Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe267

1347, 23 novembre.

Type de document: charte: vente

Objet: Vente devant Jean dit Varrillon, maire de Saint-Ursanne, par Jean dit Kabosser, deCourtavon, et par Jeannete, sa femme, autorisée par Bourquenet, de Courtemblin, sonavoué, à Horri [de Muriaux], trésorier de la collégiale de Saint-Ursanne, pour 8 l. demonnaie ayant cours au marché de Saint-Ursanne d’une chenevière de franc-alleu àCourtemblin; et confirmation du fait par Jean dit Varrillon et par Bourquenet, deCourtemblin. Témoins: Jean, fils de Loviat, de Saint-Ursanne, Richart le Tenier, deSeleute, Bourquin dit Bratte, de Montenol, etc. — Acte passé sous les sceaux de JeanVarrillon, maire de Saint-Ursanne, de Louis, curé d’Alle, et de Pierre [dit Cordelier],curé de Courgenay.

Commentaire: Parchemin jadis scellé de trois sceaux sur double queue. Les attaches ont étédécoupées dans des actes; sur la seconde on lit le début de notre document: « Nos Jehansdiz Kabosser, de Cortaon et Jehanatte, fome dou dit Jehan, façons savoir atous que nos / [n]on mie decehu ne contraintd-aucun mens ». Le scribe s’est arrêté là. AAEB, B288/41.

Verso: Littera de une oche chesant a Courteblen (xiv^e siècle).

1 Nos, Jehans dis Kabosser, de Cortaon, et Jehannate, fomme dou dit Jehan, 2 façons savoir a tous 3 que nos, non mie deceu ne contraint, \2 mens saige et bien avisé et de nos bones volentés, havons venduy et vendons, por nos et por nos hoirs, por tous jors-mais, \3 a miex que on puet fere vendicion et plus fermement antandre, a monsi Ulris, tresorier de l-egliese de Saint Ursenne, \4 une oche gisant a Cortaimblein, entre les biens dou dit monsi Ulri d-une part et d-autre, de frang aluef, 4 por \5 huyt livres de deniers, menoye corsable en plain merchie de Saint Ursenne. 5 La quele somme d-argent dessus dite nos havons \6 heu dou dit monsi Ulri, et mis et tornee en nos profis, en bone menoye et bien nombree, si que nos nos en tenons \7 por bien payés entierement. 6 De la quele oche dessus nommee nos nos summes desvesti et desvestons et nos hoirs, et nos \8 en summes mis for de tenure et de possession, et le dit monsi Ulri en havons envesti et ses hoirs et envestons, \9 et les en havons mis et mettons en bone tenure et en bone possession por tous jors-mais par ces presentes lettres. 7 Et \10 si havons promis et promettons, par nos fois por ce donees en leu de serrement, que nos n-irons contre la dite vendition par nos ne par \11 autruy, coyement n-en apert, mens la tenrons, gerantirons, apaiserons, por nos et por nos hoirs, au dit monsi Ulri et a ses hoirs, \12 en tous leus, en toutes cors, en tous jugemens et defors, encontre totes gens, a nos propres despens et missions. 8 Et est a savoir \13 que li dite vendicion fut faite par devant Jehan Varrillon, por ^[1] maire de Saint Ursenne, por ce et por autres choses seant en justise, \14 par le los et la volenté de Borquinat, de Cortamblein, vohé de la dite Jehannate, et avint par droit jugement ensi comme puyt et \15 duyt estre de valor. 9 Et nos, Jehans, maires, et Borquinas, vohés de la dite Jehannate, recongnessons toutes ces choses estre faites \16 par einsi comme eles sunt dessus escriptes et devisees, present Jehan, fil Lowiat, de Saint Ursenne, Richart le Tenier, de Selute, Bor\17quin dit Bratte, de Montenolt, et par devant plusors autres dingnes de foi. 10 En tesmoingnaige de la quele chose, nos, li dessus \18 dit Jehans Kabosser, Jehannate, sa fomme, et Borquinés, ses vohés, havons proyé et requis Jehan Varrillon, maire dessus dit, monsi \19 Lowi, curé d-Alle, et monsi Piere, curé de Corgenay, qu-il mettent lor seels en ces presentes lettres; et nos, Jehans, maires, \20 Lowis, curés d-Alle, et Piere, curés de Corgenay, es proyeres et es requestes de Jehan Kabosser, de Jehannate, sa fomme, et de Bor\21quinat, son vohé, havons mis nos seels pendans en ces presentes lettres en singne de verrité. 11 Faites et donees le vanredi \22 prochain devant la feste sainte Katerine, l-an de grace corrant par mil .CCC. quarante et sept.

Notes de transcription
^[1] Mot écrit manifestement par erreur.