Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe266

1347, 12 novembre.

Type de document: charte: vente

Objet: Vente par Jehannenet dit Bourgeois, de Chevenez, à Thibaut, fils de feu Jehannenet deRocourt, écuyer, pour 4 l. 10 s. de bâlois ayant cours au marché de Porrentruy d’unerente de trois émines, moitié blé moitié avoine, et d’un chapon, payable aux frais duvendeur à Porrentruy, au grenier de l’acheteur, pour le blé à la Saint-Michel, pourl’avoine et le chapon à la Saint-Martin et assignée sur des pièces de terre defranc-alleu à Chevenez; en cas de retard de plus d’une année dans le paiement de larente, l’acheteur pourra disposer de ces biens. Témoins: Estevenin, fils du Pinguelare,de Fahy, Perrin et Richart, ses frères, Jean dit Ros, prêtre, etc. — Acte établi au nomet sous le sceau de l’official de Besançon par Horri de Porrentruy, prêtre, notaire.

Commentaire: Parchemin jadis scellé sur simple queue. AAEB, B 239 Ajoie/21. — Analyse par J.Trouillat, Monuments…, III, p. 852.

Verso: Littera Th. de Rocourt. — Cheveney (xiv^e siècle).

1 Nos, officials de la court de Besençon, 2 faiçons saivor a touz ces qui verront et horront ces presentes lettres 3 que, par devant monsi Horri de \2 Pourraintruy, preste, notaire et juriez de nostre court de Besançon, a quel nos avons foi pleniere et avons commis nostre pouhoir et commetons \3 par ces presentes lettres, quant ay ces choses et a-plus grant, pour ce en droit personalmant establis et venant, Johannenoit dit Bourgois, \4 de Cheveney, ai vendu a touz jours-mais a Thiebaul, que fuit filz Johannenoit de Rocourt, escuiers, et a ses hoirs, pour luy et pour ses hoirs, \5 trois emennes de-rante, moitie blef moitie avoine, et hun chaipom, a-paiier chescun an, sans faillir, a dit achetour franchemant a son \6 grenier a-Pourraintruy, c-est a-saivor le blef a lai Sainct Michiel et l-avoine a lai Sainct Mertin d-iver ansuegant ansamble le dit chaipom. 4 \7 Et les ai asis et asigney sus les peces de terre que s-ensuegant ^[1], que sunt de franc aluef, giesant ou terrectoire de Cheveney: 5 premieremant, \8 es Charbonieres, hun jornal, li diz Thiebaulx, achetours, ai d-une part et Johannins li Gindraiz ai d-autre part; 6 item, a contour, an lai vie de Fayi, \9 une pece, Perrenoit, filz a lai Lachoure, de Pourraintruy, ai d-une part et li contours des champs est d-autre part; 7 item, an lai vie de Fayi, une \10 pece, li diz achetours d-une part et Wllemins, freres a dit venditour, ai d-autre part 8 - et est a-saivor que, se li une rante trueve l-autre rante \11 de lai seconde anné que ne soit paiie, li diz achetours ou suy hoirs porrient monter sus les dites peces de terre et faire toutes lours \12 bones volunteys comme de lour propre franc herietaige-9 pour quaitre livres et diex soulx de bons balloix, monoie coursable ou plein \13 merchie de Pourraintruy, que li diz venditours ai haües et recehues dou dit achetour an bone monoie, tan que il s-an est tenus pour \14 bien paiiez antieremant. 10 De lai quel rante ansemble les dites peces de terre li diz venditours s-est devestus et devest, pour luy \15 et pour ses hoirs, pour touz jours-mais, et le dit achetour et ses hoirs an ai anvestu ^[2] et anvest ^[3], et si l-en ai mis et met an \16 bone tenure et loiaul et an bone possessiom pour touz jours-mais par lai tradiciom de ces presentes lettres. 11 Et si ai promis, par son soire\17mant doné an lai main dou dit nostre commandemant et an aprés sus l-obligaciom de touz ses biens moubles et non moubles, present \18 et a-venir, quel part que il soient, an franchisse ou deffors, que il ne iray ancontre ^[4] ces dites convenances et vendiciom, mais les \19 tanray, apaiseray, garantiray et deffandray a touz jours-mais, pour luy et pour ses hoirs, a dit achetour et a ses hoirs, an touz \20 luec, an toutes cours, an touz jugemans et deffors, ancontre ^[5] toutes gens, a ses propres despans et missions, non obstant \21 acune excepciom de fait ou de droit. 12 En tesmoingnaige de lai quel chose, nos, officials devant nommeis, a-lai relaciom dou \22 dit nostre commandemant qui nos ai raporté toutes ces choses estres veraies et ainsic estre faites, avons mis le seaul de nostre dite \23 court an ces presentes lettres, 13 que furent faites et donees, present Estevenins, filz a-Pinguelare, de Fayi, et Perrins et Richars, suy \24 freres, monsi Johan dit Ros, preste, et plusours autres tesmoins a-cey apelez et requis, le premier jour aprés lai feste sainct \25 Mertin d-iver, l-an Nostre Seignour courrant par mil trois cent quarante et seipt.
14 Horri de Pourraintruy.

Notes de transcription
^[1] Ainsi coupé: sen suegant.
^[2] Ainsi coupé: an vestu.
^[3] Ainsi coupé: an vest.
^[4] Ainsi coupé: an contre.
^[5] Ainsi coupé: an contre.