Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe270

1347, 6 décembre.

Type de document: charte: vente

Objet: Vente par Jehannenet, par Willemin et par Perrin, frères, fils de [Jean] Peigney, deChevenez, à Thibaut de Rocourt, écuyer, fils de feu Jehannenet, pour 60 s. de nouveauxbâlois ayant cours au marché de Porrentruy d’une rente de deux émines, moitié blé moitiéavoine, à la mesure de Porrentruy, et d’une poule, payable aux frais des vendeurs àPorrentruy, au grenier de l’acheteur, pour le blé à la Saint-Michel, pour l’avoine et lapoule à la Saint-Martin, et assignée sur trois journaux de franc-alleu à Chevenez; encas de retard de plus d’une année dans le paiement de la rente, l’acheteur pourradisposer de ces biens. Témoins: Jehannenet le Juglerat, de Chevenez, Estevenin,d’Abbévillers, Jeannin dit Robeillair, de Chevenez, etc. — Acte établi au nom et sous lesceau de l’official de Besançon par Huguenin Jean de Boncourt, notaire.

Commentaire: Parchemin jadis scellé sur simple queue. AAEB, B 239 Ajoie/21. — Analyse par J.Trouillat, Monuments…, III, p. 854.

Verso: Cheveney (xiv^e siècle).

1 Nos, officials de lai court de Besençon, 2 faiçons savoir a touz 3 que, par devant Huguenin Jehan de Boncourt, clerc, notaire, jurei \2 de lai dite court, nostre comandemant expecial a quel, quant es choses que s-ansuegant ^[1] et quant ai plus granz, nos havons commis et \3 commattons par ces presentes lettres nostre pouhoir et y adjostons foy plus plenieremant, 4 pour ce en droit personalmant \4 estaubli et venant, Jehannenaz, fiz Peigney, de Cheveney, Woillemins, fiz Peigney, et Perrins, fiz Peigney, de Che\5veney, frere, hont confessei et recoignu publiemant qu-il hont vendu et vendent, por lour et por lor hoirs, ai toz jors\6mais, conjunctemant et deviseemant et uns-chascuns de lor por le tout, ai Thiebaut de Rocourt, escuier, fil Jehannenat, qui fu, por \7 lui et por ses hoirs, present et aichetant, douhes emmenes, moitie blef pur de perpetuel rante et moitie avoynne, a lai me\8sure de Pourrentruy, et une geline censsal, a-pahier et rendre chascun an franchemant, perpetuelmant, des diz venditours et de \9 lor hoirs a dit aichetour et hai ses hoirs ou hai son certain comandemant, ai Pourrentruy ou guernier dou dit \10 Thiebaut de Rocourt, le blef pur le jour de lai feste de saint Michiel et l-avoynne et lai dite geline censsal le \11 jour de lai feste de saint Mertin d-yvert, 5 por soixante solz de bons nuhes balois corsables ou merchief de Pourrentruy, \12 que li dit venditour en hont haü de lui et les hont mis en lor evidanz proffiz, si qu-il s-an tienent pour contenz \13 entieremant. 6 Les quels douhes emmenes moytanges et lai dite geline censsal de perpetuel rante, a lai dite mesure, li dit ven \14ditour hont assis et assetent, por lor et por lor hoirs, perpetuelmant a dit aichetour, por lui et por les suens; 7 premieremant, suis \15 les trois jornals de franc aluef que s-ansuegant ^[2], gesanz ou territoire de Cheveney; 8 premieremant, en Hermon, hun jornal, Woillemins \16 Deliate hai d-unne part et li diz Johannenaz hai d-autre; 9 item, en lai Perriere, hun jornal, li fiz Thomaix, filz \17 Mechat, hai d-unne part et Aliate, mere des diz venditours, hai d-autre; 10 item, en Vannelz, hun jornal, Uvrairs \18 Falandre hai d-unne part et li dit venditour hont d-autre part. 11 Et se sunt desvestu, por lor et lor hoirs, ai \19 toz jors-mais, ensemble et deviseemant et uns-chascuns de lor por le tout, de lai dite vendue et dou dit assignal \20 quant ai ycelle, et le dit aichetour en hont envestu et mis en bone et leal tenure et en corporal possession, ou \21 aussi par lai tradiction de ces presentes lettres, por lui et ses hoirs. 12 Et ceste dite vendicion et totes les choses \22 dessus escriptes hont il promis, par lor soiremanz donez corporalmant, por lor et por lor hoirs, en lai main \23 de nostre dit jurei, tochies suis ce les sainctes ewangeles de Deu, sollempnel stipulation entrevenant, et suis \24 l-obligation de toz lor biens moubles et non moubles, presenz et a-venir, tenir, guerder far\25memant, pahier et rendre chascun an franchemant et perpetuelmant les dites douhes emmenes moitan \26ges et lai dite geline censsal a dit aichetour et hai ses hoirs, gaurantir et appaisier le dit \27 assignal de propre franc aluef par tant de temps come leal tenure s-affiert a luec, \28 en touz lues et contre touz, senz gemais venir encontre ^[3] ces lettres en nul caus. 13 Et est a-sa\29voir que, se li dit venditour deffaillient par tant de temps de pahier lai dite rente et censse \30 que li une rente et censse venest ensemble a-pahier avec l-autre rente, li diz aicheterres porroit \31 faire tote sai voluntey, il et sui hoir, dou dit assignal entieremant comme de sai propre chose que \32 li saroit exchoite, en lor et lor hoirs submattant li dit venditour a lai juridiction de lai court \33 de Besençon et de totes autres cours pour estre controinz, conjunctemant et deviseemant, a l-observacion des choses dessus \34 escriptes, non obstant acunes excepcions de fait et de droit. 14 En tesmoignaige de lai quel chose, nos, a lai re\35lacion de nostre dit jurei, havons mis le sel de lai court de Besençon en ces lettres. 15 Faictes et donees, presenz \36 Jehannenat le Juglerat, de Cheveney, Estevenin, de Habelvelair, et Jehannin dit Robeillair, \37 de Cheveney, et plusours autres, le juesdi aprés lai feste de saint Andrey, l-an mil trois-cenz et qua\38rante et seipt.
16 H. J. de Boncourt.

Notes de transcription
^[1] Ainsi coupé: san suegant.
^[2] Ainsi coupé: sansuegant.
^[3] Ainsi coupé: en contre.