279

1348 (n. st.), 1^er mars.

Type de document: charte: vente

Objet: Vente par Cueniat le chapuis, de Bure, demeurant à Porrentruy, par Willemete, sa femme,autorisée par son mari et par Henriet dit Ramey, de Porrentruy, son avoué, et par Jean,leur fils, à Jacques, curé de Montignez, agissant au nom de l’abbé et du couvent deBellelay, pour 100 s. de bâlois ayant cours au marché de Porrentruy d’une chenevière defranc-alleu à Bure. Témoins: Perrin dit Brueque, de Bure, demeurant à Porrentruy,Perrenet dit Cam Musi, de Porrentruy, etc. — Acte établi au nom et sous le sceau del’official de Besançon par Horri de Porrentruy, prêtre, notaire.

Commentaire: Parchemin jadis scellé sur simple queue. Bienne, Archives de la Ville, XLIX,370.

1 Nos, officials de la court de Besançon, 2 faiçons saivor a touz ces qui verront et horront ces presentes lettres que, par devant monsi Horri de \2 Porraintruy, preste, notaire et juriez de nostre court de Besançon, a-quel nos avons foi pleniere et avons commis nostre pouhoir et cometons par ces pre \3sentes lettres, quant ay ces choses et a plus grant, 3 pour cey an droit personalmant establis et venant, Cueniat li chaipus, de Bures, demorant \4 a-Porraintruy, Wllemaite, sai fome, de l-auctoritey son dit mairi et par lai loux et la bone voluntey de Henriat dit Rameit, de Porraintruy, wouheys \5 de ley a-le doné par justice overte, Jehans, lours filz, ont vendu a touz jours-mais, a-miex que on puet faire vendiciom et plus fermemant antan\6dre, a-monsi Jaique, curie ^[1] de Montaigné, achetant, an-nom de l-aibel et de tout le covans de Ballee, et a lour successours, a touz jours-mais, une \7 houche ansemble le chesal et les apertenances d-icelles, giesant a-Bures, li hoirs a-Quaincom hont d-une part et li cumeines est d-autre part, \8 et est de franc aluef, 4 pour cent soulx de bons balloix, monoie coursable en plain merchie de Porraintruy, que li diz venditours hont haüs \9 et recehus dou dit achetour an bone monoie bien nombree, tant que il s-ant sunt tenus pour bien paiez entierema[n]t ^[2]. 5 De lai quel houche \10 et chesaul li diz venditours se sunt devestus et devestent, pour lour et pour lours hoirs, pour touz jours-mais, et le dit achetour, an-nom \11 que desus, an hont anvestu et anvestent, et si l-an hont mis et maitent an bone tenure et loiaul et an bone possessiom pour touz jours-mais \12 par lai tradiciom de ces presentes lettres. 6 Et si hont promis, par lours soiremans donés an lai main dou dit nostre comandemant et an aprés sus l-obligacion \13 de touz lours biens moubles et non moubles, present et a-venir, quel part que il soient, an franchisse ou deffors, que il ne iront ne feront \14 ai aler par lour ne par autruy, coiemant ne an apert, contre ces dites covenances et vendiciom, mais les tanront, apaiseront, gairantiront \15 et deffandront, a touz jours-mais, a dit achetour, an nom que desus, an touz luec, an toutes cours, an touz jugemans et deffors, \16 ancontre toutes gens, a lours propres despans et missions. 7 An renuncent an ycés fait a-toutes excepcions de mal, de bareit, de \17 lesiom, de decepciom, de circonvenciom et a toutes autres exceptions, rasons et allegacions de droit, de fait et de custume, et a-droit \18 que dit que general renunciation ne vaut. 8 En tesmoignaige de lai quel chose, nos, officials devant nommeis, a-lai relaciom dou dit \19 nostre comandemant qui nos ai raporté toutes ces choses estre veraies et einsic estre faites, avons mis le seaul de nostre dite court an \20 ces presentes lettres, 9 que furent faites et donees, present Perrin dit Brueque, de Bures, demorant a-Porraintruy, Perreneit dit Cam Musi, de \21 Porraintruy, et plusours autres tesmoins a-cey apelez et requis, le premier jour dou mois de marc, l-an Nostre Seingnour cour\22rant par mil trois-cent quarante et seipt.
10 Horri de Porraintruy.

Notes de transcription
^[1] Finale développée d’après juriezde l. 2.
^[2] Le signe d’abréviation manque au-dessus de -at.