Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe275

1348 (n. st.), 23 janvier.

Type de document: charte: vente en franc-alleu

Objet: Vente en franc-alleu par Henriet dit Woillequel, avec le consentement de Willemet, sonfils, de Jehannenet, son frère, de Jehannenet, d’Estevenin, de Perrin et de Riat,frères, fils de Jehannenet, par Catherine, fille de Jacquet, de Courtemblin, autoriséepar Estevenin dit Boillat, de Porrentruy, son avoué, et par Girart dit Menevel, avec leconsentement d’Aliate, sa femme, autorisée par Estevenin dit Boillat, son avoué, àHuguenin dit Boillat, bourgeois de Porrentruy, pour 74 s. de nouveaux bâlois ayant coursau marché de Porrentruy d’un pré à Courtemblin. — Acte passé sous les sceaux de Pierredit Cordelier, curé de Courgenay, et de Guillaume dit Chadiron, vicaire de Cornol.

Commentaire: Parchemin jadis scellé de deux sceaux sur double queue. Porrentruy, Archives del’Hôpital, Propriétés, n° 26, Terres à Cornol. — Analyse par J. Trouillat,Monuments…, III, p. 842 (à la date du 24 janvier 1347).

Verso: La vendue pour LXXIII s. — Courtenblen. — A Courtenbien. — Une piece de prey en Courtainblain (xv^e siècle).

1 Nos, Henriaz diz Voillequez, per le loy et voluntey de Willemey, mon filz, Jehannenaz, frere dou dit Henriet Voillequey, per les lois et bones \2 voluntees de Jehannenet, Hestevenin, Perrin et Riat, freres, anfanz de moi, Jehannenet dessus dit, Katherinne, fille Jaquet, de Courtamblaim, \3 per le loy et voluntey de Hestevenin dit Baillat, de Pourraintruy, mon leaulz vouhelz, et Girars diz Menevelz, per le loy et voluntey de Aliete, \4 ma fome espousee, et per lai voluntey de Hestevenin dessus dit, bourgois de Pourraintruy, vouhez de lai dite Aliete, 2 faiçons savoir a-touz 3 \5 que nos, pour le sucurrement de nos et de nos hoirs, tuit ensamble et chascuns de nos pour le tout, havons vendu et ven\6dons, pour nos et pour nos hoirs, et pour touz jours-maix, a-muix que on puet faire vendicion et pluix fermement en\7tandre, ai Huguenim dit Baillet, bourgois de Pourraintruy, pour touz jours-maix, pour luy et pour ses hoirs, une plaice \8 de prey gesant ou finaige et terretoire de Courtamblaim, ou luec que on dit es Combes, a-sentier de Saint Ursanne, 4 \9 pour sexante et quatourze soulz de bons nuef baillois, menoie coursauble en ce temps ou merchief de Pourraintruy, 5 li \10 diz Huguenins, acheterres, et Perrins diz Bois ont d-une part de lai dite plaice de prey et li seignours ^[1] chanoinnes de \11 Saint Ursanne ont d-autre-part, et l-avons vendu, tuit ensamble et chascuns de nos pour le tout, pour franc herietaige. 6 \12 Les quelx sexante et quatourze soulz de lai menoie dessus dite nos, li dessus diz venditours, havons hahu et recehu \13 dou dit Huguenin dit Baillat, bourgois de Pourraintruy, se que nos nos en sumes tenuz et tenons pour bien paiez entierement \14 dou dit Huguenin, acheteour, pour luy et pour ses hoirs. 7 De lai quelle plaice de prey dessus dite nos, li dessus diz vendi\15tours, nos sumes devestuz et nos devestons, et nos sumes mis et mettons fuers de tenure et fuers de possession \16 pour touz jours-maix, et le dit Huguenin dit (dit) Baillat, achetour, en havons envestu et envestons, \17 et si l-an havons mis et mettons en bone tenure et leaulz et en bone et corporeel possession, luy et ses hoirs, pour \18 touz jours-maix per lai tradicion de ces presentes lettres. 8 Et si havons promis et promettons, per nos foyz pour ce corporelment \19 donees en luec de soirement sus sainz evvangiles toichiees et aprés sus l-obligation de touz nos biens mou\20bles et neanz moubles, presenz et a-venir, quel part que il soient, en franchise ou deffuers, que nos encontre ^[2] cete \21 dite vendicion n-irons ne ne ferons aler per nos ne per autruy, cohiement ne an apert, maix lai tenrons, \22 apaiserons, garantirons et deffendrons, en touz lues, en totes cours, en touz jugement et deffuers, \23 encontre ^[3] totes genz et per devant touz juges, tant ecclesiastres quant seculers, pour nos et pour \24 nos hoirs, a-dit Huguenin (a dit Huguenin) et ai ses hoirs, a-nos propres despans et missions, et garan \25tirons chascuns de nos, aidés, se mestier faiçoit, a-dit Huguenin ou ai ses hoirs, li uns de \26 nos pour touz les autres, lai venduee de lai dite plaice dou dit prey. 9 En tesmoignaige \27 de lai quel chose, nos, li dessus dit venditours, Henriaz diz Voillequez, Willemez, filz dou dit Henriet, Jehannenet, \28 frere a dit Woillequel, Jehannenaz, Hestevenins, Perrins et Riaz, freres, anfanz dou dit Jehannenet, Katherinne, fille Jaquet \29, Girars diz Menevelz et Aliete, fome dou dit Girart dit Menevelz, et Hestevenins diz Baillaz, bourgois de Pourraintruy, \30 vouhez des dessus dites Katherinne et Aliete, havons proié et requis as saiges persones et honestes, ai monssi \31 Pierre dit Courdelier, curel de Courgannai, et ai monssi Willame, vicaire de Coronoul, dit Chadiron, \32 que il mettent lour seelz en ces lettres; et nos, li dessus nommez Pierres diz Courdeliers, curez en ce \33 temps de Courgannai, et Willame dit Chadirons, vicaires en ce temps de Coronolz, es proieres et es \34 requestes des persones dessus nommees, havons mis nos seelz pendanz en ces presentes lettres en signe de \35 veritey. 10 Faictes et donees le mescredi aprés lai feste de saint Vincent martir, l-an Nostre Seignour \36 courrant per mil trois cenz quarante et sept.

Notes de transcription
^[1] Ou soignours?
^[2] Ainsi coupé: en contre.
^[3] Ainsi coupé: en contre.