Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe269

1347, 6 décembre.

Type de document: charte: vente

Objet: Vente par Jehannenet dit Brisemaiche, de Bure, et par Agnelet, sa femme, autorisée parson mari et par Huguenin dit Grisat Volenteil, de Bure, son avoué, à Thibaut de Rocourt,pour 9 l. de nouveaux bâlois ayant cours au marché de Porrentruy d’une rente d’un« quarresson », moitié blé moitié avoine, à la mesure de Porrentruy, et de deux poules,payable aux frais des vendeurs à Porrentruy au grenier de l’acheteur, pour le blé à laSaint-Michel, pour l’avoine et les poules à la Saint-Martin et assignée sur des piècesde terre de franc-alleu à Bure; en cas de retard de plus d’une année dans le paiement dela rente, l’acheteur pourra disposer de ces biens. Témoins: Estevenin, d’Abbévillers,Huguenin dit Grisat Volenteil et [Jehannenet] le Juglerat, de Chevenez. — Acte établi aunom et sous le sceau de l’official de Besançon par Huguenin Jean de Boncourt,notaire.

Commentaire: Parchemin jadis scellé sur simple queue. AAEB, B 239 Ajoie/60. — Analyse par J.Trouillat, Monuments…, III, p. 853-854.

Verso: Thiebaut i-a lassie les plasses contenuez en ces lettres par mey la dicte rente et .II. gelines de plus jusques a vint et .I. anz, par la volentey de anfans de Bressemeiche, de Holriat et son petit frereet Huguenin, woheez dez diz anfans, a Huguenet Gresset et Johannet Renuhar, de Bures, l-an LIII, le XVI jor dou moy de mey; ne ne doivent nulle rente jusques de ceste moison que vient en un an. — Bures (xiv^e siècle).

1 Nos, officials de lai court de Besençon, 2 faiçons savoir a touz que, par devant Huguenin Jehan de Boncourt, clerc, notaire, jurei de lai dite court, nostre comandemant expecial a quel, \2 quant es choses que s-ansuegant ^[1] et quant ai plus granz, nos havons commis par ces lettres nostre pouhoir et y adjostons foy plus plenieremant, 3 por ce en droit personalmant \3 estaubli et venant, Jehannenaz dit Brisemaiche, de Bure, et Aignellaz, sai feme, par les los et auctoritei dou dit Brisemaiche, son mari, et \4 de Huguenin ^[2] dit Grisat Volenteyl, de Bure, son leal vouhey donei a ley par une uverte justise por ce et por plusours autres choses sesant en justise \5 uverte et par leal jugemant, present et auctorizant, hont coignu uvertemant qu-il hont vendu et vendent, por lor et por lor hoirs, perpetuelmant, conjunctemant et devise\6emant et uns-chascuns de lor por le tout, ai Thiebaut de Rocourt, por lui et por ses hoirs, aichetant, hun quarreix, moitie blef pur de \7 perpetuel rante et moitie avoynne, a lai mesure de Pourreintruy, et douhes gelines censsals, a-pahier et rendre chascun an franchemant, ai toz jors-mais, ai Pourreintruy, \8 ou guernier dou dit Thiebaut de Rocourt, le blef pur le jour de lai feste de saint Michiel, l-avoynne et les douhes gelines le jour de \9 lai feste de saint Mairtin d-yvert, 4 pour nuef libres de bons nuhes balois corsables ou merchief de Pourreintruy, que li dit venditour en hont haü \10 et recehu dou dit aichetour et les hont mis en lor evidanz proffiz, par qu-il s-an sunt tenuz por bien paiez entieremant. 5 Les quels quarreix \11 moitange de perpetuel rente et douhes gelines censsalz li dit venditour hont assis et assignent, pour lour et pour lor hoirs, perpetuelmant, par les los \12 et auctoritei que dessus et uns-chascuns de lor por le tout, a dit aichetour, por lui et por ses hoirs, suis les plaices de terre et choses \13 de franc aluef que s-ansuegant ^[3], gesanz en lai vile et territoire de Bure: 6 premieremant, a Mont, dous jornals, li diz aicheterres hai d-unne part et \14 lai dite Aignellaz et sui partaige d-autre; 7 item, a Mont, hun jornal, entre Woillemin de Chevenei et ses partaiges d-unne part et lai dite Aignelaz \15 et sui partaige hont d-autre; 8 item, a dit luec, en Planchemine, hun jornal, li hoir Sebile, suer a berbier, d-unne part et li \16 diz Woillemins de Chevenei et sui partaige hont d-autre; 9 item, en Champ Reto, hun jornal, Johannins, li fiz Girairt, hai d-unne part et \17 d-autre; 10 item, a dit luec, hun jornal, entre les hoirs a Lumbert, de Cordemaische, d-unne part et Richairs, fiz Marihon, d-autre; 11 \18 item, en Combe Loon, une plaice que contient hun jornal et hun demey, li champ Loviat le berbier chantroient suis et plusour autre d-unne \19 part et li diz venditerres hai d-autre part. 12 Et se sunt desvestu li dit venditour, par les los et auctoritey que dessus, por lour et por lor \20 hoirs, perpetuelmant de lai dite vendue et dou dit assignal de franc aluef quant ai ycelle, et le dit aichetour en hont \21 envestu et mis en bone et leal tenure et en corporal possession, ou aussi par lai tradiction de ces presentes lettres, por lui et por ses \22 hoirs. 13 Et ceste vendue et choses dessus dites hont il promis, par les los et auctoritey que dessus, par lor soiremanz donez, por lor et \23 lor hoirs, en lai main de nostre dit jurei, sollempnel stipulacion entrevenant, et suis l-obligation de toz lor biens moubles et non moubles, \24 presenz et a-venir, tenir et guerder fermemant ai toz jors-mais, et chascuns por le tout, a dit aichetour et ses hoirs, gau\25rantir et apaisier le dit assignal de franc aluef par tant de temps cum leal tenure s-affiert a luec, en toz luez et contre \26 toz, senz gemais venir contre ces lettres en nul caux, en lor et lor hoirs submattant a lai juridiction de lai cort \27 de Besençon et de totes autres cours por estre controinz a l-observacion des dites choses. 14 Item, est a-savoir que, se li diz venditour \28 deffaillient tant de paier que li une rente venest ensemble a-paier avec l-autre rente, que li diz aicheterres feroit sai \29 voluntei, il et sui hoir, dou dit assignal comme de sai propre chose que li saroit exchoite, en lor et lor hoirs subma\30tant a lai juridiction de lai court de Besençon et de totes cours por estre controinz a l-observation des dites choses. 15 En tesmoignaige \31 de lai quel chose, nos, a lai relacion de nostre dit jurei, havons mis le sel de lai court de Besençon en ces lettres. 16 Faites et donees, presenz \32 Estevenin, d-Abelvelair, le dit Grisat et le Juglerat, de Chevenei, le juesdi aprés lai feste de saint Andree, l-an mil trois-cenz \33 et quarante et sept.
17 H. J. de Boncourt.

Notes de transcription
^[1] Ainsi coupé: san suegant.
^[2] Ou Hugue.
^[3] Ainsi coupé: sansuegant.